தொலைக்காட்சிச் செய்தித்தெரிவிப்புக்கான கைந்நூல்

இக்கைநூல் மைக்கல் பெட்ஸ் (Michelle Betz) என்பவரால் றுவாண்டா நாட்டில் ஊடகவியல் கற்பித்த அனுபவங்களின் அடிப்படையிலும், அங்கிருந்த தேவையின் அடிப்படையிலும் 2003 இல் எழுதப்பட்டு, ஊடகவியல் மாணவர்கள் மத்தியில் பயன்படுத்தப்பட்டது. குறித்த கையேட்டினை அடிப்படையாக கொண்டு கு.பதீதரன் (ஊடகவியல் பயிற்றுவிப்பாளர்) அவர்களால் மொழி பெயர்ப்பு செய்யப்பட்டது. இதில் சில இடங்களில் உளளூர் உதாரணங்கள் பயன்படுத்தப்பட்டுள்ளது.
செய்தி சேகரிப்பு
செய்தி என்றால் என்ன?
இதன் வரைவிலக்கணம் ஆளுக்கு ஆள் வேறுபடுகின்றது. இருந்தாலும் பாரம்பரியமாக சில விடயங்கள் இருக்கின்றன. அவற்றை மனதில் நிறுத்தி வைத்துக்கொள்ளுங்கள், அறிக்கையிடவேண்டிய சந்தர்ப்பம் ஏற்படும் போது எதை, எப்படி அறிக்கையிட வேண்டும் என்று தீர்மானிக்க இது உதவும்.
உங்களுடைய இலக்கு வாசகர்கள் யார்?
அவர்களுக்கு குறிப்பிட்ட செய்திக்கும் தொடர்பு உண்டா?
அண்மித்த தன்மை குறிப்பிட்ட செய்தி உங்களுடைய சமூகத்திற்கு உள ரீதியாகவும், பௌதீக ரீதியாகவும் எவ்வளவு தூரம் கிட்டவாக உள்ளது.
காலம் – குறித்த விடயம் அக்காலத்திற்குப் பொருத்தமானதாக இருக்கின்றதா?
தாக்கம் – குறிப்பிட்ட விடயம் மக்கள் மீது தாக்கம் செலுத்துமா? எத்தனை பேருக்கு? எந்த அளவுக்கு தாக்கத்தைச் செலுத்தும்?
குறித்த விடயம் வழமைக்கு மாறானதாக இருக்கின்றதா?
முக்கியத்துவம் – குறித்த விடயத்தில் யாராவது முக்கிய நபர்கள், நாடுகள், சம்பவங்கள் சம்பந்தப்பட்டுள்ளதா?
முரண்பாடு குறித்த விடயத்தில் ஏதாவது முரண்பாடுகள் இருக்கின்றதா?
செய்தி கதைக்காக ஆய்வுகளைச் செய்யும் போது அடிப்படைக் கேள்விகளான
என்ன?
எங்கே?
எப்போது?
ஏன்?
யார்?
எப்படி? மற்றும் உண்மையாக என்ன நடந்தது? என்ற கேள்விகளை கேட்பதற்கு மறக்க வேண்டாம்.
செய்தியின் பெறமானத்தைத் தீர்மானிக்கக் கூடிய மேலதிக விடயங்கள்
ஏன் குறிப்பிட்ட விடயம் முக்கியமானது?
குறிப்பிட்ட விடயம் எனக்கு என்ன விடயத்தை வெளிப்படுத்துகின்றது?
குறித்த விடயம் தொடர்பாக நான் என்ன செய்ய முடியும்?
அதற்குப் பின்னர் என்ன நடக்கும்?
அடுத்த நிலை என்ன?
எப்போதும் ஒரு விடயத்தை குறித்து செய்தியை வானலைகளில் வெளியிட முன்னர் நீங்கள் பல்வேறு படிகளூடாக செல்வீர்கள்;.
ஆய்வு என்பது, ஒரு இடத்திற்கு சென்று படப்பிடிப்பை மேற்கொள்ளவதற்கு முன்னர் அல்லது ஒளிபரப்பிற்காக படப்பிடிப்பிடிப்பு மேற்கொள்ள முன்னர் செய்கின்ற அனைத்து வகையான ஆயத்தங்களையும் குறிக்கும்.
தகவல்களைத் சரிபார்த்தல் என்பது அறிக்கையிடப்பட்டு வான் அலையில் வெளிவருகின்ற அனைத்து விடயங்களும் உண்மையானவை என்று உறுதிப்படுத்தலைக்குறிக்கும்.
துல்லியம் என்பது பெறுகின்ற தகவலை மிகச்சரியாகப் பெறுவதாகும்.
பக்கச்சார்பின்மை என்பது குறித்த விடயம் சம்பந்தமாக மற்றைய தரப்பினருக்கும் சந்தர்பம் வழங்குவதை உறுதிப்படுத்தலாகும்.
செய்தியை சொல்லுதல்
ஊடகவியலாளர்களின் பிரதான தொழில்களில் ஒன்று மிகத்திறமையாக கதை சொல்பவர்களாக இருத்தல். நம்பக்கூடிய வகையில் எங்களால் கதை சொல்ல முடியாத நிலை இருக்குமானால் எங்களுடைய அலைவரிசையைப் பார்வையாளர்களை பார்க்க சொல்வதற்கு அல்லது கவர்ந்து வைத்திருப்பதற்கு காரணம் இருக்காது. அவர்கள் வேறு ஒன்றுக்கு செல்லலாம். மக்களுடைய வாழ்க்கையை மாற்றும் திறன் எங்களுக்குள் இருக்கலாம். ஆனால் அவ்வாறு செய்வதற்கு நாங்கள் கட்டாயம் சொல்லுகின்ற செய்தி நல்லதாக இருக்கவேண்டும். எப்படி அதை நாங்கள் செய்யலாம்? ஓவ்வொரு கதைகளும் அடிப்படையாக கொண்டிருக்க வேண்டிய மூலங்களுடன் ஆரம்பிக்கலாம்.
குறிப்பிட்ட செய்தியில் வருகின்ற முக்கிய ஆள் அல்லது கதையை ஒருவருடையதாக்குவது
கதையின் போக்கு குறிப்பிட்ட செய்திக்கதையை பார்பவர்களுக்கு ஆர்வமூட்டும் வகையில் அமைப்பது
ஆச்சரியம் – கதையில் திருப்பங்களை ஏற்படுத்தி ஆச்சரியம் ஊட்டுதல் அல்லது மறைத்து வைத்து பின்னர் வெளியிடுதல்
முரண்பாடு – முரண்பாட்டைத் தீர்த்தல் உணர்வு பூர்வமாக இருத்தல்.
இனி நீங்கள் இந்த அடிப்படைகளைக் இணைத்துக்கொண்டு ஆரம்பம், நடு, மற்றும் இறுதி என செய்திகளைத் தொகுத்து வழங்கலாம். எல்லாச் செய்திக்கதைகளும் ஒரே வகையில் சொல்லக்கூடியதல்ல என்பதை தெளிவாகப் புரிந்துகொள்ளவும். ஊடகவியலாளரான நீங்கள் தீhமானிக்க வேண்டியது என்னவெனில் ஒவ்வொரு செய்தியையும் எப்படி அதன் தனித்துவத்தோடு சொல்வது என்பது. குறிப்பிட்ட செய்தியை சாதாரணமாக 30 செக்ன்களில் சொல்வதா அல்லது ஏற்றுக்கொள்ளக்கூடியவகையில் குறித்த செய்தி பல்வேறுவிடயங்கள் அடங்கிய தொகுதியாக இருக்கவேண்டுமா? செய்தி சொல்லக்கூடிய சாத்தியமான சில முறைகள் பற்றி கீழே குறிப்பிடப்பட்டுள்ளது. மேலும் சில உத்திகள் பற்றி ஒளிபரப்பிற்காக எழுதுவது என்ற பகுதியில் காணலாம்
மையப்படுத்தல் அல்லது குவியப்படுத்தல் (Focus)
குவியப்படுத்தல் என்பது என்ன கோணத்தில் கதை சொல்லப்படுகின்றது என்பதைக் கருதுகின்றது. உதாரணமாக ஊடகவியலாளர் ஒருவர் வீதி ஒரச்சிறுவர்கள் பற்றிய செய்தி ஒன்றைச் சொல்கிறார். ஆனால் அது மிகச்சரியாக என்னத்தைப் பற்றியது? என்ன கோணத்தில் சொல்லப்படுகின்றது? எதை நோக்கி குவியப்படுகின்றது? ஒரு விடயத்தில் எப்படி குவியப்படுத்தல் என்பதை அது செய்யப்படும் முறையூடாகப் பார்க்கலாம்.
தெளிவாக கூறுவதானால், எந்த ஒரு தயார்pப்பும், ஒரு திட்டத்துடன் ஆரம்பிக்கும். உதாரணமாக மேற்கூறப்பட்டதில் வீதியோரச் சிறுவர்கள் என்பது திட்டம்
ஒரு செயலைச் செய்வதற்கான திட்டம்:
ஒரு செய்தி தெரிவிப்புக்கு எடுக்கப்படும் திட்டம் என்பது கட்டாயம் சில நிபந்தனைகளைப் பூர்த்தி செய்ய வேண்டும்.
முதலாவதும் முக்கியமானதுமான கேள்வி: யாராவது கவனத்தில் எடுப்பார்களா? எங்களை நாங்களே இந்தக் கேள்வியைக் கேட்டுப் பதில் காணவேண்டும். செய்யப்போகின்ற விடயம் மக்களுக்கு எந்த வகையில் தொடர்பானது? சுகாதாரம் அல்லது வருமானம், அவர்களது குடும்ப உறவினர் அல்லது நண்பர்கள், அவர்களுடைய வாழ்க்கைத்தரம், அவர்களுடைய அயல், அவர்களுடைய நாடு என்ற வகையில் தேவை முன்னுரிமை குறைந்து கொண்டே செல்லும்.
இரண்டாவது முக்கியமான கேள்வி: குறித்த செய்தி அவர்களின் மனதை நோகடிக்குமா? அல்லது உதவி செய்யுமா? அவர்களை சந்தோஷமடையச் செய்யுமா? அல்லது அவர்களைக் குழப்பத்திற்குள் உள்ளாக்குமா? அவர்களை இம்சைப்படுத்துமா? அல்லது அவர்களை சாந்தமாக வைத்திருக்குமா? அநேகமான சந்தர்ப்பத்தில் சுயநலமான பக்கமே வெல்லும்.
உங்களுடைய செய்தி வெளிப்படையாக இல்லை எனில் நீங்கள் என்ன செய்வீர்கள்? நீங்கள் குறித்த செய்தியை வெளிப்படுத்துவதற்கு கட்டாயமாக காரணம் இருக்க வேண்டும். மேலும் அது யாராவதுடன் ஏதோ வகையில் தொடர்புள்ளதாக இருக்க வேண்டும். ஒரு செயற்பாட்டின் மூலம் இதனைப் பார்க்கலாம்.
ஆய்வு: நிரூபிப்பதற்காக விரைவாக செய்கின்ற ஆய்வானது உங்களுடைய கதையை ஏற்பதற்குரிய நிலைய உருவாக்கும். இந்த முதற்கட்ட ஆய்வின் பின்னர் குறித்த செய்தியை செய்வதற்கு, உங்களுக்கு வேறு எந்த காரணமும் வராது. மீண்டும், இது கணிசமான எண்ணிக்கையிலான மக்களுடன் தொடர்புபட்டதாக இருக்க வேண்டும். பின்னர், குறித்த ஆய்வுடன் தொடர்ந்து செல்வதா என்பதை நீங்கள் தீர்மானிக்க வேண்டும். உங்களுடைய ஆய்வு உங்களுடைய கதைக்கு நல்ல திட்டத்தை அல்லது கருவைக் கொடுக்கும் சந்தர்பம் இருந்தால், நீங்கள் அடுத்த நிலையான குவியப்படுத்தலுக்கு நகரலாம்.
