Mar 7, 2019

රාජිතට-තලතාට එරෙහිව ජනපති කොමිසමට පැමිණිලි




අමාත්‍ය රාජිත සේනාරත්න මහතාට හා අමාත්‍ය තලතා අතුකාර මහත්මියට එරෙහිව 2015 – 2018 රජයේ ආයතනවල සිදුව ඇතැයි සැළකෙන දූෂණ වංචා සම්බන්ධයෙන් සොයා බැලීමට පත් කළ ජනපති කොමිසම වෙත පිවිතුරු හෙළ උරුමයෙන් ජනපති කොමිසමට පැමිණිලි ගොනු කර තිබේ.

බස්නාහිර පළාත් සභාවේ නියෝජ්‍ය සභාපති පිවිතුරු හෙළ උරුමය නියෝජ්‍ය ජාතික සංවිධායක යසපාල කෝරළගේ පිවිතුරු හෙළ උරුමය ප්‍රචාරක ලේකම් නීතිඥ තුෂාර දිසානායක යන මහත්වරුන් විසින් ඊයේ(06) දිනයේ දී සිදු කර තිබේ.

එහිදී යසපාල කෝරළගේ මහතා තලතා අතුකෝරල අමාත්‍යවරිය විදේශ රැකියා අමාත්‍යවරිය වශයෙන් කටයුතු කල වකවාණුවක් වන 2015 අගෝස්තු මස 26 වන දින සිට ශ්‍රී ලංකාවෙන් මැදපෙරදිග රැකියා සඳහා යන ශ්‍රමිකයන් සඳහා රක්ෂණ ක්‍රමයක් හඳුන්වාදී එමඟින් සිදුවී ඇති රුපියල් මිලියන 1500 ක වංචාවක් පිළිබඳව කරුණු ඉදිරිපත් කළේය.

නීතිඥ තුෂාර දිසානායක මහතා අමාත්‍ය රාජිත සේනාරත්න මහතාගේ පූර්ණ අනුග්‍රහයෙන් සිදු කරන ඖෂධ මාෆියාවක් පිළිබඳ කරුණු කොමිසම හමුවේ අනාවරණය කළේය.

මෙම අවස්ථාව සඳහා කෝට්ටේ නාගරික මන්ත්‍රි ඩෙන්සිල් පත්මසිරි මහතාද එක් විය.

SHARE THIS

Author:

If you have any problems or have comments or suggestions for improving our web, please contact ceylonmuslim24@gmail.com we will do our best to assist you | Chief Edito, CeylonMuslim Media Network