ஒரே நாளில் இலங்கையில் 70 பேர் பலி! 80 பேர் மாயம்! 5 இலட்சம் பேர் பாதிப்பு..

May 26, 20170 comments



நாட்டில் நிலவி வரும் அசாதாரண காலநிலை காரணமாக இதுவரை 70 பேர் உயிரிழந்துள்ளார்கள் என தெரிவிக்கப்படுகின்றது. இன்று காலை முதல் வெள்ளப்பெருக்கு மற்றும் மண்சரிவில் சிக்கி இவர்கள் பலியாகியுள்ளார்கள்.
மேலும் குறித்த அனர்த்தத்தில் 5 இலட்சம் பேர் வரை பாதிக்கப்பட்டுள்ளனர் எனவும் தகவல்கள் வெளியாகியுள்ளன. இன்று காலை முதல் நாட்டின் பல பாகங்களிலும் குறிப்பாக களுத்துறை, காலி, மாத்தறை, இரத்தினபுரி மாவட்டங்கள் அதிகம் பாதிக்கப்பட்டுள்ளன.
அந்த வகையில் இந்த அனர்த்தத்தினால் இதுவரை 5 இலட்சம் மக்கள் பாதிக்கப்பட்டுள்ளதுடன், 80க்கும் மேற்பட்டவர்கள் காணாமல் போயுள்ளனர் எனவும் தகவல்கள் தெரிவிக்கின்றன.
இதன்படி களுத்துறை மாவட்டத்தில், 38 பேர் உயிரிழந்துள்ளனர். 70க்கும் மேற்பட்டோர் காணாமல் போயுள்ளனர். மாத்தறை - தெனியாய, மொரவகந்த பிரதேசத்தில் நால்வர் உயிரிழந்ததுடன், 16 பேர் காணாமல் போயுள்ளனர்.
இரத்தினபுரி மாவட்டத்தில் 28 பேர் உயிரிழந்துள்ளமை குறிப்பிடத்தக்கது. இவ்வாறு ஒரே நாளில் இயற்கை அனர்த்தத்தினால் உயிரிழந்தவர்களின் எண்ணிக்கை 70 ஆகவும், காணாமல் போனவர்களின் எண்ணிக்கை 80 ஆக உயர்ந்துள்ளது.
https://www.facebook.com/ceylonmuslim/videos/1300837216678292/
Share this article :