மையப்படுத்தல்: என்னத்தை மையப்படுத்துகின்றீர்கள் ஏன் அதை மையப்படுத்த வேண்டும்? இது உங்களுக்கு ஊடகவியலில் ஒரு வலிமையான கருவி பத்திரிகை, தொலைக்காட்சி, வானொலி, சிறிய செய்தி பெட்டகம் அல்லது ஆவணப்படம். குவியப்படுத்த தீர்மானிக்கும் விடயம் என்பது யார், என்ன மற்றும் ஏன் போன்ற கேள்விகளையுடைய ஒரு சாதாரண வசனம். அல்லது சுலபமாக சொல்வதென்றால் யாரோ ஒருவர் ஏதோ செய்கிறார் எனென்றால்
மையப்படுத்தல் என்பது ஊடகவியலாளர்களுக்கு முக்கியமானது ஏனென்றால் அது உங்களுடைய செய்தியை தெளிவாக வரையறுக்கும். மற்றும் குறித்த செய்தியை செய்வதற்கு என்ன விடயங்கள் தேவையானது என்பதை தெரிவு செய்வதற்கு உதவும். மேலும் நீங்கள் செய்தியைச் சொல்லும் போது உங்களை குறித்த திசையில் பயணிப்பதற்கு உதவி செய்யும். இது என்னத்தைப் பற்றிய செய்தி, நீங்கள் எங்கே செல்கின்றீர்கள் என்பதை உங்களுக்கு ஞாபகப்படுத்தும். செய்தியில் மையப்படுத்தல் இல்லாத சந்தர்ப்பத்தில் உங்கள் செய்திக்கதையானது எல்லா இடங்களுக்கும் செல்லும். அதிகளவாக உள்ளடக்கங்கள் கொண்டிருந்தாலும் நேயர்களைக் குழப்பத்திற்குள்ளாக்கும்.
மைப்படுத்தும் வசனங்கள் பின்வரும் உள்ளடக்கங்களைக் கொண்டிருக்கும்.
ஓவ்வொன்றும் இலகுவான உண்மையை சொல்லும் வசனங்கள்
ஓவ்வொன்றும் தாக்கம் மற்றும் காரணங்கள் உள்ளடக்கியதாகும்
ஓவ்வொன்றும் ஆய்வின் அடிப்படையில் இருக்கும்
ஓவ்வொன்றும் மக்களுடன் சம்பந்தத்தை உள்ளடக்கியது
ஓவ்வொன்றும் உண்மையை அடிப்படையாக கொண்டு உணர்வு பூர்வமானவை
ஓவ்வென்றும் எதனை உள்ளெடுப்பது எதனை வெளித்தள்ளுவது என்பதை வரையறுக்கும்.
ஓவ்வொன்றும் எழுவாய் பயனிலை செயற்படுபொருள் கொண்டதாக இருக்கும்.
தெருவோரச்சிறுவர்கள் பற்றிய கதையை எடுத்துக்கொள்ளுங்கள். நீங்கள் செய்கின்ற ஆய்வு குறித்த செய்தியில் எது ஆர்வமூட்டும் விடயம் என்பதை விரைவாக உங்களுக்குச் சொல்லும் அதிலும் அதிகமானவை கவனத்தில் எடுக்ககூடியதாக இருக்கும் ஆனாலும் அவை பெரிதாக இருக்கும் அது பரப்பு சிறிதாக்கப்பட்டு மையப்படுத்த வேண்டும். ஒரு விடயத்தை மையப்படுத்தாமல் நீங்கள் ஆய்வு செய்தால் அது மாதக்கணக்கில் நீண்டு செல்லும். எப்படி குறித்த விடயத்தை சிறிதாக்கிக் கொள்ளலாம்? உங்களுடைய முதற்கட்ட ஆய்வு பல தெரிவுகளை உங்களுக்குத் தரலாம். உதாரணமாக.
குற்றச்செயல்கள் அதிகரிப்பதால் ஆட்சி செய்பவர்கள் குறித்த விடயம் தொடர்பாக அக்களையாக உள்ளார்கள்.
பெறுகின்ற பணம் குறைவாக இருப்பதால் குற்றச்செயல்கள் அதிகரிக்கின்றன.
குற்றவாளிகள் தம்மைத் துன்படுத்தலாம் என சாதாரண மக்கள் பாதுகாப்பின்மையை உணர்கின்றார்கள்.
மையப்படுத்தலுக்குமேலும் இரண்டு விடயங்கள் உள்ளன. எந்த கோணத்தில் பார்க்கப்படுகின்றது மற்றயது எந்தத் தொனியில் சொல்லப்படுகின்றது. இது கருத்தை தெரிவிப்பது அல்ல சாதாரணமாக ஒரு கோணத்தில் பார்ப்பது, இன்னொருவகையில் சொல்வதானால் எந்தப் பிரதான கதாபாத்திரம் அல்லது பாத்திரங்கள் ஊடாக செய்தியைச் சொல்ல விளைகின்றீர்கள்? முதலாவது மையப்படுத்தலில் ஆட்சி செய்பவர்களின் கோணத்தில் பார்க்கப்படுகின்றது அதில் அவர்கள் சிறியளவில் செய்தியில் ஆதிக்கம் செலுத்துகின்றனர். அவ்வாறென்றாலும் நாங்கள் மற்றவர்களிடம் எதுவும் கேட்பதில்லை என்ற அர்த்தமாகிவிடாது. உண்மையாகத் தெருவோரச் சிறுவர்களுடன் கட்டாயம் கதைக்க வேண்டும் அவர்கள் செய்தியின் மிகமுக்கியமானவர்களாக இருக்கின்றனர்.
செய்தியின் தொனி என்ற வகையில், இக் குறிப்பிட்ட செய்தி உத்தியோகபூர்வமானதும், சற்று மோசமான தொனியில் ஆட்சியாளர்களின் கருத்துக்கள் வெளிவரும் ஆனால் நாங்கள் மக்களிடம் இருந்தும் குற்றவாளிகளிடம் இருந்தும் கருத்துக்களை கொண்டிருக்கின்றோம்.
மையப்படுத்தல் – குற்றவாளிகளின் அச்சுறுத்தலால் யாழப்பாண மக்கள் பாதுகாப்பின்மையை உணர்கின்றார்கள்.
இங்கு மையப்படுத்தல் என்பது யாழ்ப்பாண மக்களின் கோணத்தில் இருக்கின்றது. அதாவது நீங்கள் மக்களுக்காகவே உங்களுடைய ஆய்வுகளை மேற்கொள்வீர்கள். மீண்டும் நீங்கள் உண்மைக்கு புறம்பாகவும், பக்கசார்பாகவும் இயங்குவது என்பதல்ல, இன்னொரு வகையில் சொல்வதென்றால், களவுகொடுத்த மக்களின் பெறுமதிக்கு ஏற்ப குற்றம்புரிந்தவர்களுடனும், அதிகாரிகளுடனும் சமப்படுத்த வேண்டும். இங்கு தொனி வேறு விதமாக இருக்கும், முதலாவது செய்தியை விட உணர்வு பூர்வமாக இருக்கும், சாதாரண மக்கள் இங்கு அதிகம் பங்குபற்றுவார்கள்.
இந்த செய்தியில், நீங்கள் பல்வேறு விதமான மையப்படுத்திய கருத்துக்களுடன் வரலாம், ஒவ்வொன்றும் உங்களை வழிநடத்தும் எவற்றை உள்வாங்குவது எவற்றை வெளியில் விடுவது. மையப்படுத்தலுக்கு ஏற்ப நீங்கள் கூட எப்படி ஆய்வை சுருக்கி செய்ய முடியம், எப்படி கதைக்குரிய பாத்திரம், அவர்களுடைய பார்வைக்கோணம் எப்படி இருக்கும், அவர்களுடைய தொனி மாற்றமடையும் என்று கருத்தில் எடுத்துக்கொள்வீர்கள்.
உறுதிப்படுத்துவதற்கான ஆய்வைச் செய்து முடித்த பின்னர். உங்களுடைய மையக்கருத்து, தொனி, பார்வைக்கோணம் என்பவற்றை உருவாக்கிக்கொள்வீர்கள் பின்னர் தகவல்களுக்காக மீண்டும் ஆய்வை மேற்கொள்வீர்கள். உங்களுடைய முழுமையான ஆய்வு நீங்கள் மையப்படுத்தும் விடயம் தவறு அல்லது மிக்ச்சரியாக இல்லை என்பதைக் காட்டுவதாக இருந்தால் நீங்கள் உங்களுடைய ஆய்வில் கிடைத்த உண்மைகளுக்கு ஏற்ப மாற்றத்தை மேற்கொள்வதற்கு தயாராக இருக்க வேண்டும் என்பதை மனதில் வைத்துக்கொள்ளுங்கள்.
அதனால் ஒரு திறமையான செய்தியைச் சொல்வதற்கு பின்வரும் படிமுறையைப் பின்பற்றலாம்.
ஆர்வமூட்டக்கூடிய சகலவிதமான தகவல்களையும் சேகரித்துக் கொள்ளுங்கள் – குறித்த செய்தியை நேர்மையாகவும், திறமையாகவும் சொல்லக்கூடியவை என்ற வகையில் பெற்றுக்கொண்ட தகவல்களை வரிசைப்படுத்தவும். நீங்கள் மையப்படுத்தும் விடயத்தை உங்களுடைய சொந்தப்பாணியில் சொல்வதற்கான பாதையைத் தெரிவுசெய்யுங்கள், வரைபடத்தில் உள்ள எல்லா இடங்களுக்கும் அலைய வேண்டாம்.
பொருத்தமானவற்றைத் தேர்ந்து எடுங்கள், தொகுத்துக்கொள்ளுங்கள், ஒருபோதும் உங்களிடம் உள்ள இயற்கையான ஒலிகளை வீணாக்காதீர்கள்.
சூழ்நிலையைச் சேர்த்துக்கொள்ளுங்கள். சூழ்நிலையைப் பயன்படுத்தி செய்தி பற்றிய சாரம், எப்படி பெரிய படத்தில் பொருந்துகின்றது என்று உங்களுடைய புரிதலைக் காட்டுங்கள்.
மனித நடிப்பு செய்தியை உயிருள்ளதாகவும், ஆசுவாசமாக பார்ப்பதற்கு ஏற்தாகவும் உந்தித் தள்ளவும் செய்யயும். மனித நடிப்பு இல்லாத செய்தி உயிருள்ளதாக இருக்காது. (எடுகோள்களின் அடிப்படையில் அல்லது போலியானது அல்ல)
மக்களுடன் உள்ள செய்தியை நேயர்கள் அல்லது பார்வையாளர்கள் அடையாளம் காண முடியும். மக்களுக்குள் நல்ல செய்தி தெரிவிப்பு உண்டு. உங்களைச் சுற்றியுள்ள சாதாரண மக்கள் – துரதிஸ்டவசமாக உங்களைச் சுற்றியுள்ள ஒரே தன்மையான நிறுவனங்கள் சார்ந்த உத்தியோகஸ்தர் அல்லது வல்லுனர்கள் அல்ல. சாதாரண மக்களின் வாழ்வு உங்களுக்கு கண்களில் நீரை வரவளைக்கும் உண்மையான சாதாரண மக்கள் உணர்வுகளுக்குப் பயப்படுவதில்லை.
இறுதியாக கதையை உச்சக்கட்;டத்திற்கு அல்லது ஏதாவது முடிவை எட்டுவதற்கு ஏற்ற வகையில் அமைத்துக்கொள்ளுங்கள்.
செய்திகளை செய்வதற்கு எண்ணுதல் (Idea)
அநேகமான சந்தர்ப்பத்தில் சில விடயங்களை நாங்கள் செய்தியாக்க வேண்டிய தேவை உள்ளது: செய்திகளுக்கு இடையில் புதிய செய்தி, செய்தியாளர் மாநாடு, கொள்கை ரீதியிலான செய்திகள் போன்றன. வழமையாக நாங்கள் எங்களுக்கு தொலைநகலில் அல்லது தொலைபேசியில் கிடைக்கும் செய்தியறிக்கைகள், அரசாங்க அறிவிப்புக்கள், ஏதாவது நிகழ்வுகள் அல்லது அது போன்றவற்றில் தங்கியிருக்கின்றோம்.
