Jul 3, 2017

விடுதலை புலிகளை இலங்கையிடம் நாங்கள் தான் காட்டி கொடுத்தோம் - அமெரிக்கா


தமிழீழ விடுதலைப் புலிகளின் ஆயுத கப்பல்களை இலங்கைக்குக் காட்டி கொடுத்தது நாங்கள்தான் என அமெரிக்கா ஒப்புதல் வாக்குமூலம் அளித்துள்ளது.
தமிழீழத்துக்கான இறுதி யுத்தத்தின் போது விடுதலைப் புலிகளின் ஆயுதக் கப்பல்கள் பல நாடுகளாலும் காட்டிக் கொடுக்கப்பட்டதன் அடிப்படையில் இலங்கை கடற்படை அவற்றை அழித்தது.
2006-ம் ஆண்டு முதல் 2009 வரையில் ஆயுத கப்பல்கள் விடுதலைப் புலிகளின் கைகளுக்கு செல்லாதவாறு பல நாடுகளும் முந்திக் கொண்டு இலங்கைக்கு சேவை செய்தன. இப்போது நாங்களே புலிகளின் ஆயுதக் கப்பல்களை காட்டி கொடுத்தோம் என பெருமையோடு தெரிவித்துள்ளது அமெரிக்கா.
இலங்கைக்கான அமெரிக்காவின் முன்னாள் தூதுவர் ராபர்ட் பிளேக் வாஷிங்டனில் நடைபெற்ற நிகழ்ச்சி ஒன்றில் பேசினார். அதில், விடுதலைப் புலிகளின் ஆயுத கப்பல்களை அமெரிக்கா தாக்கி அழிக்கவில்லை. ஆனால் விடுதலைப் புலிகளின் ஆயுத கப்பல்கள் தொடர்பான தகவல்களை இலங்கைக்கு கொடுத்தோம். இலங்கைதான் அந்த கப்பல்களை தாக்கி அழித்தது என கூறியுள்ளார்.
Previous Post :Go to tne previous Post
Next Post:Go to tne Next Post