Sep 8, 2018

தமிழர் பகுதிக்குள் சிலைவைக்க வந்தவர்களை தடுத்த முஸ்லிம் பிரதிநிதி


முல்­லைத்­தீவு மாவட்டம் ஒட்­டு­சுட்டான் பொலிஸ் வல­யத்­துக்­குட்­பட்ட குருந்தூர் மலைப்­ப­கு­தியில் புத்தர் சிலை­யொன்­றினை வைத்து விகாரை அமைக்கும் முயற்­சியை பௌத்த தேரர்கள், தொல்­பொருள் திணைக்­கள அதி­கா­ரிகள் மற்றும் குமு­ழ­மு­னையைச் சேர்ந்த தமிழ் சகோ­த­ரர்­க­ளுடன் பேச்­சு­வார்த்தை நடத்தி தடுத்­த­தா­கவும் சமா­தா­னத்தை உறுதி செய்­த­தா­கவும் முல்­லைத்­தீவு மாவட்ட ஐக்­கிய தேசியக் கட்சி அமைப்­பா­ளரும் அபி­வி­ருத்திக் குழுவின் இணைப்­பா­ள­ரு­மான ரிசாம் ஜமால்தீன் தெரி­வித்தார்.
நேற்று முன்­தினம் மாலை குருந்தூர் மலைப் பகு­தியில் புத்­தர்­சிலை வைத்து விகாரை அமைக்கும் முயற்­சியில் வெலி­ஓயா விகா­ரையைச் சேர்ந்த கல்­க­முவ சத்­வ­போதி தேரர் தலை­மை­யி­லான குழு­வினர் ஈடு­பட்­ட­போது இடம்­பெற்ற பதற்ற நிலை­மைகள் தொடர்பில் கருத்து தெரி­விக்­கை­யி­லேயே அவர் இவ்­வாறு கூறினார். இது தொடர்பில் அவர் மேலும் தெரி­வித்­த­தா­வது;
நேற்று முன்­தினம் மாலை இரண்டு பௌத்த தேரர்­களும் தொல்­பொருள் திணைக்­கள அதி­கா­ரி­களும் 3 வாக­னங்­களில் குருந்தூர் மலைப் பகு­தியில் புத்தர் சிலை வைத்து நிர்­மா­ணப்­ப­ணி­களை மேற்­கொள்ள வந்­தி­ருப்­ப­தாக எனக்குத் தகவல் கிடைத்­தது. நான் உடனே அங்கு சென்றேன். 2 வாக­னங்­களில் அவர்கள் கட்­டட நிர்­மாணப் பொருட்­களும் கொண்டு வந்­தி­ருந்­தனர்.
பிர­தேச செய­லா­ளரின் அனு­மதி பெறாது சிலை வைக்க முடி­யாது என்றேன். தொல்­பொருள் அதி­கா­ரி­களும் வந்­தி­ருக்­கி­றார்கள். எம்மால் திரும்பிப் போக முடி­யாது என்று கூறி­னார்கள். பின்பு FGமுனைப் பகு­தியைச் சேர்ந்த 100 க்கும் மேற்­பட்ட தமிழ் இளை­ஞர்கள் அவ்­வி­டத்­துக்கு வந்­தார்கள். தமிழ்த் தேசியக் கூட்­ட­மைப்பின் மாகாண சபை உறுப்­பினர் ரவீ­கரன், அமைச்சர் சிவ­நேசன், கர­து­றைப்­பற்று பிர­தேச சபை உறுப்­பி­னர்­களும் அவ்­வி­டத்­துக்கு வந்­து­சேர்ந்­தார்கள்.
உடனே ஒட்­டு­சுட்டான் பொலிஸ் நிலைய பொறுப்­ப­தி­கா­ரியைத் தொடர்பு கொண்டேன். பொலி­ஸாரும் வந்து சேர்ந்­தார்கள். பொலி­ஸாரின் உத­வி­யுடன் இரு தரப்­பி­ன­ருக்கும் இடையில் கலந்­து­ரை­யா­டல்கள் இடம்­பெற்­றன.
தமிழ்ப் பகு­தி­களில் இவ்­வா­றான செயல்கள் மூலம் இன நல்­லி­ணக்­கத்­துக்கு பாதகம் விளைவிக்க வேண்டாம் என கேட்டுக் கொள்ளப்பட்டார்கள். இரு தரப்பினரையும் சமாதானம் செய்து வைத்தேன். இதனால் அங்கு உருவாகவிருந்த முறுகல் நிலை தவிர்க்கப்பட்டது என்றார்.
Previous Post :Go to tne previous Post
Next Post:Go to tne Next Post