இன்­றுடன் நிறை­வ­டை­கி­றது உலக மெய்­வல்­லுநர் போட்டி

இன்­றுடன் நிறை­வ­டையும் உலக மெய்­வல்­லுநர் போட்­டியில் உலகின் அதி­வேக மனி­த­னான ஜமைக்­காவின் உசெய்ன்‍ போல்ட் சர்­வ­தேச தட­கள அரங்கில் தனது கடைசிப் போட்­டியில் பங்­கேற்றார்.  ஆண்­க­ளுக்­கான 4  x 100  மீற்றர் அஞ்சல் ஓட்டப் போட்­டியே அவர் பங்­கு­பற்றிய கடைசிப் போட்டி நிகழ்­வாகும். இப்­போட்டி இலங்கை நேரப்­படி நேற்று நள்­ளி­ரவு 2.20 மணிக்கு இடம்பெற்றது. போல்டின் பிரி­யா­விடைப் போட்­டியைக்கான பெரு­ம­ள­வான ரசி­கர்கள் வந்திருந்தனர் இதே­வேளை பெண்­க­ளுக்­கான 4  x 100  மீற்றர் அஞ்சல் ஓட்டப் போட்டி நேற்று நள்­ளி­ரவு 2 மணிக்கு இடம்­பெறவிருந்தது. இப்பத்திரிகை அச்சுக்கு செல்கையில் இப்போட்டிகள் ஆரம்பமாயிருக்கவில்லை.
இரண்டு ஆண்­டு­க­ளுக்கு ஒரு முறை நடத்­தப்­பட்­டு­வரும் உலக மெய்­வல்­லுநர் போட்டி இம்­முறை பிரித்­தா­னி­யாவின் லண்டன் நகரில் நடை­பெற்று வரு­கி­றது. கடந்த 4 ஆம் திக­தி­யன்று ஆரம்­ப­மான 16 ஆவது உலக மெய்­வல்­லுநர் போட்டி இன்­றுடன் நிறை­வ­டை­கி­றது. நேற்­றைய 9 ஆம் நாள் ஆரம்­பத்தின் போது பதக்கப் பட்­டி­யலில் ஐக்­கிய அமெ­ரிக்கா  8 தங்கம், 8 வெள்ளி, 7 வெண்­கலம் என 23 பதக்­கங்­க­ளுடன் முத­லி­டத்தில் இருந்தது.
ஆபி­ரிக்க நாடான கென்யா மூன்று  தங்கம், ஒரு வெள்ளி, நான்கு வெண்­கலம் அடங்­க­லாக 8 பதக்­கங்­க­ளுடன் இரண்­டா­வது இடத்­திலும், ஐரோப்­பிய நாடான போலந்து இரண்டு தங்கம், இரண்டு வெள்ளி, இரண்டு வெண்­கலம் என மொத்­த­மாக 6 பதக்­கங்­க­ளுடன் மூன்­றா­வது இடத்­திலும் காணப்­ப­டு­கின்­றன.
போட்டி ஏற்­பாடு நாடான மகா பிரித்­தா­னியா ஒரே­யொரு தங்­கப்­ப­தக்­கத்தை வென்று 13 ஆவது இடத்தை மேலும் 6 நாடு­க­ளுடன் பகிந்­து­கொண்­டுள்­ளது. இந்த பதக்­கத்தை வென்று கொடுத்­தவர் 10 ஆயிரம் மீற்றர் ஓட்­டப்­போட்டி சம்­பி­ய­னான மோ பரா ஆவார். இவர் உலக மெய்­வல்­லுநர் போட்­டியில் தொடர்ச்­சி­யாக மூன்­றா­வது தட­வை­யாக இப்­போட்டிப் பிரிவில் தங்கம் வென்­றவர் என்­பது சிறப்­பம்­ச­மாகும்.
வீழ்ந்தார் போல்ட்
தனது கடைசி தனி­நபர் போட்­டியில் பங்­கேற்ற போல்ட் ஆண்­க­ளுக்­கான 100 மீற்றர் ஓட்டப் போட்­டியில் 9.95 செக்­கன்­களில் ஓடி­மு­டித்து  3 ஆவது இடத்தைப் பிடித்து வெண்­க­லப்­ப­தக்­கத்தை பெற்றார். இப்­போட்­டியில் ஐக்­கிய அமெ­ரிக்­காவின் ஜஸ்டின் கெட்லின் (9.92) மற்றும் கிறிஸ்­டியன் கோல்மன் (9.94)  ஆகி­யோ­ரிடம் உலகின் அதி­வேக மனி­த­னான போல்ட் வீழ்ந்தார்.
நான்கு பேரும் தோல்வி
இலங்கை சார்­பாக பங்­கு­கொண்ட நால்­வரும் தோல்­வியைத் தழு­வினர். இதில் ஆண்­க­ளுக்­கான மரதன் ஓட்டப் போட்­டியில் பங்­கு­கொண்ட அநு­ராத இந்­தி­ரஜித் குரே தோல்­வியைத் தழு­வினார். மேலும், பெண்­க­ளுக்­கான மரதன் ஓட்டப் போட்­டியில் பங்­கேற்ற ஹிருணி விஜே­சிங்க காயம் கார­ண­மாக போட்­டியின் இடை­ந­டுவில் வில­கினார். 
இதே­வேளை கடந்த 10 ஆம் திக­தி­யன்று பெண்­க­ளுக்­கான  800 மீற்றர் ஓட்டப் போட்­டியின் முதல் கட்ட சுற்றுப் போட்­டியில் பங்­கேற்ற இலங்­கையின் நிமாலி லிய­னா­ராச்சி  போட்டித் தூரத்தை 2 நிமி­டங்கள் 08:49   விநா­டி­களில் முடித்தார். ஆண்­க­ளுக்­கான ஈட்டி எறிதல் போட்­டியில் பங்­கேற்ற வருண லக்சான் மூன்று முயற்­சி­களில் இரண்டு முயற்­சி­களில் உரிய முறையில் வீச­வில்லை. உரிய முறையில் ஒரு முறை வீசிய அவர், 73.16 மீற்றர் தூரத்­துக்கு ஈட்டி எறிந்தார். எனினும் அவரால் அடுத்த சுற்­றுக்கு முன்­னேற முடி­ய­வில்லை.
அடுத்­தது கட்டார் 
கடைசிப் போட்டி நிகழ்­வாக இலங்கை நேரப்­படி இன்று நள்­ளி­ரவு (14) 1.25 மணிக்கு பெண்களுக்கான 4 x 400  மீற்றர் அஞ்சல் ஓட்டப் போட்டியும் 01.45 மணிக்கு 4  x 400  மீற்றர் அஞ்சல் ஓட்டப் போட்டியும் இடம்பெறவுள்ளன. அத்துடன் அடுத்த உலக ‍ெமய்வல்லுநர் போட்டி கட்டாரின் தோஹாவில் நடைபெறவுள்ளமை குறிப்பிடத்தக்கது.