நாங்கள் வழமையாக மறப்பது என்னவென்றால் சமூகத்தில் கண்ணுக்குத் தெரியாத முடிவில்லாத பல கதைகள் உள்ளன ஆழமாகப் பார்த்தால் அவை செய்திப்பெறுமதி உடையவை. அதிகமாக நாங்கள் அடிக்கடி செய்திகள் ஒன்றும் இல்லை, செய்திகள் இன்று குறைவு என முறைப்பாடுகள் செய்தபடி செய்தியறைகளில் நேரத்தை செலவு செய்வோம். உண்மையாக எங்களுக்கு உண்மைக்கு அப்பால் முடியாதுள்ளது. எங்கோ செய்தி இடம்பெற்றவாறு உள்ளது, இது எங்கள் செய்தியறையில் இடம்பெற்வில்லை. நாங்கள் அலுவலகத்திற்கு வெளியில், சமூகத்தில் இருக்க வேண்டும்., வேறு வேறான குடியிருப்புக்களூடாக நடக்க வேண்டும், எங்கள் வாகனஙக்களைச் செலுத்த வேண்டும், வித்தியாசமானவர்களுடன் கதைக்க வேண்டும், எங்களைச் சுற்றி அவதானிக்க வேண்டும்- அங்கே தான் சிறந்த செய்திகள் இருக்கும்
செய்திகளை செய்வதற்குரிய புதிய எண்ணங்களைப் பெறுவதற்கு சில யோசனைகள், அரச செய்திகளில் இருந்து விலகி சமுதாயச் செய்திகளை நோக்கிய தேடல்
கேளுங்கள் –
தெருவில் கடைகளில், பஸ்ஸில் மக்கள் என்ன கதைக்கின்றார்கள்?
எப்போதும் செய்தியை தேடிக் கொண்டிருங்கள்.
கற்பதற்கு ஆர்வமாய் இருந்து கேள்வி கேளுங்கள்.
உங்களைச் சுற்றிப் பாருங்கள்.
உங்களுடைய நண்பர்கள், சக ஊழியர்கள் மற்றும் படப்பிடிப்பாளர்களிடம் கதையுங்கள்
நீங்கள் திறமாகச் செய்ய எண்ணியிருந்தால் இணையத்தில் கலந்தரையாடல் குழுவை —கண்டுபிடியுங்கள்.
மையப்படுத்தலை அடிக்கடி மாற்றுங்கள் அது புதிய கோணத்தைத் தரும்.
உங்கள் சொந்த அனுபவத்தில் இருந்து ஆரம்பியுங்கள்.
உங்கள் கைகளில் கிடைக்கின்ற எல்லாவற்றையம் வாசியுங்கள்.
இலக்கில்லாமல் சாதாரணமாக ஆறுதலாக நடவுங்கள்.
வித்தியாசமான பக்கங்களைக் கேளுங்கள்.
மாற்றத்தை அளவிடுங்கள் – புள்ளிவிபரங்களின் படி யார் பாதிப்படைந்தது என்று பாருங்கள், எண்களுக்கு அப்பால் பாருங்கள்.
சும்மா நிகழ்வுகளை படமெடுக்காதீர்கள் – குறித்த நிகழ்விற்கு பின்னால் உள்ள பிரச்சனையைப் பாருங்கள்.
ஓப்பீடும் வித்தியாசமும் – சூழ்நிலையைக் கொடுங்கள்
உள்ளூர் – தேசிய சர்வதேச செய்தியின் உள்ளுர் தொடர்பைப் பாருங்கள்
எதிர்கால நோக்கில் பாருங்கள்
பின் தொடருங்கள் – எல்லாச் செய்திக்கும் தொடர்ச்சி இருப்பதாக எண்ணிக்கொள்ளுங்கள்
எப்போதும் ஏன் என்ற கேள்வியைக் கேளுங்கள் (விடையுடன்)
சிந்தித்து மூளையைக் கிளறுங்கள்
புதிய தொடர்புகளை ஏற்படுத்திக்கொள்ளுங்கள்
வெளியில் செல்லுங்கள் – பெட்டிக்குள் நிற்க வேண்டாம்
குளத்தில் நிற்கும் போது எதிர்த் திசையில் இருந்து பாருங்கள்
கூட்டங்களுக்கு முன்கூட்டியே செல்லுங்கள்
கூட்டங்களில் செய்தி சேகரிக்கும் போது நிகழ்ச்சிநிரலை முழுமையாகப் பாருங்கள் உங்களுக்குப் பரீட்சயம் இல்லாத ஒன்றில் நீங்கள் குறி வைக்கலாம்
விளம்பரங்களில் கவனம் செலுத்துங்கள்
அடிக்கடி வாகனத்திலோ அல்லது நடந்தோ உங்களுடைய பகுதிக்கு அல்லது சமூகத்திற்கு செல்லுங்கள். முக்கியமான செய்திக்கு இரவில் செல்லுங்கள் உங்கள் வழமையான பாதை இப்பவும் எப்பவும் வித்தியாசமாக
செய்தியை தலைப்பில் திருப்புங்கள் – பெரிய பார்வை பார்த்துவிட்டால், மிகச்சிறிய நுணுக்கமான பகுதியைப் பாருங்கள் பின்னர் மீண்டும் மாறி
தொடர்ச்சியான இடைவெளியில் எங்கள் மூலங்களுடன் சரிபார்த்துக்கொள்ளுங்கள்
எப்போதும் வெறு எதாவது சொல்ல இருக்கா என்று கேட்டு நேர்காணலை நிறைவு செய்து கொள்ளுங்கள்.
ஒளிபரப்பிற்காக நேர்காணுதல்
ஊடகவியல் செயல்பாட்டில் நேர்காணல் என்பது மிகமுக்கியமான ஆற்றல். ஆனால் அதிகளவில் முன்அனுமதி பெற்று குறைந்தளவு தயார்ப்படுத்தலை செய்வது. நேர்காணலை தயார்ப்படுத்தி செய்வதற்கு மனதில் வைத்துக்கொள்வதற்கு கீழே சில யோசனைகள். இவை நீங்கள் தொலைகாட்சியில் அல்லது வானெலியில் நேரலையாக செய்தாலென்ன அல்லது ஒளிஒலிப்பதிவு செய்து வெளியிட்டாலும் ஒன்றையும் பாதிக்காது, பிரயோசனமானவை, எப்படியென்றாலும் மனதில் வைத்துக்கொள்ளுங்கள் தொலைக்காட்சி நேர்காணலைச் செய்யும் போது சில வேறுபாடுகள் உள்ளன. நீங்கள் கட்டாயம் மனதில் ஏற்றுக்கொள்ளுங்கள், பத்திரிகை வாசிப்பவர்கள் அல்லது வானெலி கேட்பவர்கள் தகவலை உள்வாங்கி செயற்படுவதற்கும் தொலைக்காட்சி நேயர் தகவலை உள்வாங்கி செயற்படுவதற்கும் வித்தியாசம் உண்டு. ஆகவே நீங்கள் சற்று வித்தியாசமாக நேர்காணலைச் செய்ய வேண்டியிருக்கும். உங்களுடைய கேள்விகள் இலக்குள்ளதாக இருப்பதை நீங்கள் உறுதிப்படுத்திக்கொள்ளுங்கள். அவ்வாறானால் நீங்கள் உங்களுக்குத் தேவையான அல்லது வேண்டியவற்றை சரியாகப் பெறலாம். உங்களுக்கு தேவையான ஒலிக்கீற்றைப் பெறுவதற்கு நீங்கள் அவதானமாக இருக்க வேண்டும் – இது வானொலியிலும் பார்க்க தொலைக்காட்சியில் மிகமிக முக்கியம், வானொலியில் இலகுவாக இரண்டு வேறு வேறு ஒலிகளை நெறிப்படுத்தால் எடிற் செய்யலாம்)தொலைக்காட்சிக்குத் சரியான பதிவை மேற்கொண்டிருப்பதை நாங்கள் உறுதி செய்யவேண்டும். ஆனாலும் எல்லாச் சந்தர்ப்பங்களிலும் மிகமிக முக்கியம் சிலவற்றை எடிற் செய்வதற்கு தேவையான படங்களை எடுத்து வைக்க வேண்டும். இரண்டு வேறு வேறான படங்களை இணைக்கும் போது
நீங்கள் தொலைக்காட்சியில் அல்லது வானெலியில் பணியாற்றிலும் பாதிக்காது, உங்களுடைய இலக்கு ஒன்று: மிகச்சரியான ஒலிப்பகுதியை எடுத்தல். இதைச் செய்வதற்கு என்ன செய்ய வேண்டும் என்று நீங்கள் தெரிந்திருக்க வேண்டும், பிறகு நீங்கள் கேட்கும் எந்தக் கேள்வியையும் கேடபதன் மூலம் மூலங்களை தேவையான நல்ல பதிலுக்கு இட்டுச் செல்லும்.
நேர்காணலின் போது முந்திச் நீங்கள் செய்ய வேண்டிய முக்கியமான வேலை கேள்வி கேட்கவேண்டும். அடுத்த கேள்வி கேட்பதற்கு யோசிப்பதிலும் பார்க்க பதிலைக் கேட்டு கிரகித்துக்கொள்ளுங்கள் இந்தச்சின்ன விதியை பின்பற்றினால் உங்களுடைய நேர்காணல் உன்னதை தரத்திற்கு உயரும்
நேர்காணலுக்கு சில யோசனைகள்
பொருத்தமான ஆடை அணிந்துந்து கொள்ளுங்கள்
சற்று முன்னதாக செல்லுங்கள். தயார்படுத்தலுக்கு சில நேரம் முந்திச் செல்லலாம். நீங்கள் பிந்திச் சென்றால் சில சமயங்களில் குறிப்பிட்ட நபரை நேர்காணல் செய்ய முடியாது போகலாம்.
இறுக்கத்தை உடையுங்கள், முதன் முதலாக நல்ல அபிப்பிராயத்தை எற்படுத்துங்கள். உங்களுடைய நேர்காணலை இயல்பாக நடத்துங்கள்.
ஆயத்தமாக இருங்கள். குறித்த விடயம் தொடர்பாக ஆய்வுகள் மேற்கொண்டதை உறுதிப்படுத்துங்கள், கேள்விகளை ஆயத்தப்படுத்துங்கள், நீங்கள் நேர்காணல் செய்யப்போகின்றவரைப் பற்றி அறிந்து வைத்திருங்கள்.
நேர்காணல் மூலம் என்ன பெற்றுக்கொள்ளவிருக்கின்றீர்கள் என்பதை தெரிந்து கொள்ளுங்கள்.
உங்களுடைய திட்டம் என்ன? உங்களுடைய மைப்படுத்தல் என்ன?
நீங்கள் நேர்காண இருப்பவர் என்ன விடயத்தில் நேர்காணலுக்கு தகுதியுடையவராக இருக்கின்றார் என்பதை அறிந்திருக்க வேண்டும், ஆனால் கேள்வி முன்பே கொடுக்க வேண்டாம், தவிர்க்க முடியாத விசேட சந்தர்ப்பங்களில் மட்டும் கேள்விகளை கொடுங்கள்.
நேர்காணலின் போது நீங்கள்தான் நிலைமையைக் கட்டுபாட்டில் வைத்திருக்க வேண்டும்- —ஒருபோதும் நேர்காண்பவர் உங்களை கட்டுப்படுத்துவதற்கு அனுமதிக்காதீர்கள்.
கேளுங்கள், கேளுங்கள், கேளுங்கள், உங்களுடைய கேள்விகளுக்கு அடிமையாக இருக்காதீர்கள். செவிமடுத்துக் கேட்பது குறித்த விடயத்தில் மேலதிக கேள்விகள் கேட்பதற்கு வழி வகுக்கும்.
கேள்விகளை தெளிவாக கேளுங்கள்
ஒலிப்பதிவிற்கு தேவையான பற்றிகள், ரேப் போன்றவற்றை மேலதிகமாக வைத்திருங்கள்.
எப்படி உங்கள் கருவிகள் இயங்குகின்றன என்று அறிந்து வைத்திருங்கள். அது எப்படி இயங்குகின்றது என்று உங்களுக்கு தெரிவில்லை என்றால் நீங்கள் வெடக்கபட வேண்டியிருக்கும் அது முறையான தொழில் பயிற்சி என்றும் கருத முடியாது.
