இனக்கலவரம் ஏற்பட்ட இடத்திற்கு பிரதமர் ரணில் விக்ரமசிங்க விஜயம்



இனக்கலவரத்தால் பாதிக்கப்பட்ட காலி, கிந்தோட்டை பிரதேசத்துக்கு பிரதமர் ரணில் விக்ரமசிங்க விஜயம் செய்துள்ளார்.

கடந்த வௌ்ளிக்கிழமை மாலை கிந்தோட்டைப் பிரதேசத்தில் பொதுபல சேனா மற்றும் மஹிந்த ஆதரவு அணி பௌத்த பிக்குகளின் தலைமையில் முன்னெடுக்கப்பட்ட இனக்கலவரம் காரணமாக முஸ்லிம்களின் சொத்துக்களுக்கு பாரிய சேதம் ஏற்பட்டது.

அத்துடன் இரண்டு பள்ளிவாசல்கள் மீதும் தாக்குதல் மேற்கொள்ளப்பட்டதுடன், பெட்ரோல் குண்டு வீச்சுகளும் இதன்போது பயன்படுத்தப்பட்டிருந்தன.

இந்த நிலையில் இன்று காலை பிரதமர் ரணில் விக்ரமசிங்க, இனக்கலவரத்தினால் பாதிக்கப்பட்ட பிரதேசங்களுக்கு நேரில் சென்று மக்களை சந்தித்து கலந்துரையாடியுள்ளார்.

பிரதமரின் இந்த விஜயத்தின் ​போது அமைச்சர்களான வஜிர அபேவர்த்தன, சாகல ரத்நாயக்க ஆகியோரும் உடனிருந்தமை குறிப்பிடத்தக்கது.