அரசாங்கம் சிறுபான்மை கட்சிகளின் கோரிக்கைகளுக்கு செவிமடுக்கிறது; முஜீப் சார்பு



சிறப்பு நேர்காணல் - எஸ்.என்.எம்.ஸுஹைல்
இரு­பதாம் திருத்தச் சட்ட மூலத்தை நிறைவேற்றிக்­கொள்ள அர­சாங்கம் ஏன் அவசரப்பட்­டது?
மாகாண சபை­க­ளுக்­கான தேர்­தலை மஹிந்த அர­சாங்கம் தனது தேவைக்கும் அர­சியல் இலா­பத்­துக்­கு­மாக வெவ்­வேறு தினங்­க­ளி­லேயே நடத்­தி­யது. இதன்­போது, அர­சாங்­கத்தின் முழு அதி­கா­ரத்­தையும் குறித்த ஒரு மாகா­ணத்­திற்கு பயன்­ப­டுத்­தி­யது. அத்­துடன், அரச சொத்­துக்கள், பணம் அந்த மாகாண தேர்­த­லுக்கு பயன்­ப­டுத்­தி­ய­துடன், எதிர்க்­கட்­சி­களை நலி­வ­டையச் செய்ய பாதாள உல­கத்­தி­ன­ரையும் இதன்­போது பயன்­ப­டுத்­தினர்.  இதுவே மஹிந்த அர­சாங்­கத்தின் தேர்தல் நட­வ­டிக்­கை­யாக இருந்­தது. தமது சுய­ந­லத்­திற்­காக மாகாண சபைத் தேர்­தலை பிரித்து பிரித்து தேர்­தல்­களை நடத்­தினர். இதனால், எமது அர­சாங்கம், அனைத்து மாகா­ணங்­க­ளுக்கும் ஒரே தினத்தில் தேர்­தலை நடத்த தீர்­மா­னித்­தது. இத­ன­டிப்­ப­டை­யி­லேயே 20 ஆம் திருத்­தச்­சட்­ட­மூலம் முன்­வைக்­கப்­பட்­டது. இதை அமுல்­ப­டுத்த மக்கள் அபிப்­பி­ராய வாக்­கெ­டுப்பை நடத்­த­வேண்டும் என உயர்­நீ­தி­மன்றம் தீர்ப்­ப­ளித்­தது. அதனால் இத்­தி­ருத்தம் கொண்­டு­வ­ரப்­ப­ட­வில்லை.
ஏன் அபிப்­பி­ராய வாக்­கெ­டுப்­பிற்கு சென்­றி­ருக்­க­லாம்­தானே? 
இவ்­வாறு நாம் சென்­றி­ருந்தால் நீண்ட கால­மொன்று தேவைப்­பட்­டி­ருக்கும். 
மக்கள் அபிப்­பி­ராய வாக்­கெ­டுப்­பிற்கு செல்­லாமை, அர­சாங்­கத்­திற்கு மக்கள் செல்­வாக்­கின்­மையே என எதிர்க்­கட்­சிகள் குற்றம் சுமத்­து­கின்­றனவே?
அப்­ப­டி­யல்ல, நாம் மக்கள் அபிப்­பி­ராய வாக்­கெ­டுப்­புக்கு செல்ல முன்­னரே  மூன்று மாகாண சபை­களின் காலம் முடி­வ­டை­வந்­து­விடும். அப்­படி பதவிக் காலம் முடி­வ­டைந்த மாகா­ணங்­க­ளுக்கு உட­ன­டி­யாக தேர்­தலை நடத்த நிர்ப்­பந்­திக்­கப்­பட்­டி­ருப்போம். அவ்­வாறு தேர்தல் நடத்­தப்­பட்டால், மக்கள் அபிப்­பி­ராய வாக்­கெ­டுப்பு நடத்­து­வதில் அர்த்­த­மில்­லாமல் போயி­ருக்கும்.   நாம் கால விர­யத்தை விரும்­ப­வில்லை.