நேர்காண்பவரின் பெயரை சரியான எழுத்துக்களுடன், சரியான உச்சரிப்புடன் பெற்றுக்காள்ளுங்கள், இது வாகனம் சரியாக செலுத்துவதற்கு கியர் சரிசெய்வது போல நேர்காணலை ஆரம்பிக்க உதவும். அதேவேளை ஒலிப்பதிவுக் கருவி சரியாக இயங்குகின்றதா என்பதைச் சரிபார்க்கவும் உதவும்.
கேளுங்கள் கேளுங்கள் திருப்பித் திருப்பி கேளுங்கள். தொடர்ந்து பல்வேறு வழிகளில் ஆனால் பௌவ்வியமாக தெளிவுபடுத்தக் கேளுங்கள். உதாரணம் கேளுங்கள்.
நீஙகள் உறுதியில்லாமல் அல்லது பதட்டமாக இருக்க வேண்டாம்.
நேர்காண்பவரின் உடல்மொழியை அவதானித்துக்கொள்ளுங்கள்
நேர்காணலின் போது குறிப்பு எடுத்துக்கொள்ளுங்கள்.
எதாவது உங்களுடைய செய்திக்கு மேலும் மெருகூட்டுமா என்று சுழ்நிலையை அவதானித்துக்கொள்ளுங்கள், குறித்த நபர் என்ன அணிந்திருக்கின்றார். ஞாபகப்படுத்திக் கொள்ளுங்கள் அவதானித்தல் என்பது உங்களுடைய பணிகளில் ஒன்று.
நேர்காணப்பட்டவரிடன் நேர்காணலின் இறுதியில் கேளுங்கள் ஏதாவது சேர்க்க வேண்டியள்ளதா என அவர் வேறு யாரிடமாவது கதைக்க சொல்கிறாரா, நீங்கள் மீண்டும் எதாவது கேள்விக்குப் பதில் தொடர்புகொண்டு கேட்கக்கூடும்.
உங்களுடைய மூலம் அதாவது நேர்காணப்படுவர் உங்களிடம் குறித்த விடயத்தை வெளியிட வேண்டாம் அல்லது பிரத்தியேகமான என்று சொல்னால் அதனை உரிய வகையில் கையாண்டு கொள்ளுங்கள்.
பயிற்சி, பயிற்சி, பயிற்சி. ஊடகவியிலில் நேர்காணல் என்பது பலமான ஆற்றல். அதேவேளை முக்கியமானதும் கூட. தொடர்ந்து பயிற்சி எடுங்கள் உங்களை நேர்காண்பதற்கு யாராவது ஒருவரை தயார்ப்படுத்துங்கள் அப்போது நீங்கள் நேர்காணப்படுபவரின் நிலையைப் புரிந்து கொள்ளலாம்.
என்ன கேள்விகளை கேட்பது?
எப்போதும் நேயர்களுக்கு விடை தெரிய வேண்டிய கேள்விகளைக் கேளுங்கள்.
மூடிய கேள்விகளைக் கேட்காதீர்கள். அதாவது ஆம், இல்லை என்ற வகையில் பதில் சொல்வது.
இரண்டு கேள்விகள் ஒரே நேரத்தில் கேட்பதை தவிர்த்துக்கொள்ளுங்கள். ஒரு நேரத்தில் ஒரு கேள்வி கேளுங்கள்.
விடயம் குறித்து சிறிய கேள்வியாக கேளுங்கள்.
அனுமானங்களை எடுக்க வேண்டாம்
விவாதிக்க வேண்டாம்.
பல விடயங்களை உள்ளடக்க வேண்டாம். மைப்படுத்தலை ஞாபகப்படுத்திக் கொள்ளுங்கள்.
நேர்காணலை முழுமையாக்கும் வகையில் இறுதிக்கேள்வியை கேளுங்கள்.
எப்போதும் வேறு எதாவது சேர்க்க விரும்புகின்றரா என நேர்காணப்படுபவரை கேளுங்கள்
வேறு சில கேள்விகள்
என்ன நடந்தது?
எதைக் கருதுகின்றீர்கள்?
என் அப்படி?
என்ன மாற்று இருந்தது அல்லது இருக்கின்றது?
எப்படி அதை நீங்கள் உருவப்படுத்துவீர்;கள்?
மாற்றத்திற்கான புள்ளியாக என்ன இருந்தது?
அவர்கள் அல்லது அவர் அவள் என்ன சொன்னார்கள்?
அது எதைப் போல இருந்தது,
அந்த நேரத்தில் நீஙகள் என்ன நினைத்தீர்கள்,
நேர்காணல்
1. உங்களுக்கு தேவையான பதிலை குறித்த நேர்காணல் தருபவரிடம் இருந்தது பெற்றக்கொள்ளுங்கள்.
2. திரையில் வைத்து ஆய்வுகள் செய்ய வேண்டாம். அதாவது தேவையான மேலதிக தவல்களாக இருந்தால் அதனை முதலே பெற்றுக்கொள்ளுங்கள்.
3. ஊடக அடிப்படைகளான யார்? எங்கே? என்ன? ன் கேள்விகளை மறந்து விடாதீர்கள்
4. நீங்கள் கேட்ட கேள்விக்குப் பதில் வரவில்லை என்றால் அதே கேள்வியை வேறு வேறு விதத்தில் கேட்டு உங்களுக்கான விடையைப் பெற்றக்கொள்ளுங்கள்
5. உங்களுக்கு தேவையான பதில் கிடைக்கும் வரை திருப்பதி அடைய வேண்டாம். தேவையான பதிலை மனதில் வைத்து செயற்படுங்கள்
6. நீஙகள் கேள்வி கேட்கும் நபருக்கு நேரம் செல்வதாக நினைத்து இடையில் — நிறுத்த வேண்டாம். உங்களுக்கு தேவையான தெளிவான பதில் கிடைக்கும் வரை அவர்களுடைய நேரத்தை உங்களுக்காக செலவு செய்யலாம்.
7. இதேவேளையில் சரியான தேவையான படங்கள் மற்றும் ஒலிகளை பதிவு செய்ய வேண்டும்.
மொழி பெயர்ப்புச் செய்யக்கூடியவர்களைக் கண்டுபிடியுங்கள், கதைக்க கூடியவர்களை கண்டு பிடியுங்கள், இலகுவாகக் கதைக்க கூடியவர்கள், நல்ல ஒலியுடன் கதைக்க கூடியவர்களைக் கண்டுபிடியுங்கள். உணர்வுள்ள மக்களைக் கண்டு பிடியுங்கள், சம்பந்தப்பட்ட மக்களைக் கண்டுபிடியுங்கள், இலக்குள்ளவர்களைக் கண்டுபிடியுங்கள்.
நிகழ்வுகளை செய்தியாக்குதல்
கூட்டமாக இருக்கலாம், மாநாடாக இருக்கலாம் பொதுவாக எல்லா நிகழ்வுகளிலும் நாங்கள் செய்தியாக்கும் விடயம், கேட்பதும் பிடித்ததுமாகும். இந்த வகையான நிகழ்வுகளை செய்தியாக்கும் போது நாங்கள் என்ன செய்வதென்றால் கடைசியாக எப்படி செய்யப்பட்டதோ அவ்வாறு செய்வது. துரதிஸ்டவசமாக அதிகமான செய்தியாளர்கள் எண்ணுக்கணக்கான கூட்டங்களை செய்தியாக்கிய பின்னர், வழமையான பாதைக்கு திரும்பிச் சென்று நிகழ்வுகளைப் படமாக்கி, செய்திக்காக கூட்டத்திற்கு பின்னர் யாரிடமாவது கதைக்காமல் கூட்டத்தில் கதைக்கப்பட்டதோடு சும்மா செய்தியாக்குவார்கள்
உதாரணமாக: உங்களிடம் எச்ஐவி பற்றிய மாநாடு ஒன்றை செய்தியாகக் கேட்டிருந்தால், சும்மா நேராக மாநாட்டிற்கு போகாமல், வேறு அது சம்பந்தப்பட்ட வைத்தியநிலையங்களுக்கு செல்லுதல், யாராவது செய்தியோடு சம்பந்தப்பட்ட நபர்கள் போன்றவற்றை கண்டுபிடித்து செய்தியாக்குங்கள்.
கூட்டங்களை வழமையான முறையில் செய்தியாக்குவதைத் தவிர்ப்பதற்கு சில யோசனைகள்
முன்னதாகவே கூட்டத்தின் நிகழ்ச்சி நிரலை பெற்றுக்கொள்ளுங்கள், சும்மா நிகழ்வை செய்தியாக்காதீர்கள், உங்களுடைய நேயர்களுக்கு ஏற்ற ஏதாவது ஒரு குறிப்பிட்ட விடயத்தை கூட்டத்தில் தெரிவு செய்யுங்கள்.
கூட்டம் ஆரம்பிப்பதற்கு முன்பே செல்லுங்கள், உங்களுடைய மூலங்களை கூட்டம் ஆரம்பிப்பதற்க முன்பாகவே நேர்காணல் செய்யுங்கள்.
கூட்டத்தை படம் பிடிக்கும் போது வேறு கோணத்தில் வேறு பார்வையில் படமாக்குங்கள். வழமையாக நாங்கள் ஒரே மாதிரியாகவே படம் பிடிப்பதால் சிறிது நேரத்தின் பின்னர் எல்லாமே ஒரே மாதிரியாக இருப்பதைக் காணலாம்.
சும்மா கூட்டத்தைப் படம் பிடிக்கவேண்டாம் – கூட்டத்திற்குப் பின்னால் உள்ள விடயத்தைச் செய்தியாக்குங்கள்.
குறிப்பிட்ட விடயத்தால் எப்படி?யார் பாதிக்கபட்டனர் எனபதைக்கண்டு பிடித்து அவர்களுடன் பேசுங்கள்
பல அரச உத்தியோகத்தர்கள் வருகை தருவதால் அதை மட்டும் செய்தியாக எதிர்பார்க்கப்பட்டிருந்த சந்தர்ப்பம் உங்களுக்கு எற்பட்டிருந்தாலும்; கூட படமாக்கபட்டதை கொண்டுவந்து பின்னர் நிகழ்வுகளுக்கு அப்பால் உண்மையான செய்தி உண்மையான மக்களைக் கொண்டு நீஙகள் உங்களுக்குள் (பின்னர், உங்களுடைய செய்தி மூலங்களிடம் இருந்தும்) கேள்வி கேட்டுப்பார்க்கலாம் என்ன செய்தி இருக்கின்றது என்று
தெளிவாக மேற்படி யோசனைகளூடாக மிகமுக்கியமாக பெறுவது என்னவென்றால், எப்பவும் அவ்வாறான கூட்டங்களுக்கு ஏதாவது உத்தியோகபூர்வமான காரணங்கள் இருக்கும், ஆனாலும் உண்மையான செய்தியையும், சரியான ஆட்களையும் குறித்த கூட்டங்களுக்குப் பின்னால் கண்டுபிடிக்க வேண்டியது உங்களது கடமை. உண்மையாக அடிக்கடி குறித்த நபர்கள் வருவார்கள், ஆனாலும் எப்பவாவது மேடைகளில் அல்லது உங்கள் முன்னிலையில் இருப்பார்கள், நீங்கள்தான் அவர்களிடம் இருந்து வெளியில் எடுக்க வேண்டும்.
இயற்கை ஒலிகளைப் பயன்படுத்தல்
இயற்கை அல்லது சுற்றுப்புற ஒலிகள் என்பது சுழலில் இருக்கின்ற ஒலிகளாகும். சிலர் இதனை பின்னணி ஒலி என்று சொல்வார்கள். இது நாங்கள் மௌனமாக இருக்கும் போது எங்களைச் சுற்றிக் கேட்கும் ஒலிகளாகும் பறவைகள் பாடுவது, மிருகங்கள் கத்துவது, வாகன ஒலிகள், மக்கள் கதைப்பது, வண்டுகள் இரைவது, சிறுவர்கள் விளையாடுவது,. இயற்கையான ஒலிகள் ஒளிஒலிப்பரப்படும் செய்திகளில் மிகமுக்கியமாகும், இது செய்தியைச் சொல்வதற்கு மட்டுமல்ல அதனை விபரிக்கும், இது குறித்த விடயத்திற்கு நேயர்களின் மனதில் விம்பத்தை ஏற்படுத்தும். குறிப்பாக படங்கள் இல்லாத நிலையில் வானெலியில் இது முக்கியமாகும்
இயற்கை ஒலிகளுக்கு உதாரணம்
வாகனநெரிசல் பற்றிய செய்தியில், வாகன நெரிசல் படங்கள், போக்குவரத்துப் பொலிஸார் விசில் ஊதுவது, மக்கள் தங்கள் வாகனங்களின் ஒலி எழுப்புவது.
