Nov 20, 2018

சபாநாயகரின் அனுமதிக்காக காத்திருக்கும் பொலிஸ் -MPகளுக்கு ஆப்பூ


இலங்கை நாடாளுமன்றில் ஏற்பட்ட அசௌகரியமான மோதல்நிலை தொடர்பில் விசாரணை மேற்கொள்வதற்காக பொலிஸ் தலைமையகம் சபாநாயகரின் அனுமதியினைக் கோரி நிற்கிறது.

கடந்த வெள்ளிக்கிழமை நாடாளுமன்றில் ஏற்பட்டமோதல் நிலமையின் கீழ் பல நாடாளுமன்ற சொத்துக்களுக்கு சேதம் ஏற்படுத்தப்பட்டதோடு, பொலிஸ் அதிகாரிகள் சிலரும் நாடாளுமன்ற உறுப்பினர்களின் தாக்குதல்களளுக்கு காரணமாக காயத்திற்குள்ளாகினர்.

நாடாளுமன்ற சபையில் அமைச்சர்கள் மற்றும் நாடாளுமன்ற உறுப்பினர்கள் பொதுச் சொத்துக்களுக்கு சேதம் ஏற்படுத்தியமை மற்றும் பொலிஸ் அதிகாரிகள் மீது தாக்குதல் நடாத்தியமைக்கு சபாநாகரின் அனுமதி கிடைக்கப்பெற்றதும் உடனடியாக விசாரணைகள் மேற்கொள்ளப்படும் எனபொலிஸ் தலைமையகம் தெரிவித்துள்ளது.

தற்போதும் குறித்த சம்பவம் தொடர்பில் பொலிஸ்அதிகாரிகள் சிலரிடம் வாக்குமூலம் பதிவுசெய்யபட்டுள்ளதாகவும் பொலிஸ் தலைமையகத்தின் சிரேஷ்ட பொலிஸ்அதிகாரியொருவர் கொழும்பிலிருந்து வெளியாகும் சிங்கள ஊடகமொன்றுக்கு தெரிவித்துள்ளார்.

நாடாளுமன்ற சபையில் இடம்பெற்ற சம்பவங்கள் தொடர்பில் பொலிஸார் நேரடியாக விசாரணைகளை மேற்கொள்ள முடியாது எனத் தெரிவித்துள்ள குறித்தபொலிஸ் அதிகாரி, சம்பவம் தொடர்பிலான விசாரணைக்கு சபாநாயகரின் அனுமதி வேண்டும் என சுட்டிக்காட்டியுள்ளார்.

SHARE THIS

Author:

If you have any problems or have comments or suggestions for improving our web, please contact ceylonmuslim24@gmail.com we will do our best to assist you | Chief Edito, CeylonMuslim Media Network