அர­சாங்­கத்­திற்கு 20 ஆம் திருத்­தத்தை கொண்­டு­வர முடி­யா­த­நி­லையில், உள்­ள­டக்­கங்­களை அர­சாங்கம் திருட்­டுத்­த­ன­மாக சபையில் திருத்தப் பிரே­ர­ணையை முன்­வைத்து கொண்டு வந்­தி­ருப்­ப­தாக சொல்­லப்­ப­டு­கின்­றதே?
பாரா­ளு­மன்ற தேர்­தலும் உள்­ளூ­ராட்சி மன்­றங்­க­ளுக்­கான தேர்­தல்­களும் தொகுதி முறை­யி­லேயே நடத்­தப்­ப­ட­வி­ருக்­கி­ன்றன. இந்­நி­லையில் மாகாண சபை தேர்­த­லையும் தொகுதி ரீதியில் நடத்­து­வ­தற்கே இந்த திருத்­தத்தை கொண்டு வந்­தி­ருக்­கிறோம்.
விகி­தா­சார தேர்தல் முறை­யில்தான் சிறு­பான்மை மக்­களின் பிர­தி­நி­தித்­து­வத்தை பாது­காத்­துக்­கொள்ள முடியும் என முஸ்­லிம்கள் நம்­பு­கின்­றனர். இந்­நி­லையில், தொகுதி முறை முஸ்­லிம்­க­ளுக்கு பாத­க­மாக அமைந்து விடு­மென்று அச்சம் கொள்­கின்­ற­னரே?
விகி­தா­சார தேர்தல் முறை­யினால் கடந்த காலங்­களில் பல பிரச்­சி­னை­க­ளுக்கு நாடு முகம்­கொ­டுத்­தி­ருக்­கி­றது. குறிப்­பாக, பணம் இருப்­ப­வர்­க­ளுக்கு இது சாத­க­மாக அமைந்­தது. மாவட்டம் முழு­வதும் விருப்பு வாக்­கு­களை பெற்­றுக்­கொள்ள அலைய ­வேண்­டிய நிர்ப்­பந்தம் ஏற்­பட்­டி­ருந்­தது. ஒரே கட்­சிக்குள் போட்­டித்­தன்­மைகள் ஏற்­பட்­டி­ருந்­தன. இதனால் அனே­க­மானோர் இத் தேர்தல் முறைக்கு கடந்த பத்­து­ப­தி­னைந்து ஆண்­டு­க­ளாக எதிர்ப்பு தெரி­வித்து வந்­தனர். 
பல சந்­தர்ப்­பங்­களில் பல­த­ரப்­பட்­ட­வர்­க­ளினால் இத்­தேர்தல் முறை மாற்­று­வது குறித்த வாக்­கு­று­திகள் வழங்­கப்­பட்­டன. 2005 ஆம் ஆண்டு, 2010 ஆம் ஆண்டு ஜனா­தி­பதி தேர்­த­லின்­போது மஹிந்த ராஜ­ப­க் ஷவும் இதே வாக்­கு­று­தியை வழங்­யி­ருந்தார். யாரும் இதனை நிறை­வேற்ற முன்­வ­ர­வில்லை. 2015 ஜனா­தி­பதி தேர்­த­லிலும் பொதுத் தேர்­தலிலும் நாம் இதனை தேர்தல் விஞ்­ஞா­ப­னத்தில் உள்­ள­டக்­கி­யி­ருந்தோம். மக்­க­ளுக்கு வழங்­கிய வாக்­கு­று­தி­ய­டிப்­ப­டையில், உள்­ளூ­ராட்சி தேர்தல் முறையை மாற்­றினோம். அத்­துடன், மாகாண சபை தேர்தல் முறை­யையும் மாற்­ற­வேண்­டு‍­மென்றே இத் திருத்­தங்­களை முன்­வைத்தோம்.
