Aug 7, 2017

இலங்கையர்கள் இன்று வானில் தோன்றும் அதிசயத்தை பார்க்கலாம்


சூரியன், சந்திரன், பூமி ஆகியவை ஒரே நேர்கோட்டில் சந்திக்கும் நிகழ்வான சந்திர கிரகணம் இன்று ஏற்படுகிறது. 


இதை இலங்கை மக்கள் அவதானிக்க முடியுமென கொழும்பு பல்கலைக் கழகத்தின் பேராசிரியர் சந்தன ஜயரட்ன தெரிவித்துள்ளார்.
நிலவின் மீது படவேண்டிய சூரிய ஒளிக்கதிர்களை பூமி மறைத்துக் கொள்ளும் போது சந்திர கிரகணம் நிகழ்கிறது. 
இந்த சந்திர கிரகணம் இன்று இடம்பெறவுள்ளது. இதனை இலங்கை உள்ளிட்ட ஆசிய நாடுகளிலும், அவுஸ்திரேலியா மற்றும் ஆபிரிக்காவின் பெரும்பாலான பகுதிகளிலும் அவதானிக்க முடியும்.
இன்றைய பௌர்ணமி தினத்தில் பகுதி சந்திர கிரகணம் ஒன்று இடம்பெறவுள்ள நிலையில் சந்திர கிரகணத்தை இலங்கையில் உள்ளவர்கள் அவதானிக்க முடியும்.
இன்று இரவு 9.20 ஆரம்பமாகும் இந்த சந்திர கிரகணம் மறுநாள் அதிகாலை 2.21 உடன் நிறைவடையும். இதேபோன்ற இரு சந்திர கிரகணங்கள் அடுத்த வருடம் ஜனவரி மற்றும் ஜூலை ஆகிய மாதங்களிலும் இடம்பெறவுள்ளமை குறிப்பிடத்தக்கது.

SHARE THIS

Author:

If you have any problems or have comments or suggestions for improving our web, please contact ceylonmuslim24@gmail.com we will do our best to assist you | Chief Edito, CeylonMuslim Media Network