9 மாகாண சபைகளுக்கும் ஒரே தினத்தில் தேர்தல் - அமைச்சரவை அங்கீகாரம்




மாகா­ண­சபை தேர்­தலை  தனித்­த­னி­யாக நடத்­தாமல்  அனைத்து மாகா­ண­ச­பை­க­ளி­னதும் தேர்­தலை  ஒரே தினத்தில் நடாத்தும் வகையில் அர­சியல் யாப்பு மற்றும்  மாகாண சபைகள் சட்­டத்தில் திருத்­தங்கள் மேற்­கொள்­ளப்­ப­ட­வுள்­ளன. இதற்­கான அங்­கீ­கா­ரத்தை அமைச்­ச­ரவை வழங்­கி­யுள்­ளது. 
அர­சியல் யாப்­பிலும், மாகா­ண­சபைச் சட்­டத்­திலும் இவ்­வா­றான திருத்­தங்கள்  மேற்­கொள்­ளப்­பட்டால் சப்­ர­க­முவ, கிழக்கு மற்றும் வட மத்­திய மாகாண  சபை­களின் தேர்தல் உட்­பட  அனைத்து மாகாண சபை­களின் தேர்­தலும்  ஒரே தினத்தில்  நடாத்­தப்­படும் என அமைச்­ச­ரவை தீர்­மா­னித்­துள்­ளது. 
மாகாண சபை­களின் தேர்­தல்கள்  தனித்­த­னி­யாக  நடாத்­தப்­ப­டாமல், ஒரே தட­வையில்  நடத்­தப்­பட வேண்­டு­மென்ற  நடை­முறை  இருந்­தாலும்,  கடந்த காலங்­களில் மாகாண சபை தேர்­தல்கள் தனித்­த­னி­யாக  நடத்­தப்­பட்­டன. இதனால்  பெரு­ம­ளவு நிதி, மனி­த­வளம் மற்றும்  வளங்கள்  பெரு­ம­ளவில்  வீண்­வி­ரயம்  செய்­யப்­பட்­டன. மக்­களின்  அன்­றாட  நட­வ­டிக்­கைகள் பாதிக்­கப்­பட்­டன. அரச சேவைகள்  தாம­தங்­க­ளுக்­குள்­ளா­கின என பிர­தமர் இந்த  ஆலோ­ச­னையை அமைச்­ச­ர­வையின் முன்­வைத்து  விளக்­க­ம­ளித்தார். 
மேலும், மாகா­ண­ச­பை­களின் தேர்தல்  தனித்­த­னி­யாக  நடாத்­தப்­ப­டு­வதால் தேர்தல் ஊழல்கள், அரச சொத்­துக்­களின் முறை­யற்ற பாவனை என்­பன அதி­க­ரித்துக்  காணப்­ப­டு­கின்­றன. எனவே  மாகாண சபை­களின் தேர்­தலை ஒரே தினத்தில் நடாத்­து­வதால் இவற்றைத் தவிர்க்க முடியும் என பிர­தமர் ரணில் விக்­கி­ர­ம­சிங்க அமைச்­ச­ரவைக் கூட்­டத்தில் விளக்­கினார். 
இத­னை­ய­டுத்து அமைச்­ச­ரவை மாகாண சபை­களின் தேர்­தலை ஒரே தினத்தில்  நடத்­து­வ­தற்கு  அங்­கீ­காரம் வழங்­கி­ய­தாக  காணி மற்றும்  பாரா­ளு­மன்ற மறு சீர­மைப்பு அமைச்­சரும், அமைச்­ச­ர­வையின் இணை ஊடக பேச்­சா­ள­ரு­மான கயந்த கரு­ணா­தி­லக தெரி­வித்தார். 
நேற்று மதியம் தகவல் திணைக்­க­ளத்தின் கேட்போர் கூடத்தில் நடை­பெற்ற அமைச்­ச­ரவைத் தீர்­மா­னங்­களை அறி­விக்கும் ஊடக மாநாட்­டிலே  அவர்  இத்­த­க­வலை வெளி­யிட்டார். 
அவர்­தொ­டர்ந்தும் தெரி­விக்­கையில், 
 உள்­ளூ­ராட்சி மன்­றங்கள் புதி­தாக அமைத்தல், மற்றும் உள்­ளூ­ராட்சி மன்­றங்­களை   தர­மு­யர்த்தல் தொடர்பில் அது­தொ­டர்­பான நட­வ­டிக்­கை­க­ளுக்கு  சட்ட ரீதி­யான  ஏற்­பா­டுகள்  எதுவும் இல்லை.  இதன் கார­ண­மாக முறை­யற்ற ரீதியில் ஸ்தாபிக்­கப்­பட்ட  உள்­ளூ­ராட்சி  மன்­றங்கள் தமது நிர்­வா­கத்தை முன்­னெ­டுப்­ப­தற்கு தேவை­யான  பொரு­ளா­தார  பின்­னணி இல்­லா­ம­லுள்­ளன. இதனால்  இதற்­கான  செல­வு­களை  மத்­திய  அர­சாங்­கமே பொறுப்­பேற்க வேண்­டி­யுள்­ளது. இந்த உள்­ளூ­ராட்சி  மன்­றங்கள் மூலம் மக்கள்  எதிர்­பார்க்கும்  சேவை­க­ளையும்  வழங்க முடி­யா­ம­லுள்­ளன. 
இதே­வேளை, 1999 ஆம்­ ஆண்டு  வெளி­யி­டப்­பட்ட உள்­ளூ­ராட்சி மன்­றங்கள் மறு­சீ­ர­மைப்பு தொடர்­பி­லான  விசா­ரணை ஆணைக்­கு­ழுவின் அறிக்­கையின் சிபார்­சு­களின் அடிப்­ப­டையில் உள்­ளூ­ராட்சி மன்­றங்­களை  உரு­வாக்­குதல் மற்றும் தர­மு­யர்த்தல் தொடர்­பான கொள்­கை­யினை  அறி­முகம்  செய்­வது தொடர்பில்  சிபார்­சு­களை  முன்­வைப்­ப­தற்கு  மாகாண சபைகள் மற்றும்  உள்­ளூ­ராட்சி அமைச்­ச­ரினால்  12 பேர்  கொண்ட துறை­சார்ந்தோர் குழுவொன்று  நியமிக்கப்பட்டது. 
இந்தக் குழுவின் சிபாரிசுகளுக்கு ஏற்பவே  எதிர்காலத்தில் புதிய உள்ளூராட்சி  மன்றங்கள் உருவாக்குதல் மற்றும் தரமுயர்த்தல் நடவடிக்கைகள் மேற்கொள்ளப்படும். மாகாணசபைகள் மற்றும்  உள்ளூராட்சி அமைச்சர் பைசர் முஸ்தபாவின்   இந்த  ஆலோசனைக்கும் அமைச்சரவை அங்கீகாரம் வழங்கியுள்ளது என்றார்.
ஏ.ஆர்.ஏ.பரீல்