விருப்பு வாக்­கு­மு­றைமை வேண்டாம் என கூறு­வதன் காரணம் அதி­க­மான தொகு­தி­களில் இன்று எந்தக் கட்­சி­க­ளி­னாலும் உறுப்­பி­னர்கள் தெரிவு செய்­யப்­ப­டா­தி­ருக்­கி­றது. இதனால், பல பகு­திகள் எந்த தரப்­பி­ன­ராலும் கவ­னிக்­கப்­ப­டா­திருக்­கி­றது. பெரும்­பாலும் பணப் பல­முள்­ள­வர்கள் மாவட்­ட­மு­ழுதும் எவ்­வா­றா­யினும் வாக்­கு­களை பெற்­றுக்­கொள்­வ­தா­லேயே இந்த பிழைகள் ஏற்­ப­டு­கின்­றன.
ஒரே கட்­சிக்குள் வேட்­பா­ளர்­க­ளுக்­கி­டையே கடும் போட்டி நில­வு­வ­தால் கடந்த காலங்­களில் பல்­வேறு அசம்­பா­வி­தங்கள் ஏற்­பட்­டதை நாம் அனு­ப­வத்தில் கண்­டி­ருக்­கிறோம். 
சிறு­பான்மை பிர­தி­நி­தித்­து­வத்தை எவ்­வாறு உறுதி செய்­வ­தென்று நாம் பேசியே தீர்­மா­னித்­துக்­கொள்ள வேண்டும். தேர்தல் முறை மாற்­றத்தை எல்லா தரப்­பி­னரும் ஏற்­றுக்­கொண்­டி­ருக்­கின்­றனர். ஆனால், அந்த மாற்­றத்­தின்­போது, சிறு­பான்மை, சிறு கட்­சி­களின் பிர­தி­நி­தித்­து­வத்தை பாது­காத்­துக்­கொள்ள சட்ட ஏற்­பா­டுகள் செய்ய வேண்­டிய அவ­சியம் இருக்­கி­றது. 
விகி­தா­சார தேர்தல் முறையில் அதி­க­மான பணம் வீண்­வி­ரயம் செய்­யப்­ப­டு­வ­தாக நீங்கள் கூறி­யி­ருந்­தீர்கள். தேர்­தல்­க­ளின்­போது, கடந்த காலங்­களில் ஒரு உறுப்­பினர் மாவட்டம் முழு­வதும் செலவிட்ட பணத்தை இதன்­பி­றகு ஒரு தொகு­தியில் செல­வி­டு­வாரல்­லவா? இதனை எப்­படி கட்­டுப்­ப­டுத்­து­வது, அதற்கு ஏதும் சட்ட ஏற்­பா­டுகள் இருக்­கின்­ற­னவா?
தேர்தல் திருத்தச் சட்­டத்தில் அதி­க­ப்ப­டி­யான திருத்­தங்கள் கொண்­டு­வ­ர­வேண்­டிய தேவை இருக்­கி­றது. குறிப்­பாக ஒரு வேட்­பாளர் தேர்­த­லுக்­காக எவ்­வ­ளவு பணம் செல­விட வேண்டும் என்ற வரை­யறை ஏற்­ப­டுத்தும் வகையில் சட்டம் கொண்­டு­வ­ர­வேண்­டி­யி­ருக்­கி­றது. அப்­ப­டி­யா­ன­தொரு சந்­தர்ப்­பத்­தி­லேயே ஜன­நாயக ரீதி­யி­லான தேர்தல் ஒன்றை எம்மால் எதிர்­பார்க்­கக்­கூ­டி­ய­தாக இருக்கும். 