துறைமுகத்தில் பணியாளர்கள் வேலைசெய்யும் நிலையைக் காட்டுவதற்கு வேலையாட்கள்வேலை செய்யும் படம், பொதுவான துறைமுகத்தின் சத்தம், கப்பல்கள் ஒலி எழுப்பும் சத்தம்.
பொதுவாக இரண்டு வகையான இயற்கை ஒலிகள் உண்டு: முன்னணி ஒலி மற்றும் பின்னணி ஒலி. தொலைக்காட்சியில் அண்மித்த படங்களைக் காட்டும் போது அல்லது அகன்ற படங்களைக் காட்டும் போது நீங்கள் முன்னணி ஒலிகளை பற்றி நினைக்கலாம். உங்களுடைய மூலங்களுக்கு அருகில் இருந்து பெறப்படும் ஒலி முன்னணி ஒலி, அகன்ற பின்புலத்தில் இருந்து பெறப்படும் பல்வேறு விதமான ஒலிகள் பின்னணி ஒலி ஆகும்.
முதலாவது உதாரணத்தில், பொதுவான போக்குவரத்து நெரிசல்களின் ஒலி பின்னணி ஒலியாக இருக்க போக்குவரத்து பொலிஸாருக்கு அண்மையாக எடுக்கும் விசில் ஊதும் சத்தம் முன்னணி ஒலியாக இருக்கும். அதிகமான சந்தர்பங்களில் எழுத்துத்துறையில் ஆச்சரியக்குறி பயன்படுத்துவது அல்லது வசனத்தை ஒழுங்குபடுத்துவது போல ஒலிபரப்புத்துறையில் பின்னணி ஒலிகள் நேயர்களை செய்திக்கு அருகில் கொண்டுவருவதற்குப் பயன்படுத்தப்படும்.
ஞாபகப்படுத்திக்கொள்ளுங்கள், ஒளிபரப்புச் செய்திகள் சொல்லுவது என்பது பல்வேறு விதமான மூலங்களை: படங்கள் (தொலைக்காட்சியாயின்) இயற்கை ஒலிகள், பின்னணிக்குரல்கள், நேர்காணல்கள் இணைத்துப் பின்னுவதாகும். இவ்வற்றை மிகத்திறமையாக ஒன்றுடன் ஒன்று பின்னுவதால் சிறந்த செய்திகளை மக்களுக்கு சொல்வது மட்டுமல்ல மக்கள் விபரிக்கப்பட்டதை மறக்கமாட்டார்கள் அத்தோடு செய்தியை முழுமையாக சொல்லும்.
இயற்கை ஒலிகளை சேகரிக்கும்; வழக்கம் நடைமுறையில் உண்டு, சில ஒலிகள் (தண்ணீர்;;) ஒப்பீட்டளவில் ஒலிப்பதிவு செய்வதற்க கஷ்டமானதாகும். அவற்றை ஒலிப்பதிவு செய்வதற்கு தொடர்ந்து முயற்சி செய்யுங்கள், பயிற்சி செய்யுங்கள், வித்தியாசமான ஒலிப்பதிவுக் கருவிகளைப் பயன்படுத்துங்கள். இறுதியாக உங்களுடைய செய்தி இயற்கை ஒலிகளைப் பயன்படுத்தும் போது மிக்சிறந்த தரத்தில் இருக்கும்.
படங்களின் மூலம் செய்தி சொல்லுதல்
தொலைக்காட்சி என்பது சாதாரணமாக வானொலியுடன் படம் சேர்ந்தது அல்ல. தெளிவாக சொல்வதானால், தொலைக்காட்சிச் செய்தியில் படங்கள் மிக முக்கியமானவை எனென்றால் மக்கள் எப்போதும் முன்பு கேட்டதை ஞாபகம் வைத்திருப்பதைக் காட்டிலும் முன்பு பார்த்ததை ஞாபகம் வைத்திருப்பார்கள். அதனால் காட்டுங்கள் சொல்ல வேண்டாம். எப்போதும் ஞாபகம் வைத்திருக்க கூடிய படங்கள் வைத்திருக்க இலக்காக இருங்கள் அவை எப்போதும் காட்சி ஆதாரங்கள்.
ஒரு போதும் நீங்கள் காட்சிகளை அல்லது நிகழ்வுகளை இயக்க வேண்டாம். இயலுமான வரை நீங்கள் உள்ளதை உள்ளவாறு படம் பிடிப்பதற்கு பழக்கிக்கொள்ளுஙகள். நீஙகள் இயக்கினால் பார்வையாளர்களை ஏமாற்றுகின்றீர்கள். அதே வேளை எல்லாச்சந்தர்பங்களிலும் உங்களுக்கு சாத்தியப்படமாட்டாது.
தொலைகாட்சியில் செய்தி வெளியிடுவது என்பது பத்திரிகையில் செய்தி வெளிவிடுவதிலும் பார்க்க வேறுபட்டது. பத்திரிகையில் செய்தி வெளியிடுவது தபால் சேவை போன்றது. தொலைக்காட்சி செய்தி என்பது தனிஒரு கடிதம் படிப்பது போன்றது. தொலைக்காட்சி செய்தியில் உணர்வுகள், அடையளங்காணுதல், மிகவும் சுவாரசியம், நெருக்கம் மற்றும் ஆவணப்படுத்தல் போன்ற விடயங்களைக் காணலாம். இவற்றுக்கான உதாரணங்களை யுரியூப் இணையத்தில் காணலாம்.
உதாரணம் – உணர்வுகள்
உதாரணம் – ஆவணப்படுத்தல்
படப்பிடிப்பிற்கு சென்று ஆரம்பிக்கும் முன் மிகக்கடுமையாக பல விடயங்கள் செய்யவேண்டும். முதலாவது, ஞாபகம் வைத்துக்கொள்ளுங்கள் உங்களுடைய இலக்கு செய்தியின் மையப்பகுதியை படங்கள் மற்றும் ஒலிகளுடாக நிரூபிப்பது. நீங்கள் சொல்லும் செய்திக்கு படங்கள் எப்போதும் காட்சி ஆதாரங்கள். நீங்கள் எப்போதும் உங்களைக் கேட்டுக்கொள்ளுங்கள் எந்தப்படம் குறைந்த சொற்களில் உங்கள் செய்தியைச் சொல்லும். குறிப்பிட்ட கணத்துக்குரிய உணர்வுகளை படம்பிடிப்பதற்கு கடுமையாக முயற்சி செய்யுங்கள்
இரண்டாவது: ஞாபகப்படுத்திக்கொள்ளுங்கள் நாங்கள் கதை சொல்பவர்கள். அந்தக் கதைகளுக்கு ஆரம்பம் நடு மற்றும் முடிவு என மூன்று அடிப்படைகள் உண்டு அத்தோடு உங்கள் படங்களும் அவற்றை விபரிக்க வேண்டிய தேவையுள்ளது. ஆரம்பிக்கும் படம் அல்லது தொடக்கம் வழமையாக பரந்த வகையில் எடுக்கப்பட்ட படங்களுடன் உள்ளடக்கிய காடசியூடாகவே விபரிக்கபடுகின்றது. செய்தியின் நடுப்பகுதி இடைநிலை மற்றும் அண்மித்த வகையில் எடுக்கப்பட்ட படங்களாலேயே செய்யப்படுகின்றது. வழமையாக செய்தி இன்னுமொரு பரந்த வகையில் எடுக்கப்பட்ட படங்களுடன் முடிவடைகின்றது.
மூன்றாவது: சில படங்கள் மற்றய படங்களை விட சிறப்பான வகையில் செய்தியைச் சொல்லும். அண்மித்த வகையில் எடுக்கப்பட்ட படங்கள், முகங்கள், நுண்ணிய விடயங்களை உடைய படங்கள் செயல் மற்றும் எதிர்வினை என்பன சிறந்த வகையில் செய்திகளைச் சொல்லும். தொலைக்காட்சி நடு, அண்மித்ததாக இருக்கின்றது. அதனால் போதியளவு அண்மித்த படங்களை எடுத்துக்கொள்ளுங்கள். நீங்கள் அண்மித்த படங்கள் எடுக்கும் போது அறை குறுக்கமாக இருந்து எடுக்க வேண்டாம். நீங்கள் எடுக்கும் விடயத்திற்கு அண்மித்ததாக சொல்ல வேண்டிய தேவையுள்ளது.
இது உங்களுக்கு வழமைக்கு மாறாக அல்லது விளங்கிக்கொள்ள கடினமாக இருக்கலாம். படப்பிடிப்பில் மிகவும் கடினமான பகுதி என்னவென்றால் பயனுள்ள தெளிவான ஒலிகளைச் சேகரித்துக் கொள்வதாகும். வழமையாக நடப்பது என்னவென்றால் எங்களுக்கு தேவையான நல்ல படங்கள் மற்றும் படத்தொடர்ச்சிகள் எடுத்திருப்போம் ஆனால் அவற்றின் ஒலிகளை பற்றி மறந்து விடுவோம். ஞாபகம் வைத்துக்கொள்ளுங்கள் தொலைக்காட்சியில் செய்தி சொல்வது என்பது படங்கள், ஒலிக்கீற்றுக்கள், பின்னணிக்குரல்கள், மற்றும் இயற்கை ஒலிகள் எல்லாம் சேர்ந்தது அதனால் படப்பிடிப்பில் ஒலிகளை அவதானித்துக்கொள்ளுங்கள். நீங்கள் அவற்றை கேட்க வேண்டிய தேவையுள்ளது இதன் பின்னர் நல்ல, தெளிவான அல்லது நல்ல நினைவுகளைக் கொண்டுவரக்கூடிய இயற்கையான ஒலிகளைப்பதிவு செய்யுங்கள்.
குளத்தில் படம்பிடிக்கும் போது உங்களுடைய ஒழுங்கான படப்பிடிப்பை உறுதி செய்து கொள்ளுங்கள்.
செய்திச் செயல்முறை
ஒளிபரப்பிற்கு எழுதுதல்
ஒளிபரப்பிற்காக எழுதுதல் என்பது பத்திரிகைக்கு எழுதுவதைக் காட்டிலும் வேறுபட்டது. ஏனெனில் எங்களுடைய மூளை தகவலை உள்வாங்கி செயல்முறைப்படுத்துவது என்பது தொலைக்காட்சி மற்றும் வானொலியில் வேறு பத்திரிகையில் வேறு விதமாக. நாங்கள் ஞாபகம் வைத்துக்கொள்ள வேண்டிய மிக முக்கியமான விடயம் என்னவென்றால் நேயர்கள் செய்தியினை அல்லது விடயத்தினை விளங்கிக்கொள்ள ஒரே ஒரு சந்தர்பம் மட்டுமே உள்ளது. ஆனால் பத்திரிகையில் அவ்வாறு இல்லை. வாசிக்கும் போது நின்று வாசிக்கலாம் அல்லது ஏதாவது புரியவில்லை எனில் திருப்பி வாசிக்கலாம். ஆனால் ஒளிபரப்பில் இந்த வசதிகள் இல்லை. எங்களுடைய நேயர்களுக்கு விடயத்தை விளங்கிக் கொள்வதற்கு ஒரே ஒரு சந்தர்பம் மட்டுமே உள்ளது
இது கடுமையான நெருக்கடிகளைத் தோற்றுவிக்கலாம், நாங்கள் ஒளிபரப்பிற்காக எழுதும் போது ஞாபகம் வைத்துக்கொள்ள வேண்டிய விடயம் என்னவென்றால் எமக்கு ஏற்கனவே தெரிந்த பேச்சு மொழியிலேயே எழுதுகின்றோம். நாங்கள் என்ன மொழியில் வேலை செய்தாலும் பிரச்சனை இல்லை, இது உண்மை. வழமையாக எங்களுடைய எழுத்துக்களில் நாங்கள் சரியான இறுக்கம். உதாரணமாக எழுதப்பட்ட செய்தியின் ஒரு பகுதி. நாங்கள் எழுதுவது உரத்து வாசிக்கப்படவுள்ளது என்பதை நாங்கள் மறந்து விடுகின்றோம். ஒளிபரப்பிற்கு எழுதுவது எளிமையானது மட்டுமல்ல இதில் தான் நெருக்கடி. ஆழமாகப்பார்த்தால் நாங்கள் எழுதுகின்றோம், ஆனால் எளிமையாக நாங்கள் கதைப்பது போல காதுக்காக எழுதுகின்றோம். மிக முக்கியமாக நாங்கள் ஞாபகம் வைத்துக்கொள்ளவேண்டியது என்னவென்றால் இரண்டு பெயருடன் உரையாடுவது போல எழுதவேண்டும். நாங்கள் பேசுவது போல எழுதுவது மற்றும் எழுதும் போது பேசுவது ஆனால் சில குறிப்பிட்ட பிரதேசங்களுக்கு உரிய சொற்கள் மற்றும் பேசுவதற்கு மிகப்பொருத்தமான சொற்கள் என்பவற்றில் மிக அவதானமாக இருக்க வேண்டும்.
