நுளம்பு கடியிலிருந்து பாதுகாக்கும் உடை முஸ்லிம் சீருடையை ஒத்தது - ஏற்க மறுக்கும் அதிபர்



ஏ.எல்.எம். சத்தார்
 
டெங்கு நோய் நுளம்புக் கடி­யி­லி­ருந்து பாது­காத்துக் கொள்­வ­தற்­காக நீண்ட கை, காற் சட்­டை­களை அணி­யு­மாறு கல்­வி­ய­மைச்சர் பாட­சாலை மாணவ மாண­வி­க­ளுக்கு வழங்­கி­யுள்ள ஆலோ­ச­னையை தனது பாட­சா­லையில் அனு­ம­திக்கப் போவ­தில்­லை­யென்று கொழும்பு விசாகா வித்­தி­யா­லய அதிபர் கூறியுள்ளார். 

மேற்­படி நீள­மான கால்­சட்டை முஸ்லிம் மாண­வி­களின் சீரு­டையை ஒத்­தி­ருப்­ப­தா­லேயே தன்னால் மேற்­படி சீருடைத் திட்­டத்தை ஏற்­றுக்­கொள்ள முடி­யா­துள்­ள­தாக அவர் தனது கருத்தை முன்­வைத்­துள்ளார்.

மேற்­படி பாட­சா­லையில் இடம்­பெற்ற கூட்­ட­மொன்றில் உரை­யாற்­றும்­போதே அதிபர் இவ்­வாறு தெரி­வித்­துள்ளார்.
டெங்கு நோயைப் பரப்பும் நுளம்புக் கடி­யி­லி­ருந்து மாணவ, மாண­வி­களைத் தற்­காத்துக் கொள்­வ­தற்­காக நீள­மான கை, காற்­சட்டை சீரு­டையை அணியும் ஆலோ­சனை ஒன்றை கடந்த இரு வாரங்­க­ளுக்கு முன்னர் கல்­வி­ய­மைச்சர் அகில விராஜ் காரி­ய­வசம் முன்­வைத்­தி­ருந்தார். இதற்கு மறுப்புத் தெரி­விக்கும் வகை­யி­லேயே விசாகா வித்­தி­யா­லய அதிபர் தனது பாட­சாலை கூட்டம் ஒன்றில் மேற்­படி கருத்தை வெளி­யிட்­டுள்ளார்.
இவ்­வி­டயம் குறித்து சிங்­கள ஊடகம் ஒன்று மேற்­படி அதி­ப­ரிடம் கேள்வி எழுப்­பி­ய­போது முஸ்லிம் பிள்­ளை­களின் சீரு­டையை போன்று அணி­வதை தமது பாட­சா­லையில் அங்­கீ­க­ரிக்க முடி­யா­தென்றும் இதற்குப் பிர­தி­யீ­டாக பாட­சா­லைக்குள் மாத்­திரம் வழ­மை­யான சீரு­டை­யுடன் அதற்குக் கீழ் பகு­தியில் பாட­சாலைப் பிள்­ளைகள் அணியும் டையின் நிறத்தில் நீள­மான காற்­சட்­டையை அணிய தம் பாட­சாலை மாண­வி­களைக் கேட்டுக் கொண்­டுள்­ள­தா­கவும் அத்தகைய மேலதிக காற்சட்டையை பாடசாலைக்கு வெளியே அணிய வேண்டாம் என்றும் தான் ஆலோசனை வழங்கியதாக குறித்த அதிபர் ஊடகவியலாளரிடம் தெரிவித்துள்ளார்.