ஈரான்-ஈராக் எல்லையில் 7.3 ரிச்டரில் நிலநடுக்கம் 450 பேர் உயிரிழப்பு


ஈரான் – ஈராக் எல்­லையில் ஞாயிற்றுக்கிழமை இரவு 7.3 ரிச்டர் அளவில் ஏற்­பட்ட பாரிய நில­ந­டுக்­கத்தில் இரு­நா­டு­க­ளிலும் 450 பேர் பலி­யா­கி­யுள்­ள­­துடன் 7400 இற்கும் அதி­க­மானோர் காய­ம­டைந்­துள்­ளனர். இடி­பா­டு­க­ளுக்­கி­டையில் சிக்கி மேலும் பலர் உயி­ரி­ழந்­தி­ருக்­கலாம் என்­பதால் இத்­தொகை அதி­க­ரிக்­கலாம் என தெரி­விக்­கப்­ப­டு­கி­றது. மீட்புப் பணிகள் தீவி­ர­மாக இடம்­பெற்று வரு­கின்­றன.
இப்­பா­ரிய நில­ந­டுக்­கத்தின் அதிர்­வுகள் அயல்­நா­டு­க­ளான குவைத், சவூதி அரே­பியா, ஐக்­கிய அரபு அமீ­ரகம், துருக்கி, ஆர்­மே­னியா, இஸ்ரேல் மற்றும் அசர்­பைஜான் ஆகியவற்றிலும் உண­ரப்­பட்­ட­தாக தெரி­விக்­கப்­ப­டு­கி­றது.
ஈரான் பிர­தான எல்லைக் கட­வையை அண்­மித்த வகையில் குர்­திஸ்தான் பிராந்­தி­யத்தின் சுலை­மா­னியா மாகா­ணத்தில் மையம் கொண்ட இந்­நி­ல­ந­டுக்கம் 7.3 ரிச்டர் என பதி­வா­கி­யுள்­ளது.  
ஈரான் தேசிய அனர்த்த முகா­மைத்­துவ அமைச்சின் ஊடகப் பேச்­சாளர் பெஹ்னம் சயீதி இது தொடர்பில் குறிப்­பி­டு­கையில், இந்த நில­ந­டுக்­கத்­தினால் ஈரானில் மாத்­திரம் குறைந்­த­பட்சம் 441 பேர் உயி­ரி­ழந்­துள்­ள­துடன் 5,340 இற்கும் அதி­க­மானோர் காய­முற்­றுள்­ள­தாக தெரி­வித்­துள்ளார்.   
ஈராக் எல்­லை­யி­லி­ருந்து 15km தொலைவில் அமைந்­துள்ள ஈரானின் கெர்­மான்ஷா மாகா­ணத்தில் மாத்­திரம் 236 பேர் உயி­ரி­ழந்­துள்­ளனர். நில­ந­டுக்­கத்­தினால் பாரி­ய­ளவு சேதங்­களை எதிர்­கொண்­டுள்ள ஈரானின் கெர்­மான்ஷா மாகாணம் 3 நாள் துக்க தின­மாக அறி­வித்­துள்­ளது. இம்­மா­கா­ணத்தின் பிர­தான மருத்­து­வ­மனை நில­ந­டுக்­கத்தில் பாரி­ய­ளவு சேதங்­களை எதிர்­கொண்­டுள்­ளதால் பாதிக்­கப்­பட்ட நூற்­றுக்­க­ணக்­கா­னோ­ருக்கு துரித சிகிச்சை வழங்­கு­வதில் பாரிய நெருக்­க­டிகள் ஏற்­பட்­டுள்­ள­தாக தெரி­விக்­கப்­ப­டு­கி­றது. 
இந்த நில­ந­டுக்­கத்­தினால் ஈராக்கில் குறைந்­த­பட்சம் 9 பேர் உயி­ரி­ழந்­துள்­ள­துடன் 130 பேர் காய­ம­டைந்­துள்­ள­தா­கவும் குர்­திஸ்தான் சுகா­தார அமைச்சு தெரி­வித்­துள்­ளது. 
நில­ந­டுக்­கத்தை அடுத்து ஈரான், ஈராக்கின் பல பிர­தே­சங்­களில் மின்­சாரம் துண்­டிக்­கப்­பட்­டது. அச்சம் கார­ண­மாக மக்கள் மைதா­னங்­க­ளிலும் பூங்­காக்­க­ளிலும் திறந்­த­வெ­ளி­களும் குளிர்­ப­னியில் இரவைக் கழித்­தனர் என தெரி­விக்­கப்­ப­டு­கி­றது.
“இரவு நேரம் என்­பதால் பாதிக்­கப்­பட்ட பிர­தே­சங்­க­ளுக்கு மீட்புக் குழு­வினர் வானூர்­திகள் விரைந்து செல்ல முடி­யா­தி­ருந்­தது. மேலும் பாதைகள் பல போக்­கு­வ­ரத்­துக்கு துண்­டிக்­கப்­பட்­டி­ருந்­தன. பாதிக்­கப்­பட்ட கிராமப் பகு­திகள் தொடர்பில் நிலைமை மிகவும் மோச­மா­க­வுள்­ளது. ஈரான் இரா­ணுவப் படை­யினர் மீட்புக் குழு­வி­ன­ருடன் இணைந்து பணி­யாற்­று­கின்­றனர்” என ஈரான் உள்­துறை அமைச்சர் அப்துல் ரஸா தெரி­வித்­துள்ளார்.
70,000 இற்கும் அதி­க­மானோர் தற்­கா­லிக புக­லிடம் கோரி நிற்­ப­தாக ஈரா­னிய செஞ்­சி­லுவைச் சங்கம் அறி­வித்­துள்­ளது. 3,000 தற்­கா­லிக முகாம் அமைக்கும் போர்­வைகள் மற்றும் 10,000 படுக்­கைகள் என்­ப­வற்றை துருக்கி செஞ்­சி­லு­வைச்­சங்கம் முதற்­கட்­ட­மாக அனுப்பி வைத்­துள்­ளது. 
ஈரானின் நில­ந­டுக்கம் ஏற்­பட்ட மாகா­ணத்தில் பல பகு­தி­களில் கற்­களும் களி­மண்ணும் கொண்டு ஆக்­கப்­பட்ட பாரம்­ப­ரிய இருப்­பி­டங்கள் என்பதால் இந்த அனர்த்தத்தின் போது குறித்த பிரதேசத்தின் வீடுகள் அனைத்தும் முற்றிலும் சேதமடைந்துள்ளன.
2003 ஆம் ஆண்டு ஈரானின் கெர்மன் மாகாணத்தில் 6.6 ரிச்டர் அளவில் ஏற்பட்ட வரலாற்றிலேயே மிக கோரமான நிலநடுக்கத்தில் 31,000 உயிரிழந்தனர்; அனர்த்தத்தில் பாரம்பரிய பாம் நகரம் முற்றிலும் நிர்மூலமானமை குறிப்பிடத்தக்கது.
Hassan Iqbal