செய்திக்குரிய கருவை எடுத்து மையப்படுத்திக்கொணடால், நாங்கள் செய்தியின் அமைப்பைத் தீர்மானி;க்க வேண்டும். சாதாரணமாக 4 படிமுறைகளைக்கொண்ட செயல்முறை, இதனை குறக்கும் நெடுக்குமாக செல்கின்ற சதுர வலை என்று சொல்வார்கள், இது பிரயோசனமாக இருக்கும்: கொழுக்கி, சந்தர்பம், படி நிலை மாற்றம் மற்றும் ஒட்டு மொத்த இணைப்பு அல்லது கவசம்.
கொழுக்கி என்பது செய்தியின் ஆரம்பம் இங்கே நாங்கள் நல்ல படங்களை மற்றும் இயற்கையான ஒலிகளைப் பயன்படுத்தி நேயர்களை கவர்ந்து தொலைக்காட்சிக்கு முன்பாக இருத்தி அவர்களை பார்க்கச்செய்தல். இங்கேதான் நாங்கள் செய்தியின் கரு மற்றும் போக்கு என்பவற்றை நிலைப்படுத்துவோம்.
சந்தர்ப்பம் என்பது கதையின் முக்கிய பகுதி தொலைக்காட்சியில் அநேகமாக விறுவிறுப்பான காடசிகளாக இருக்கமாட்டாது. இங்கு திறமையான எழுத்து தேவைப்படும் நீங்கள். முடிந்த வரை விரைவாக அடுத்த பகுதியான படிநிலை மாற்றத்திற்கு செல்வதற்கு.
படிநிலை மாற்றம் – இங்கே தான் கதையின் முக்கிய பாத்திரத்தை நாங்கள் விருத்தி செய்வோம். எழுத்து குறைத்து, எதிர்பார்ப்பை உருவாக்கி, ஆர்வத்தை விளங்கப்படுத்தி ஆய்வுகளை வழங்குவோம். செய்தியை விருத்தி செய்யும் வேளையில் நாங்கள் பிரதான பாத்திரத்தில் தங்கியிருப்போம்.
இறுதியில் நாங்கள் செய்தியை முழுமையாக்க வேண்டியிருக்கும். இங்கே நாங்கள் எதிர் காலத்தைப் பார்ப்போம். வலுக்குறைந்த முடிவை காட்டுவதற்கு நாங்கள் கதையின் உண்மையான மனநிலைக்கு திரும்புவோம். இது அதிகமாக இழுபடக்கூடாது அதற்காக இது முடிவு சொல்வதாகவோ அல்லது சாராம்சமாகவோ இருக்கக்கூடாது. சாதாரணமாக முழுமையாக்குவதாகும்.
ஒன்றை ஞாபகம் வைத்துக்கொள்ளுங்கள் நேயர்களுக்கு எதுவுமே தெரியாத நிலையில் அதேவேளை உங்களுக்கு மட்டுமே செய்தி முழுமையாக தெரியும். செய்தியில் நேயர்களுக்கு வழங்கும் தகவல்கள் முழுமையாக விளங்கிக்கொள்ளும் வகையில் செய்தியை இலகுவாகவும், தகவல்களை வழங்கும் போது தர்க்கரீதியான ஒழுங்கிலும் வழங்க வேண்டியது உங்களுடைய பணி.
பொதுவான விதிகள்
முழுக்கதையையும் சொல்ல முயற்சிக்க வேண்டாம்
குறித்த விடயம் சம்பந்தமான உறுதியான விடயங்களை மட்டும் பாவியுங்கள்
ஒரு நேரத்தில் ஒரு விடயத்தில் மட்டும் மையப்படுத்துங்கள்
உரையாடல்களாக எழுதுங்கள்
எழுதும் போது உண்மையானவற்றை துல்லியமாக எழுதுங்கள்
எழுதும் போது செய்வினை வாக்கியங்களாக எழுதுங்கள்
எழுதும் போது ஆரம்பம் நடு முடிவு என்ற ஒழுங்கில் எழுதுங்கள்
பலமாக ஆரம்பியுங்கள்
இலகுபடுத்துங்கள்
வேறு ஒருவருடைய செயல் அல்லது இன்னொன்றில் விளைவாக இருந்தால் அது முதலில் வரும்.
செய்ய வேண்டியவை
செய்தியை தர்க்க ரீதியான ஒழுங்கில் சொல்லுங்கள்
கதைப்பது போல எழுதுங்கள், எழுதுவது போல கதையுங்கள் (சிறிய வசனங்களாக எழுதுங்கள். நீண்ட வசனங்கள் இருந்தால் சிறிய வசனங்களைத் தொடருங்கள்)
ஒரு வசனத்திற்கு ஊடாக ஒன்று. தனிய ஒன்று
நிகழ்காலத்தை உபயோகியுங்கள்
செயற்பாட்டு வினையை உபயோகியுங்கள்
உங்களுடைய சொற்களால் படங்களுக்கு மெருகூட்டுகள் (நேயர்கள் முடிவெடுப்பதற்கு –அனுமதியுங்கள். நீங்கள் என்ன நடக்கின்றது என்று சொல்லுங்கள், விபரியுங்கள்)
ஆட்களை விபரியுங்கள். அடையாளப்படுத்த வேண்டாம். (அவர்கள் உத்தியோகபூர்வமாக –என்ன செய்கின்றார்கள் என்று சரியாக சொல்லுங்கள்)
சொற்களை வினை எச்சங்களாக பாவியுங்கள் (உதாரணமாக அவர் திறமையானவர் என்று சொல்லும் போது எப்படி என்பதை விபரிக்காமல் நீங்கள் அவரைப் பற்றிய உருவத்தைக் கொடுக்கின்றீர்கள் )
மிகப்பொறுமதியான சிறிய சொற்கள்
எண்களை இயன்றவரை சிறிதாக, கவனமாகப் பாவியுங்கள். எண்களை எதையாவது கருதும் வகையில் உருவாக்குங்கள்.
எவரையாவது மேற்கோள் காட்டுவதாக இருந்தால் வசனத்தில் முதலில் பாவியுங்கள்
செய்யக்கூடாதவை
சரக்கு வண்டி வேண்டாம் (பெயரடைகளால் அடுக்க வேண்டாம்)
சுருக்கங்கள் வேண்டாம் (உதாரணம் எல்எல்ஆர்சி)
யார் எங்கே போன்ற அபாயகரமான சொற்களில் நிறுத்துங்கள்
உங்களுக்கு தேவை இல்லாதவற்றை சொல்ல வேண்டாம். நேராக இருங்கள்
ஒரே விதமான விமர்சனங்கள் வேண்டாம்
கலைச் சொற்களை உபயோகிக்க வேண்டாம்
தெளிவில்லாத சொற்களை தவிர்த்துக்கொள்ளுங்கள். குறித்த விடயம் தொடர்பாக –தளிவாக இருங்கள்
ஒரே மாதியான பொருள் தரக்கூடிய வேறு வேறு சொற்களை அல்லது கவர்ச்சிகரமான –சொற்களை தவிர்த்துக் கொள்ளுங்கள்
இயலுமானவரை இலக்கங்களை உங்களுடைய வசனத்தில் தவிர்த்துக்கொள்ளுங்கள். –கட்டாயமாக உபயோகிக்க வேண்டியிருந்தால் ஏதாவது ஒன்றை வெளிப்படுத்தக் –கூடியவகையில் பாவிக்கவும். வசனத்திற்கு வெளியே முழு எண்களில் –எழுதிக்கொள்வதை உறுதிப்படுத்திக்கொள்ளுங்கள்.
மேற்கோள் காட்டுதலும் ஒலிகளைப் பயன்படுத்தலும்
நாங்கள் ஒலிக்கீற்றுக்களைப் அல்லது ஒலிப்பதிவுகளைப் பயன்படுத்தும்போது சில விடயங்களை மனதில் வைத்துக்கொள்ள வேண்டும். முதலாவது, ஒவ்வொருநாளும் வருகின்ற செய்திக்கு ஒலிப்பதிவு என்பது 15 செக்கன்களுக்கு அதிகமாக இருக்கக்கூடாது. இரணடாவது, நீங்கள் குறித்த ஒலிப்பதிவுக்கு அறிமுகம் எழுத வேண்டும் – நீங்கள் அவரை அறிமுகம் செய்ய வேண்டும், அவரிடம் இருந்து திருடி, திடீரென இடி இடிப்பது போல அல்லது அவர்கள் சொன்னதை திருப்பி கேட்பதாக இருக்கக்கூடாது. உங்களுடைய அறிமுக ஒலிப்பதிவு எவ்வளவிற்கு இலகுவானதாக இருக்க முடியுமோ அவ்வளவிற்கு இலகுவானதாக அன்புமணி நிதி அமைச்சின் செயலாளர்’ தொடர்ந்து குறித்த ஒலிப்பதிவு வரலாம். இறுதியாக ஏதாவது ஒலிப்பதிவை மொழி மாற்றம் செய்யப்போவதாக இருந்தால், முதலில் அதில் ஒலிப்பதிவை சில செக்கன்களுக்கு ஒலிக்கச் செய்து பின்னர் குறித்த ஒலியை குறைத்து அதன் மேல் மொழிமாற்றம் செய்யப்பட்ட ஒலிப்பதிவை ஒலிக்கச் செய்யலாம்.
வழமையாக செய்தியாளர்கள் நேர்காணலில் உள்ள முக்கியமான 10 செக்கன்களை அடையாளம் காண்பதில் சிக்கல்களை எதிர்நோக்குவர் ஆனால் நீங்கள் உங்களைக் கேட்க வேண்டும் நேர்காணலில் செய்திக்குப் பொருத்தமாக விபரிக்க கூடிய எந்தப் பகுதி சிறந்தது என்று இங்கு நீங்கள் ஆசிரியராக செயற்பட வேண்டும்.
அதிகமான சந்தர்ப்பங்களில் ஒலிப்பதிவுகள் இரண்டு வகைகளில் கையாளப்படுகின்றது: தகவல்களுக்கும் உணர்வுகளுக்கும். தகவலுக்காக பெறுகின்ற ஒலிப்பதிவுகளை நாங்கள் வழமையாக உத்தியோகபூர்வமானவர்களிடம் இருந்தும், வல்லுனர்களிடம் இருந்தும், இதேவேளை நாங்கள், உணர்வு பூர்வமானவையை செய்தியில் உள்ள மக்களிடம் இருந்தும் அல்லது செய்தியால் பாதிக்கப்பட்ட மக்களிடம் இருந்தும் பெறுவது வழக்கம். இனி நீங்கள் தீர்;மானிக்க வேண்டும் என்ன வகையான ஒலிப்பதிவு உங்களுடைய செய்தியை திறம்படச் சொல்லும் பின்னர் நீஙகள் தேடிச் சென்று அவற்றைப் பெற வேண்டும்.
