Mar 29, 2018

අමිත් වීරසිංහ ඇතුළු මහසෝන් බළකායේ දහදෙනා නැවතත් රිමාන්ඩ් !


මහනුවර පොලිස් කොට්ඨාශය තුල පසුගිය දිනවල සිදු වූ සාපරාධී ක්‍රියා සම්බන්ධයෙන් අත්අඩංගුවට ගෙන රිමාන්ඞ් කර සිටි මහසෝන් බලකායේ ප්‍රධානි අමිත් වීරසිංහ ඇතුළු 10 දෙනා ලබන මස 10 වනදා දක්වා අද යළි රක්ෂිත බන්ධනාගාර ගත කෙරුණා. ඒ, මොවුන් තෙල්දෙණිය මහේස්ත්‍රාත් එම්.එච්. පරික්්දීන් හමුවට ඉදිරිපත් කිරීමෙන් පසුවයි.
අනර්ථයක් සිදුකිරීම ඇතුළු චෝදනා කිහිපයක් යටතේ පසුගිය 4 වනදා මොවුන් අත්අඩංගුවට ගනු ලැබුවා. මේ අතර දිගන ප්‍රදේශයේ පසුගියදා ඇතිවූ නොසන්සුන්කාරී සිද්ධීන් සම්බන්ධයෙන් අත්අඩංගුවට ගැණුනු කුණ්ඩසාල ප්‍රාදේශීය සභාවේ පොදුජන පෙරමුණේ මන්ත්‍රීවරයෙකු සහ තවත් පුද්ගලයෙකු ලබන මස 2 වනදා දක්වා රක්ෂිත බන්ධනාගාර ගත කිරීමටද තෙල්දෙණිය මහේස්ත්‍රාත්වරයා අද නියෝග කළා.
දිගන නගරයේ වෙලඳසැල්වලට සහ ආගමික ස්ථානවලට අලාභ හානි සිදු කරමින් ජාතීන් අතර ප්‍රචණ්ඩත්වය සහ වෛරය ඇති වන ආකාරයට ක්‍රියාකිරීම සම්බන්ධයෙනුයි මොවුන් විරුද්ධව චෝදනා එල්ල වී ඇත්තේ. ත්‍රස්තවාදී විමර්ශන දිසාව විසින් ඊයේ මෙලෙස අත්අඩංගුවට ගෙන ඇති පළාත් සභා මන්ත්‍රීවරයා රජවැල්ල ප්‍රදේශයේ පදිංචි සමන්ත පෙරේරා හෙවත් අරලිය සමන්ත යන අය බවයි පොලිසිය සඳහන් කළේ.

SHARE THIS

Author:

If you have any problems or have comments or suggestions for improving our web, please contact ceylonmuslim24@gmail.com we will do our best to assist you | Chief Edito, CeylonMuslim Media Network