பணம் இல்­லாத சமூ­கத்தை வழி­ந­டத்­தக்­கூ­டிய தலை­வர்கள் அதி­க­மானோர் இருக்­கின்­றனர். திற­மை­யான அவர்­களால், தேர்­தலில் போட்­டி­யி­டு­வது முயல்­கொம்­பான கதை­யாக இருக்­கி­றது. இன்று பணத்தை வைத்­துக்­கொண்டு எவ்­வித தகு­தி­யு­மற்றோர் அர­சி­யலில் ஈடு­ப­டு­வது பெரும் பிரச்­சி­னை­யாக இருக்­கி­றது. 
அத்­தோடு ஒரு அபேட்­சகர் எவ்­வாறு தேர்தல் பிர­சா­ரங்­களில் ஈடு­பட வேண்டும் என்றும் சட்ட ஏற்­பா­டுகள் அவ­சி­யப்­ப­டு­கின்­றன. தற்­போது அர­சாங்­கத்­தினால் கொண்­டு­வ­ரப்­பட்ட திருத்­தங்­க­ளி­னூ­டாக சிறு­பான்­மை­யி­ன­ருக்கு அநீதி இழைக்­கப்­பட்­டி­ருப்­ப­தாக குற்றம் சுமத்­தப்­பட்­டு­வ­ரு­கி­றதே?
இந்த திருத்­தங்கள் தொடர்பில் சரி­யான விளக்­க­மில்­லாமல் சிலர் சிறு­பான்­மை­யி­ன­ருக்கு பாதிப்பு இருப்­ப­தாக கூறு­கின்­றனர். இதனால் பிர­தி­நி­தித்­துவம் குறையும் என்றும் கூறு­கின்­றனர். 
இந்த திருத்­தத்தை நிறை­வேற்­றிக்­கொள்ள அர­சாங்­கத்­திற்கு மூன்றில் இரண்டு பாரா­ளு­மன்ற ஆத­ரவைப் பெற­வி­டாது தடுத்து அர­சாங்­கத்தை தோல்­வி­ய­டையச் செய்து மஹிந்த அர­சாங்­கத்தை ஆட்­சிக்கு கொண்­டு­வர சில இயக்­கங்­களும் கட்­சி­களும் சில அர­சி­யல்­வா­திகளும் முயற்­சித்­தனர். அத­னூ­டாக தமக்கு ஆட்சி அதி­கா­ரத்தில் பங்­கேற்கும் வாய்ப்பு ஏற்­ப­டு­மென்றே அவர்கள் நினைத்­தனர். அது அன்­றைய வாக்­கெ­டுப்­பின்­போது இடம்­பெ­ற­வில்லை. இதனால் மஹிந்த மீண்டும் அதி­கா­ரத்­திற்கு வரும் வழி மூடப்­பட்­டு­விட்­டது. அது அவர்­க­ளுக்கு பெரும் கவ­லை­யையும் ஏமாற்­றத்­தையும் அளித்­த­தாக தெரி­கி­றது. 
மஹிந்த ராஜ­ப­க் ஷ­வுக்கு ஆத­ர­வா­க­நின்று கதைக்க முடி­யா­த­வர்கள், இன்று முஸ்லிம் பிர­தி­நி­தி­களின் விகி­தா­சாரம் குறை­கின்­ற­தென பிர­சா­ரத்தை முன்­னெ­டுக்­கின்­றனர். 
எங்­க­ளுக்கு மஹிந்­தவை மீண்டும் ஆட்­சிக்கு அமர்த்­த­வேண்டும் என்ற தேவை கிடை­யாது. நாட்­டிற்கு நல்­ல­தொரு தேர்தல் முறையே அவ­சியம் என்­பது எமது தேவை. அந்த தேர்தல் முறை­மை­யினுள் முஸ்லிம் மக்­களின் பிர­தி­நி­தித்­து­வத்தை உறுதி செய்­து­கொள்ளும் விடயம் குறித்தே நாம் பேச­வேண்­டி­யி­ருக்­கி­றது. 