இறுதியாக, ஞாபகத்தில் வைத்துக்கொள்ளுங்கள், எங்களுக்;கு ஒரு நேர்காணலின் இரண்டு பகுதிகள் பாவிக்க வேண்டியுள்ளது. வானொலியில் இவை இலகுவாக ஒன்றாக வைத்து எடிற் செய்யக்கூடியவை ஆனால் தொலைக்காட்சியில் ஒன்றாக வைத்து எடிற் செய்யும் போது படங்கள் வெட்டிப் பாயும் படங்கள்தான் விளைவாக கிடைக்கும். இதனால் எங்களுக்கு அண்மித்தாக எடுத்த படங்கள் தேவை, இவற்றைப் படங்கள் எடுக்கும் போதே பெற்றுக்கொள்ள வேண்டும். அண்மித்ததாக எடுத்த படங்கள் தேவை இவற்றை படங்கள் எடுக்கும் போதே பெற்றுக்கொள்ள வேண்டும் அண்மித்ததாக எடுத்த இரண்டு படங்களில் இலகுவில் ஒன்றில் இருந்து மற்றயதிற்கு மாறுவதற்கு உதவும். நேர்காணல் எடுக்கும் போது பின்வரும் படங்கள் இருக்கலாம்: நேர்காணப்படுபவரின் கைகள், அல்லது தோளுக்கு மேலாக ஊடகவியலாளர் கேட்டுக்கொண்டிருக்கும் போது எடுத்த படம், எதாவது தொடர்ச்சியைக் காட்டக்கூடிய காட்சிகள். இவ்வாறன படங்கள் ஆக்குறைந்தது 15 செக்கன்களாவது வேண்டும் அல்லது எடிற் செய்யும் போது எடிற் செய்பவருக்கு தொடுகின்ற நேரம்தான் கிடைக்கும்
வீடியோவை எடிற் செய்தல்
நம்பக்கூடிய வகையில் அல்லது ஏற்கக்கூடிய வகையில் ஒரு தனிச் செய்தியில் படங்கள், இயற்கை ஒலிகள், பின்னணிக்குரல்கள் என்பவைகளால் தொடர்புகள் நிலைநிறுத்தப்படடிருக்கும், பார்வையாளர்கள் உள்வாங்குவற்கு ஏற்றவகையில் உருவாக்கப்பட்டிருக்கும், கேள்வி பதில்கள், உணர்வுகள் பிரதிபலிக்கும் வகையில் சேர்த்து தயாரிக்கப்பட்டிருக்கும். இதுதான் எடிற்றிங்கின் பலம். ஏடிற்றிங் செய்தியில் திறம்படச் செய்திருந்தால், பார்வையாளருக்கு எடிற் செய்யப்பட்டது என்பது புலப்படமாட்டாது.
மிக்சரியாக சொல்வதானால் எடிற்றிங் என்பது, ஒரு நிகழ்வின் சில பகுதிகளை எடுத்து ஒன்றுக்கொன்று தொடர்பாக தொடர்ச்சியாக நிகழும் நிகழ்வுகளை உரிய வகையில் தொகுப்பதாகும். இன்னொரு வகையில் சொல்வதானால் நாங்கள் நிகழ்வுகளின் நேரத்தையும் இடத்தையும் சுருக்குவதாகும். உண்மையில் நீங்கள் எதை எடிற் செய்யப்போகின்றீர்கள் என்பதைப் பொறுத்தே உண்மையான எடிற்றிங் தன்மைகள் இருக்கும். 20 நிமிட ஆவணப்படம் அல்லது இரண்டு நிமிட செய்திப்பெட்கமா? இங்கே சொல்லப்படுகின்ற விடயங்கள் வீடியோ பற்றியதாக இருந்தாலும் அதே நேரத்தில் வானொலி பற்றிய தயாரிப்புக்களுக்கும் பிரயோகப்படுத்தலாம். (கட்புலக் காட்சி இல்லாத செய்தி)
எடிற்றிங் என்பது அடிப்படையில் வௌ;வேறு வகையான படங்களை ஒன்று சேர்த்து, படப்பிடிப்பு நேரத்தை சுருக்கி தயாரிப்பில் ஏற்படுகின்ற தவறுகளைத் திருத்தி பல்வேறு படப்பிடிப்பில் இருந்து செய்தியை அல்லது காட்சியை உருவாக்குவதாகும்.
எடிற் செய்வதற்கு சில ஆலோசனைகள்
உங்களுடைய செய்தியைப் பற்றி நன்றாக முன்கூட்டியே யோசித்துக்கொள்ளுங்கள். உங்களுடைய இலக்கை அடைவதற்காக எடிற் செய்யும் போது என்ன தேவை எப்படி தேவை
உங்களுடைய படப்பிடிப்பு மற்றும் உதவியாளர்களுடன் நன்றாக தொடர்பு கொள்ளல் என்பது பற்றியும் அறிந்து வைத்திருத்தல் நீங்கள் சொல்லப்போகும் செய்தி பற்றி முழுமையாக சிந்தியுங்கள். அதற்கு ஏற்றால் போல படப்பிடிப்பு மற்றும் தேவையான ஒலிகளைச் சேகரித்துக்கொள்ளுங்கள். அளவுக்கு அதிகமாக படம் பிடித்துக்கொள்ளாதீர்கள் அது எடிற் செய்யும் போது உங்களைப் பயமுறுத்தும் கனவு போல இருக்கும். அதுமட்டுமல்ல சாதாரணமாக உங்களுக்கு கிடைக்காத பொன்னான நேரத்தையும் எடுத்துவிடும்.
உங்களுக்கு ஒன்றுக்கொன்று தொடர்பாக தொடர்ச்சியாக நிகழும் நிகழ்வு தேவை. இவை எடிற்றிங் இன் போது செய்ய முடியாது. அதனால் படம்பிடிக்கும் இடத்தில் இவை பெறப்பட்டதை உறுதிப்படுத்திக்கொள்ளுங்கள்.
உருவங்கள் எடிற் செய்யப்பட வேண்டும். அவ்வாறு செய்வதால் ஒன்றுக்கொன்று தொடர்பாக தொடர்ச்சியாக நிகழும் நிகழ்வில் முக்கிய கதாபாத்திரம் எப்போதும் ஒரே திசையில் நகரும். இந்த நிலையில் பிரதான பாத்திரத்திற்கு இடையிலான தூரம், கோணம், படத்தில் ஒழுங்கமைப்பு என்பவற்றில் ஏதாவது மாற்றமடையலாம்
எழுந்தமானதாக கமெரா அசைவது பார்வையாளரை குழப்பத்திற்குள் உள்ளாக்கும். உங்களுக்கு தேவையான என்பவற்றை பெற்றுக்கொண்டதை உறுதிப்படுத்திக்கொள்ளுங்கள்.
நீங்கள் கமராவை மேலும் கீழுமாக அல்லது முன்னுக்கு பின்னாக அல்லது பக்கவாட்டில் அசைப்பதாக இருந்தால் எடிற் செய்யும் போது குறித்த அசைவு முடியும் வரை அனுமதிக்கவும். இடையில் வெட்ட வேண்டாம். அசைவு முடிவதற்கு அனுமதியுங்கள.
ஓளிபரப்புடன் சம்பந்தமான ஊடகவியிலில் இறுதித்தயாரிப்பு செயற்பாடு, பேச்சுக்கள், ஒலிகள் அல்லது பின்னணி வசனங்கள் என்பவற்றால் ஊக்கப்படுத்த வேண்டும். உடனடியனதாக உங்களால் கொடுக்கப்படும் தகவல்கள் பார்வையாளரால் உள்வாங்கப்படக்கூடிய நேரத்திற்கு ஒவ்வொரு படமும் ஆக்கூடியதாக ஒடலாம். பார்வையாளருடன் சேர்ந்து செல்லவேண்டியது மிக மிக முக்கியம்
படம் பிடித்த பட்டியலை வைத்திருங்கள். வேலை செய்யும் போது எங்கு செல்கின்றீர்கள் என்பதை அறிந்து கொள்ளலாம்.
முன் ஆயத்தமாக இருங்கள் – படக் கசெற், படம்பிடிக்கப்பட்ட பட்டியல், குறிப்புக்கள், தயாரிப்பு ஒழுங்குகள் என்பவற்றை கையில் வைத்துக்கொள்ளுங்கள்
இறுதித்தயாரிப்பை இன்னொருவருடன் சேர்ந்து செய்வதாக இருந்தால் (நீங்கள் எடிற்ரிங் செய்யாமல்) உங்களுடைய செய்தியின் மைப்பொருளை அவருடன் பகிர்ந்து கொள்ளுங்கள். இருவரும் ஒரே பக்கத்தில் வேலை செய்யலாம்.
சொற்களை மாற்றுவதற்கு ஆயத்தமாக இருங்கள் – படங்களைக் காட்டிலும் சொற்கள் நெகிழ்வுத் தன்மை கொணடவை.
சுவாசிப்பதற்கு அனுமதியுங்கள் – ஆம்பத்தில் அல்லது இறுதியில் நிறுத்தி வைப்பது அதிக பலம் வாய்ந்ததாக இருக்கும்
இயற்கை ஒலி – அதைப்பயன்படுத்துங்கள்
தொலைக்காட்சியில் தோன்றி நின்று சொல்வது (Stand up)
தொலைக்காட்சியில் நின்று சொல்வது என்பது காட்சியில் செய்தி தெரிவிப்பாளர் சிறிது நேரம் (ஆகக்கூடியது 15 செக்கன்கள்) தோன்றுவதாகும். படத்தொகுப்பு செய்யும் போது செய்தி தொகுப்பின் ஒரு பகுதியாகும்
நின்று சொல்வது செய்திகளில் முழுமையான வெற்றியைத் தர முடியும்.
இரு வேறு வேறு இடங்களை அல்லது ஒரு செய்தியின் நடுவில் எனில் சிந்தனையில் இருந்து மற்றய சிந்தனை இணைக்கும் பாலமாக இருக்க முடியும.
செய்தியின் இறுதி ஆயின் குறித்த செய்தியின் சாராம்சமாகவோ அல்லது அதனை அடையாளப்படுத்துவதாகவோ இருக்க முடியும்.
செய்தியில் சிக்கல்களை அல்லது குழப்பங்களை குறைப்பதில் மிகப்பயனுள்ளதாக இருக்கும்
நீங்கள் காட்சியில் தோன்றி சொல்வது என்பது குறித்த செய்தியின் சாட்சியாக இருப்பதனால் செய்தியின் நம்பகத்தன்மைக்கு பெரிதும் உதவும் என்பதில் சந்தேகமே இல்லை.
நின்று சொல்லும் போது கவனிக்கப்படவேண்டியவை
நின்று சொல்லுவது சொல்ல வருகின்ற செய்தியை மேலும் மெருகூட்டுமா?
என்னுடைய படங்கள் முழுமையாக செய்தியைச் சொல்லுமா?
நாங்கள் உண்மை என்று கருதப்படும் விடயங்களைச் சொல்லும் போது அவற்றை படங்கள் மூலம் காட்ட முடியாதா?
என்னுடைய வீடியோ, பார்ப்பதற்கு ஆர்வமற்றதாக, அவற்றை சும்மா பயன்படுத்தி அதனால் நான் கலர்பாரைப் பயன்படுத்தவில்லையா?
நின்று சொல்வதை பாவிப்பதற்கான காரணங்கள்
ஏனெனில் நாங்கள் செய்தி தெரிவிப்பாளரைப் பார்க்க வேண்டும்
ஏனெனில் புலமையாளர்களின் ஆய்வுகள் சொல்கிறன, நாங்கள் அதை செய்ய வேண்டும்
ஏனெனில் உங்களிடம் வேறு எந்த வழியும் இல்லை உங்கள் செய்தியைத் தொடங்குவதற்கும், முடிப்பதற்கும்.
