Jan 16, 2018

குப்பைமேட்டுடன் கூட்டணி அமைக்குமாறு கோரியது யார்.?



அர­சாங்கம் குப்­பை­மேட்டை போன்­றது என ஜனா­தி­பதி கூறு­கின்றார். நாம் அவரை குப்பை மேட்­டுடன் கூட்­டணி அமைக்­கக் கோரினோமா என்று கேள்வி எழுப்­பி­யுள்ள முன்னாள் ஜனா­தி­பதி மஹிந்த ராஜபக் ஷ. நாய்­க­ளுடன் உறங்­கினால் எமது உட­லிலும் உண்ணிகள் ஒட்­டிக்­கொள்ளும் என்­பதை ஜனா­தி­பதி நினைவில் வைத்­து­கொள்ள வேண்டும் எனவும் அவர் தெரி­வித்தார்.

பாண­ந்து­றையில் இடம்­பெற்ற மக்கள் சந்­திப்பில் கலந்­து­கொண்டு கருத்து தெரி­விக்கும்போதே அவர் இதனைக் குறிப்­பிட்டார்.  இது குறித்து அவர் மேலும் கூறு­கையில்,

அண்­மையில் நிதி அமைச்சர் மூல­மாக கொண்­டு­வந்த மது­பான நிலைய நேர எல்லை மற்றும் பெண்­களை மது­பான நிலை­யங்­களில் வேலைக்கு அமர்த்­து­வது குறித்த வர்த்­த­மா­னியை தான் நீக்­கு­வ­தாக ஜனா­தி­பதி குறிப்­பிட்­டுள்ளார் என்­பதை நான் செய்­தி­களில் அறிந்­து­கொண்டேன்.

இதேபோல் அண்­மையில் பியர் மது­பான விலை­களை குறைப்­ப­தாக  நிதி அமைச்சர் கூறிய நிலையில் பாரா­ளு­மன்­றத்தில் ஜனா­தி­பதி உரை­யாற்­றினார். பியர் விலை­களை உட­ன­டி­யாக அதி­க­ரிக்க வேண்டும் என கூறினார். ஆனால்  இது­வ­ரையில்  அவை நடந்­த­தாக தெரி­ய­வில்லை.இவற்றை உரு­வாக்­கு­வதும் பின்பு நீக்கும் பெரு­மையும் ஜனா­தி­ப­திக்கே சாரும். இதனை நான் ஆரம்­பத்­தி­லேயே கூறினேன். இன்று அதுவே நடை­பெற்­றுள்­ளது.

மேலும் இந்த அர­சாங்கம் குப்பை மேட்­டைப்­போன்­றது  என ஜனா­தி­பதி கூறு­கின்றார். இந்த அர­சாங்­கத்தில் ஊழல் நிறைந்து காணப்­ப­டு­வ­தா­கவும்  கூறு­கின்றார். யார் இந்த குப்பை மேட்டு அர­சி­யலில் இணைந்து கொண்­டது. யார் குப்­பை­களை கூட்­டணி சேர்க்கக் கூறி­யது. ஜனா­தி­பதி ஒன்றை தெரிந்­து­கொள்ள வேண்டும். நாய்­க­ளுடன் உறங்­கினால் எமது உட­லிலும் நாய் உண்ணிகள் ஒட்­டிக்­கொள்ளும் என்­பதை தெரிந்­தி­ருக்க வேண்டும். இந்த அர­சாங்­கமும் அவ்­வா­ற­னதே.  மறு­புறம் இந்த அர­சாங்­கத்­திற்­கென  ஒத்­துப்­போகும் நபர்தான் பிர­தமர் ரணில் விக்­கி­ர­ம­சிங்க. அவர் பாரா­ளு­மன்­றத்தில் நடந்­து­கொள்ளும் விதமும், அவ­ரது பேச்­சுக்­களும் ஒரு பிர­த­ம­ருக்­கா­ன­தல்ல.

பாட­சாலை விளை­யாட்டு போட்­டி­களில் மாண­வர்கள் கூச்­ச­லி­டு­வதைப் போல அவரும் பாரா­ளு­மன்­றத்தில் கூச்சலிடுகின்றார். அவருக்கு நடனமாடவும், சண்டை போடவும் மட்டுமே நன்றாக தெரிந்துள்ளது. நெளிவு சுழிவுவுடன் நடனமாடி சமூக தளங்களில் காண்பிக்கவே அவருக்கு முடிகின்றது எனவும் அவர் குறிப்பிட்டார்.
Previous Post :Go to tne previous Post
Next Post:Go to tne Next Post