புதிய முறை­யினால் ஒரு தொகு­திக்கு பொறுப்புக் கூற­வேண்­டிய ஒரு உறுப்­பினர் நேர­டி­யாகத் தெரி­வா­கிறார். அவர் எந்த இனம், மதம் என்ற தேவை இல்லை. விகி­தா­சார முறை­யினால் இவ்­வாறு பிர­தி­நிதி இல்­லா­மையால் பல கிலோ மீற்­றர்கள் தூரம் பல மணித்­தி­யா­லங்கள் மக்கள் அலைந்து திரி­கின்­றனர். சில எம்.பி.களுக்கும் அமைச்­சர்­க­ளுக்கும் அவர்கள் போட்­டி­யிடும் மாவட்­டத்தில் அலு­வ­ல­கம்­கூட இல்லை. தேர்தல் காலத்தில் பர­சூட்டில் வந்து வாக்­கு­களை அள்­ளிக்­கொண்டு பறந்­து­வி­டு­கின்­றனர். அவர்­களை மாவட்­டத்தில் காண்­ப­தற்கு மறு­தேர்தல் வர­வேண்டும். எனவே புதிய முறை இதனை சீர் செய்­வ­தாக அமையும். 
தொகு­தி­யி­லுள்ள அனைத்­தின, மத மக்­க­ளுக்கு சேவை செய்ய வேண்­டி­யது புதிய முறையில் தெரி­வாகும் பிர­தி­நி­தியின் பொறுப்பு. சில தொகு­தி­களை பொறுத்­த­வ­ரையில் அங்கு முஸ்­லிம்­களின் வாக்­கு­களை நம்பி பெரும்­பான்­மை­யின வேட்­பாளர் இருக்­க­வேண்­டிய நிலை ஏற்­படும். அவர் முஸ்­லிம்­க­ளிடம் தங்­கி­யி­ருப்­பதால் எவ்­வா­றா­யினும் முஸ்­லிம்­க­ளுக்கு சேவை­யாற்றி வாக்­கு­களை பெற்­றுக்­கொள்­ளவே முயற்­சிப்பார். 
கடந்த காலங்­களில் ஜனா­தி­பதி ஒரு­வரை தெரிவு செய்­வதில் நாம் தீர்­மா­னிக்கும் சக்­தி­யாக இருந்தோம், இனி ஒவ்­வொரு பிர­தே­ச­சபை, மாகாண சபை, பாரா­ளு­மன்ற உறுப்­பி­னரை தெரிவு செய்யும் தீர்­மா­னிக்கும் சக்­தியாக நாம் இருக்­கப்­போ­கிறோம். இன்­னு­மொரு விட­யத்­தையும் சொல்­லலாம் பாரா­ளு­மன்றில் ஆட்­சியை தீர்­மா­னிக்கும் சக்­தி­க­ளாக சிறு­பான்மை கட்­சிகள் இருப்­ப­துபோல் இனி ஒவ்­வொரு தொகு­தி­க­ளிலும் சிறு­பான்மை மக்கள் இருப்பர். 
இது இவ்­வா­றி­ருக்க 50 வீதம் பட்­டியல் ஊடாக தெரி­வாகக் கூடிய வாய்ப்பை ஏற்­ப­டுத்­தி­யி­ருக்­கிறோம்.  அத்­தோடு, பல் அங்­கத்­துவ தொகு­தி­களும் உரு­வாக்­கப்­பட்­டி­ருக்­கி­றது.
இந்த தொகுதி அடிப்­ப­டை­யி­லான தேர்தல் முறை பல­வ­கை­யிலும் நன்­மை­ய­ளிக்­கக்­கூ­டி­ய­தாக இருக்கும். 