தொலைக்காட்சித் திரையில் தோன்றி வழங்குவதற்கு சில யோசனைகள்
தெரிவிப்பது அல்லது வாசிப்பதற்கு மாறாக விபரியுங்கள்
செய்தி எப்படி மக்களைத் தொடுகின்றது அல்லது பாதிக்கின்றது என்பதைத் தெளிவு –படுத்துங்கள்
பதட்டம் இல்லாமல் இருங்கள்
எண்ணி சிறிய வசனங்களாக பேசுங்கள், உங்களுடைய செய்தியை இயல்பான பேச்சு –நடையில் சொல்லுங்கள்
கேட்பவர்கள் எப்போதாவதுதான் உங்களுடைய வசங்களில் எல்லாச் சொற்களையும் -கவனத்தில் எடுப்பார்கள் என்பதை நினைவில் வைத்துக்கொள்ளுங்கள். இதனால் –நீங்கள் உங்களுடைய செய்தியை போதியளவு தெளிவாக –வைத்துக்கொள்ளுங்கள் குறிப்பாக நீங்கள் தோன்றி சொல்லப்போகும் விடயத்தை –தெளிவாக வைத்துக்கொள்ளுங்கள். மக்களை குழப்பத்திற்குள் உள்ளாக்க –வேண்டாம்.
நீங்கள் நின்று வழங்குவதற்கு, இயன்றவரை நிற்கும் சூழலைப் பயன்படுத்திக் –கொள்ளுங்கள்
இயன்றவரை நீங்கள் நின்று சொல்வதை ஈடுபாடுள்ளதாக வைத்திருங்கள்
நின்று சொல்வது என்பது நீண்ட நேரங்களுக்கு அல்ல என்பதை ஞாபகம் –வைத்துக்கொள்ளுங்கள்.
வழமையாக பெரிய பந்திகளைக் காட்டிலும் சிறிய எண்ணம் அல்லது வசனம் –மிகத்திறமையாக வெளிப்படுத்தும்.
சாதாரணமாக நின்று சொல்வது என்பது 7 தொடக்கம் 15 செக்கன்கள் வரை இருக்க முடியும்.
தயாரிப்பில் முதலில்
1. ஏய் – நீ – பார் – அந்த வகையில்
அதாவது பார்வையாளர் ஒருவரை அழைத்து, அவரை காட்சிக்கு முன்னுக்கு இருத்தி, ஒரு விடயத்தைக் காட்டுவது அதனை அவர் பார்ப்பதற்கு
2. ஒரு விடயத்தை மட்டும் மைப்படுத்த வேண்டும்
ஒரு நிகழ்வில் பல்வேறு விடயங்கள் இடம்பெற்றாலும் ஒரு விடயத்தை மட்டும் மையப்படுத்தி வெளிப்படுத்த வேண்டும்.
3. செய்திக்கான திட்டம்
படத்தில் என்ன ஒழுங்கில் என்ன படம் வரவிருக்கின்றது என்பதற்கான திட்டம் ஆகும்
4. செய்தியில் தொடக்கம் – நடு – இறுதி என்ற பகுதி
முழுச்செய்தியும் மூன்று பிரிவுகளாப் பிரித்து அதனை கட்டமைத்து வழங்குவது
5. செய்தியை ஆட்களைப்பயன்படுத்தி சொல்லுதல்
வெறும் படங்கள் மட்டுமல்லாது அவற்றில் ஆட்களையும் இணைத்து அவர்களூடாக செய்தியைச் சொல்லுதல்
6. செய்தியைச் சொல்லக்கூடிய சரியான படத்தை தேடி எடுத்து செய்தியைச் சொல்லுதல்
7. நீஙகள் செய்தி சொல்லும் கோணத்திற்கு பொருத்தமான படத்தை தெரிவு செய்தல்
8. செய்தியின் தொடக்கத்திற்கும் முடிவுக்கும் மிகவும் காத்திரமான படங்களை தெரிவு செய்தல்
தயரிப்பின் போது…
1. நல்ல தொடர்ச்சியான படங்களை எடுத்துக்கொள்ளங்கள்
ஒவ்வொரு நிகழ்விற்கும் பல்வேறு தொடர்நிகழ்வுகள் இடம்பெறும் அதனை தர்க்க ரீதியாக சேர்த்து கோர்வையாக்குங்கள் உதாரணமாக…. ஒருவர் கடைக்ப்போய் ஒரு பொருளைப் பார்ப்பதாக வைத்துக்கொண்டால்
முதலில் குறித்த நபர் என்ன செய்யப் போகின்றார் என்று அருவுடைய சூழ்நிலையில் வைத்து காட்டுவது. அடுத்து அவர் ஒரு பொருளைப் பார்த்தால் அப்பொருளைக்காட்டுவது, தொடர்ந்து அந்த சந்தர்பத்தில் குறித்த நபர் என்ன முடிவுவை எடுத்தார் என்பதை அவருடைய முகத்தைக்காட்டுவது இவ்வாறு ஒரு நிகழ்விற்கு பல்வேறு விதமான சந்தர்பங்களை தொகுத்து வழங்குவது
2. குறித்த விடயம் எந்த பார்வையில் பார்த்தால் (படப்பிடிப்பில் பல்வேறு வகையான கோணங்கள் உண்டு) மிகத்திறம்பட வெளிக்கொண்டுவரலாம் என எண்ணி படம் பிடிக்க வேண்டும்…
3. எடுக்கப்பட்ட ஒவ்வொரு படமும் வித்தியாசமான அளவுகள் கோணங்களில் இருக்கும். அவை ஒன்றில் இருந்து அடுத்த படத்திற்கு மாறும் போது மாற்றத்தை உணராத வகையில் காட்டப்பட வேண்டும். சில சந்தர்பங்களில் படங்கள் துள்ளி வெட்டுப்படுவதை அவதானிக்கலாம். இதனைத் தவிர்ப்பதற்கு நெருக்காமாக படக்கருவியை வைத்து அண்மித்த படங்களை எடுக்க வேண்டும். இவை எவ்வளவுக்கு எவ்வளவு (பொருத்தமான அண்மித்த ) அதிகமாக இருக்கின்றதோ எடிற் செய்யும் போது பெருமளவில் உதவும்.
4. தெளிவான ஒலி – ஒளிப்பதிவு செய்யும் போது தேவையான ஒலிகளையும் (முன்னணி மற்றம் பின்னணி ஒலிகள்) சிறப்பான முறையில் ஒலிப்பதிவு செய்ய வேண்டும்.
5. ஒவ்வொரு செயலுக்கும் பதிலான செயல் மிக முக்கியமாக ஒளிப்பதிவு செய்யப்பட வேண்டும்.
உதாரணமாக ஒரு கடையில் பொருள் வாங்குவதை படமாக்குவதற்கு…. வாங்குபவர், விற்பவர், பொருள் இந்த மூன்றுக்குமிடையில் அவர்களுடைய கண்கள், கைகள் செல்லும், அந்த அந்த வேளையில் பொருத்தமான செயல்களையும், அதற்குப் பதிலான செயலையும் படமாக்கவேண்டும். விலை கேட்கும் போது வாங்குபவரின் முகம் – அதற்குப் பதில் சொல்லும் போது பொருளை விற்பவரின் முகம் என படங்கள் இருக்கம்.
6. படங்கள் வௌ;வேறு திசைகளில் இருந்து படமாக்கப்பட வேண்டும். குறித்த ஒரு திசையில் இருந்து படமாக்கும் போது சில வெளிப்பாடுகளை சரியாக படமாக்க முடியாது போகலாம் இதன் காரமாக கருவியை வேறு வேறு இடத்திற்கு மாற்றி பொருத்தமான கோணத்திலும் இடத்திலும் படங்கள் எடுக்கப் படவேண்டும்.
படம் எடுக்கும் போது
1. வழமையான நிகழ்வுகளை வித்தியாசமான கோணத்தில் படம் பிடித்துக்கொள்ளுங்கள்.
2. மிக மிக அண்மித்தான படங்களை எடுங்கள்
3. படங்களை உண்ர்வுகள் உள்ளவாறு எடுங்கள் அல்லது உணர்வுகளை ஏற்படுத்துவதற்காக எடுங்கள்
4. இயக்கத்தை படம் எடுங்கள்
5. ஆழமான படங்களை எடுங்கள்
6. ஒன்றிலிருந்து ஒன்று வேறுபட்டவாறு படங்கள் எடுங்கள்
கவர்ச்சியான படங்கள் – இயங்கிக்கொண்டு இருக்கும் படங்கள், போட்டிகள், முரண்பாடுகள், மக்கள் உணர்வுகளை வெளிப்படுத்தும் படங்களை எடுங்கள் (சிரிப்பு, அழுகை, அன்பு, கோபம்). மக்கள் வேலை செய்து கொண்டிருந்தால் அதனை எடுங்கள். அரிதான சம்பவங்களை எடுங்கள் (திருமணம், பிறப்பு, காதல், மரணம், களவு…)
பின் தயாரிப்பு
ஆரம்பமும் – முடிவும்
நேர்காணலில் ஆரம்பிக்க வேண்டாம் – நேர்காணலில் முடிக்க வேண்டாம்
உணர்வுகள் தரக்கூடிய படங்களைப் பயன்படுத்துங்கள்
நடுவில் ஆச்சரியமூட்டுங்கள்
காத்திரமான வசனங்களைப் உபயோகியுங்கள்
காட்சிகளை அமையுங்கள்
தயாரிப்பதற்கு அதிக நேரம் செலவிடுங்கள்.
பின்னணி குரல்
சாதாரணமாக பின்னணிக்குரல் என்பது அத்தியாவசியமற்ற ஒன்று. அவ்வாறு வழங்குவதாக இருந்தாலும்,
யார்? எங்கே? என்ன? ஏன்? போன்ற கேள்விகளுக்கு மட்டும் பதில் சொல்லவும்.
செய்தியில் நேரமாற்றம் அல்லது இடமாற்றம் இருந்தால் உபயோகியுங்கள்.
பார்க்கின்ற படங்களில் எது முக்கியம் என்பதைக் கோடிட்டுக்காட்டுங்கள்.
பார்க்கின்ற படத்தின் முக்கியத்துவத்தை உணரும் வகையில் பின்னணிக்குரலைப் ..பயன்படுத்துங்கள்.
காண்பவை என்ன விடயத்தை உணர்த்துகின்றது என்பதை சொல்லுங்கள் அதை ..விளங்கப்படுத்த வேண்டாம்.
படங்கள் பேசினால் நீங்கள் மௌனமாக இருங்கள்
பின்னணிக்குரலுக்கான மொழி
தெளிவாக, சின்னதாக எழுதுங்கள்
பேசுவது போன்று எழுதுங்கள், எழுதுவது போன்று எழுத வேண்டாம்.
செய்வினையில் எழுதுங்கள் – வந்துகொண்டிருந்தார் என்பதற்குப் பதிலாக வந்தார் என –எழுதுங்கள்.
இலகுவான சொற்களைப் பயன்படுத்துங்கள் – கொள்ளவனவு செய்தார் –என்பதற்குப்பதிலாக வாங்கினார் என்று எழுதுங்கள்.
செய்தி மூலத்தின் மொழியில் ஏதாவது பாதிப்பு இருக்கின்றதா என அவதானியுங்கள்.
அளவுக்கதிமான எண்கள், கணக்குகள் வருகின்றதா என அவதானியுங்கள். எண்களை –ஒரு செய்தியில் மூன்றுக்கு அதிமாக பயன்படுத்த வேண்டாம்.
நின்று சொல்லும் போது…
கமராவின் முன் சாதாரணமாக (சமாதானமாக) நில்லுங்கள்
பின்னணியை அவதானித்து சரியான கோணத்தில் நில்லுங்கள்
செய்தியில் காட்சி மாற்றத்திற்குப் பயன்படும்.
ஞாபகம் வைத்துக்கொள்வதற்கு இலகுவான மொழியைப் பயன்படுத்துங்கள்
முக்கியமான விடயங்களை கோடிட்டுக்காட்டுங்கள்
விடயங்களை கோடிட்டு சொல்வதற்கு உடல் மொழியைப் பயன்படுத்துங்கள்
செய்தியில் தொகுப்பவராக இருங்கள் – கமெராவை உங்கள் நண்பராக எண்ணிக்கொள்ளுங்கள்.