வழக்கை முடிவுக்கு கொண்டு வரவும்; தெளஹீத் ஜமாஅத் தரப்பு மன்றில் வாதம்



தெளஹீத் ஜமா­அத்தின் முன்னாள் செய­லாளர் அப்துர் ராசிக் ஆற்­றிய உரையில் புத்தர் பெரு­மானைப் பற்றி தெரி­வித்த கருத்­துகள் தவ­று­த­லாக சொல்­லப்­பட்­ட­வை­க­ளாகும். திட்­ட­மிட்டு அவர் புத்­தரை அவ­ம­திக்­க­வில்லை.

அதனால் பொது­ப­ல­சேனா அமைப்­பினால் தொட­ரப்­பட்­டுள்ள மத நிந்­தனை வழக்­கினை நீதி­மன்றம் முடி­வுக்கு கொண்­டு­வர வேண்டும். இவை தவ­று­த­லாக சொல்­லப்­பட்ட கருத்­துகள் என்­பதை நீதிமன்றம் ஏற்றுக் கொள்ள வேண்டும் என நேற்று தெளஹீத் ஜமாஅத் சார்பில் ஆஜ­ரான சட்­டத்­த­ர­ணிகள் நீதி­வா­னிடம் கோரிக்கை விடுத்­தனர். 

இத­னை­ய­டுத்து கொழும்பு, புதுக்­கடை நீதிவான் நீதி­மன்ற நீதி­பதி பொலிஸார் இது தொடர்­பாக சட்­டமா அதி­பரின் ஆலோ­ச­னையைக் கோரி உட­ன­டி­யாக கடிதம் ஒன்­றினை அனுப்பி வைக்­கு­மாறு உத்­த­ர­விட்டார். 

தௌஹீத் ஜமா­அத்தின் முன்னாள் செய­லாளர் அப்துர் ராசிக் புத்­த­பெ­ரு­மானை அவ­ம­தித்துப் பேசினார் என்று குற்றம் சுமத்தி பொது­பல சேனா அமைப்பு இந்த மத நிந்­தனை வழக்­கினைத் தாக்கல் செய்­துள்­ளமை குறிப்­பி­டத்­தக்­கது. 

நேற்று விசா­ர­ணைக்­கெ­டுத்துக் கொள்­ளப்­பட்ட இவ்­வ­ழக்கின் பிர­தி­வாதி அப்துர் ராசிக் தரப்பில் ஆஜ­ரான சட்­டத்­த­ர­ணிகள் வாதங்­களை முன் வைத்­தனர். புத்தர் பற்­றிய குறித்த பேச்சு தவ­று­த­லாக இடம்­பெற்ற ஒன்­றாகும். இது தொடர்பில் நாம் ஏற்­க­னவே பல தட­வைகள் நீதி­மன்­றத்தில் விளக்கம் தந்­து­விட்டோம். தவ­று­த­லாக சொல்­லப்­பட்­டது என்­பதை நீதி­மன்றம் ஏற்­றுக்­கொண்டு குறித்த வழக்­கினை முடி­வுக்கு கொண்டு வர­வேண்டும் என்­றனர்.

தௌஹீத் ஜமா அத்தின் வாதத்­தி­னை­ய­டுத்து நீதிவான் பண்­டார தாம் கூறிய குறித்த வார்த்தை தவ­று­த­லாக இடம்­பெற்­றது என்று அவர்­களே தவறை ஒப்­புக்­கொண்­டி­ருக்கும் நிலையில் வழக்கை தொடர்ந்து நடாத்­து­வது தேவை­யற்­றது. புத்­தரைப் பற்றி பேசி­யது தவ­று­த­லாக இடம்­பெற்­றது என்­பதை அவர்கள் விளக்­கி­யுள்­ளார்கள்.

ஆகவே இந்த வழக்கை முடி­வுக்கு கொண்டு வரு­வ­தற்கு சட்­டமா அதி­பரின் ஆலோ­ச­னையை கோரு­வ­தற்கு பொலிஸ் தரப்­பினால் உட­ன­டி­யாக கடிதம் ஒன்று அனுப்­பப்­ப­ட­வேண்­டு­மென உத்­த­ர­விட்டார்.

விசா­ர­ணையை நீதிவான் எதிர்­வரும் ஒக்­டோபர் 11 ஆம் திக­திக்கு ஒத்­தி­வைத்தார். தௌஹீத் ஜமா­அத்தின் சார்பில் ஆர்.ஆர்.ரி.அமைப்பின் சிரேஷ்ட சட்டத்தரணிகளான மைத்திரி குணரத்ன, சிராஸ் நூர்தீன் மற்றும் சட்டத்தரணிகளான நுஸ்ரா சரூக், அன்ஜலோ பெனடிக், வசீம் அக்ரம், ரசீன் சுலைமான் இஸ்மாயில் முஹம்மத் ஆகியோர் ஆஜராகியிருந்தனர்.

ஏ.ஆர்.ஏ.பரீல்