அத்­தோடு எல்லை நிர்­ணயம் செய்ய அமைக்­கப்­பட்ட குழுவால் பரிந்­து­ரைக்­கப்­படும் அறிக்­கையை பாரா­ளு­மன்றில் சமர்­ப்பித்து மூன்றில் இரண்டு பெரும்­பான்­மை­யுடன் நிறை­வேற்­ற­வேண்டும். எமது அங்­கீ­கா­ரத்­துடன் அது நிறை­வேற்­றப்­ப­ட­வி­ருப்­ப­தனால் எமக்கு எமது உரி­மை­களை பாது­காத்­துக்­கொள்ள சந்­தர்ப்பம் இருக்­கி­றது. அதனை நாம் சரி­யாக பயன்­ப­டுத்­திக்­கொள்ள வேண்டும். 
இது அர­சியல் அறி­வில்­லாத, மஹிந்த ஆத­ரவு அணி­யி­னரால் பரப்­பப்­படும் விஷமப்­பி­ர­சா­ர­மே­யாகும். 
மாகாண சபை திருத்தம் கடந்த வாரம் பாரா­ளு­மன்­றுக்­கு­கொண்­டு­வ­ரப்­பட்­ட­போது அர­சாங்­கத்­திற்­குள்ளே இருக்கும் சில முஸ்லிம் பிர­தி­நி­திகள் மஹிந்த ராஜ­ப­க் ஷ­வுக்கு ஆத­ர­வாக செயற்­பட்­ட­தாக சொல்­லப்­ப­டு­கின்­றது. ‍அப்­படி யாரும் செயற்­பட்­ட­னரா?
மஹிந்த ராஜ­ப­க் ஷ­வுடன் தொடர்பு இருந்­தது பற்றி எனக்கு தெரி­யாது, அர­சாங்­கத்­தி­லுள்ள சிறு­பான்மை கட்­சிகள் இந்த திருத்தம் வந்­த­போது பிர­தமர், ஜனா­தி­ப­தி­யோடு பேச்­சு­வார்த்தை நடத்தி பல திருத்­தங்­களை முன்­வைத்­தனர். நாம் ஐக்­கிய தேசியக் கட்­சியில் இருந்­தாலும் நாமும் அவ்­வா­றான சில யோச­னை­களை முன்­வைத்தோம். அவர்­க­ளுடன் இணைந்து ஆத­ர­வ­ளித்தோம். 
அர­சாங்­கத்­திற்கு வெளியில் அதி­கா­ரத்­துக்கு வரத் துடித்­துக்­கொண்­டி­ருக்கும் முஸ்லிம் அர­சி­யல்­வா­திகள் சிலர் மஹிந்­த­வுக்கு ஆத­ர­வாக செயற்­பட்­டனர். 
நாம் விருப்­பத்­துடன் மாகாண சபை தொடர்­பாக கொண்­டு­வ­ரப்­பட்ட பாரா­ளு­மன்ற திருத்­தச்­சட்­டத்­திற்கு ஆத­ர­வ­ளிக்­க­வில்லை என முஸ்லிம் கட்­சி­களின் பிர­தி­நி­திகள் ஊடக அறிக்கை விடு­கின்­றனர். அத்­தோடு அவர்கள் ஆத­ர­வ­ளிக்க நிர்ப்­பந்­திக்­கப்­பட்­ட­தா­கவும் மக்கள் முன் தெரி­விக்­கின்­ற­னரே. இவ்­வாறு ஏதா­வது நடந்­ததா?
யாரும் அவ்­வாறு வற்­பு­றுத்­தப்­ப­ட­வில்லை. அவர்­க­ளுக்கு விருப்­ப­மாயின் அன்று வாக்­க­ளிக்­காமல் இருக்­க­வி­ருந்­தது. அன்று மஹிந்த ராஜ­பக் ஷ சில விட­யங்­க­ளுக்கு ஆத­ரவு திரட்ட அச்­சு­றுத்­தி­ய­துபோல் நாம் செய்­ய­வில்லை. அத்­தோடு கோப்­பு­களை வெளி­யி­டுவோம் என பய­மு­றுத்­தவும் இல்லை. கோத்தா­ப­யவை பயன்­ப­டுத்தி இலக்­கத்­த­க­டுகள் இல்­லாத வாக­னங்கள் மூலம் யாரும் கடத்­தப்­பட்டு அச்­சு­றுத்­தப்­ப­ட­வில்லை. அப்­படி அவ­சியம் இந்த அர­சாங்­கத்­திற்­கில்லை.
மஹிந்த ராஜ­பக் ஷ அர­சாங்­கத்தின் கீழ் 2013 இல் உள்­ளூ­ராட்சி தேர்தல் முறை மாற்றம் தொடர்­பான சட்டமூலம் கொண்­டு­வ­ரப்­பட்­டது. அப்­போது மாகாண சபை உள்­ளூ­ராட்சி அமைச்­ச­ராக அதா­வுல்லாஹ் இதனை சமர்­ப்பித்தார். அதில் 70 வீதம் தொகுதி அடிப்­ப­டை­யிலும் 30 வீதம் பட்­டியல் மூலமும் என்றே இருந்­தது. இன்று பாரா­ளு­மன்றில் இருக்கும் முஸ்லிம் உறுப்­பி­னர்கள் எந்த மறுப்­பு­மின்றி அன்று கையு­யர்த்­தினர். அன்று முஸ்­லிம்­களின் பிர­தி­நி­தித்­துவம் குறையும் என்று அவர்­க­ளுக்கு நினை­விற்கு வர­வில்­லையா? மஹிந்­த­வையும் அவ­ரது குடும்­பத்­தையும் மீண்டும் மீண்டும் ஆட்சி பீட­மேற்ற 18 ஆம் திருத்தம் கொண்­டு­வ­ரப்­பட்­ட­போதும் எந்த எதிர்ப்­பு­மின்றி ஆத­ர­வ­ளித்­தனர்.
இன்று பாரா­ளு­மன்றில் எமது அர­சாங்­கத்தின் கீழ் சிறு­பான்மை கட்­சி­களின் கோரிக்­கை­க­ளுக்­க­மைய உள்­ளூ­ராட்சி தேர்தல் முறையில் 60 வீதம் தொகுதி அடிப்­ப­டை­யிலும் 40 வீதம் பட்­டியல் அடிப்­ப­டை­யிலும் என திருத்­தி­யி­ருக்­கிறோம். மாகாண சபை தேர்­த­லிலும் சிறு­பான்மை மற்றும் சிறு கட்­சி­களின் ஆலோ­ச­னை­களை உள்­ள­டக்­கி­யி­ருக்­கிறோம். அத­னா­லேயே, எந்த தொகு­தி­யையும் வெற்­றி­கொள்ள முடி­யாத மக்கள் விடு­தலை முன்­ன­ணியும் இந்த திருத்­தத்­திற்கு ஆத­ரவு வழங்­கி­யது. 
அதா­வுல்லா கொண்­டு­வந்த திருத்­தத்தில் முஸ்­லிம்­க­ளுக்கு ஏது­வான வகையில் பல்­அங்­கத்­துவ தொகு­தி­களும் உரு­வாக்­கப்­ப­ட­வில்லை. சிங்­கள பகு­தி­களில் பல அங்­கத்­த­வர்­களை பெற்­றுக்­கொள்­வ­தற்­கமைய திருத்­தங்கள் இருந்­தன. மத்­திய கொழும்பின் அமைப்­பாளர் என்­ற­வ­கையில் எமது ஆலோ­ச­னை­கூட அன்று பெறப்­ப­ட­வில்லை. அனைத்தும் பசில் ராஜ­ப­க் ஷவின் தேவைக்­கேற்­ற­துபோல் இடம்­பெற்­றன. இப்­ப­டி­யெல்லாம் இருந்த அந்த திருத்­தத்­திற்கு எந்த ஆட்­சே­ப­னை­யு­மின்றி அன்று கை உயர்த்­தி­ய­வர்­கள்தான் இன்று மக்கள் முன் நடிக்­கின்­றனர். 
இன்று சில இயக்­கங்கள் தவ­றான பிர­சா­ரங்­களை முன்­னெ­டுக்­கின்­றன. அவர்­களை இயக்­கு­பவர் யாரு­மல்ல கோத்தாபய என்­பது எல்­லோ­ருக்கும் தெளி­வாக தெரியும்.
தேர்­தல்­களை பிற்­போ­டு­வ­தற்­கா­கவே இந்த அரசாங்கம் திருத்தங்களை கொண்டுவந்து தாமதங்களை ஏற்படுத்துவதாக குற்றம் சுமத்தப்படுகின்றதே?
இந்த தேர்தல்கள் தாமதமாக காரணமானவர்கள் நாம் அல்ல. மஹிந்த அரசாங்கம் சீரான முறையில் எல்லை நிர்ணயம் செய்திருந்தால் இந்நிலை ஏற்பட்டிராது. இன்றும் சிறுபான்மையினருக்கு எல்லை நிர்ணயத்தில் குறைபாடு இருப்பதாக குற்றச்சாட்டு தொடர்கிறது. அனைத்து தரப்பையும் திருப்திப்படுத்தும் வகையில் திருத்தத்தில் அவர்களது யோசனைகளையும் உள்ளடக்குகிறோம். 
அதாவுல்லா இன்று பல குற்றச்சாட்டுகளை முன்வைத்தாலும் அவர் அன்று செய்த பிழைகளே இன்று எமக்கு தலைவலியாக தொடர்கிறது. 
மாகாண சபை தேர்தலில் திருத்தங்களை கொண்டுவர 6 மாத காலம் தேவைப்படும் என அரசாங்கம் தெரிவித்துள்ளது. அதற்குள் திருத்தங்களை ஏற்படுத்தி தேர்தலை நடத்தவே எதிர்பார்க்கிறோம். 
அன்று மஹிந்த முஸ்லிம்களுக்கு எதிராக நேரடியாக செய்தவற்றை, இன்று நல்லாட்சி அரசாங்கம் மறைமுகமாக செய்வதாகத் தெரிகிறதே?
இந்த அரசாங்கம் சிறுபான்மை கட்சிகளின் கோரிக்கைகளுக்கு செவிமடுக்கிறது. அத்தோடு, முஸ்லிம் கட்சிகளின் அபிப்பிராயங்களை ஆராய்கிறது. மற்றும் மக்களின் ஆலோசனைகளை பெறுவதற்கு ஆணைக்குழுக்களையும் நியமிக்கிறது. அதனடிப்படையிலேயே இந்த அரசாங்கத்தால் திருத்தங்கள் கொண்டுவரப்படுகின்றன.
20 ஆம் திருத்தச் சட்டம் கொண்டு வரப்படவில்லை. இதற்கு பதிலாக தேர்தல் முறையில் மாற்றங்களே ஏற்படுத்தப்பட்டன. தேர்தல் முறை மாற்றப்பட்டமை முஸ்லிம்களுக்கு எதிரானவை, முஸ்லிம்களின் உரிமைகள் பறிக்கப்பட்டுவிட்டன, முஸ்லிம்களுக்கு பெரும் பிரச்சினை என விடயங்கள் பற்றிய தெளிவு இல்லாத சிலர் பிரசாரங்களை முன்னெடுக்கின்றனர். இது கடந்த காலங்களில் மஹிந்த ராஜபக் ஷவிற்கு ஆதரவாக இருந்த சிலரும் கோத்தாபயவின் பின்னாலிருந்து செயற்படும் இயக்கங்களுமே இந்நடவடிக்கையில் முன்னணியில் இருக்கின்றன. இதந்தக் குழுவினர் யார் என்ப‍து குறித்து நாம் தெளிவாக இருக்க வேண்டும்.

நன்றி - விடிவெள்ளி
Powered by Blogger.