Apr 23, 2019

நாங்கள் ஏற்கனவே எச்சரித்திருந்தோம்: பொதுபலசேனா

நாங்கள் ஏற்கனவே எச்சரித்திருந்தோம்: பொதுபலசேனா

நாட்டில் வாழும் முஸ்லிம்கள் ஏனைய இனத்தவர்களுடன் நல்லுறவைப் பேணிவருபவர்கள் என்பதுடன், ஒன்றிணைந்து ஒற்றுமையுடன் செயலாற்றி வருகின்ற இனத்தவர்களாவர். ஆனால் முஸ்லிம் சமூகத்திற்குள்ளே அடிப்படைவாதத்தைப் புகுத்தி, தீவிரவாதத்தை பரப்பும் நோக்கிலே சிலர் செயற்பட்டு வருவதாக நாங்கள் ஏற்கனவே எச்சரித்திருந்தோம். அதனைக் கருத்திற்கொள்ளாமல் நாங்கள் இனவாதக் கருத்துக்களை வெளியிடுவதாகக் குற்றஞ்சாட்டினார்கள். அந்த அலட்சியத்தின் விளைவால் இன்று அப்பாவிப் பொதுமக்களின் உயிர்கள் காவு கொள்ளப்பட்டிருக்கின்றன என்று பொதுபலசேனா அமைப்பினர் தெரிவித்துள்ளனர்.


நாட்டில் தேவாலயங்களையும், நட்சத்திர ஹோட்டல்களையும் இலக்குவைத்து நடத்தப்பட்ட மிலேச்சத்தனமான தாக்குதலை அடுத்து பொதுபலசேனா அமைப்பினர் இன்று ஏற்பாடு செய்திருந்த ஊடகவியலாளர் சந்திப்பில் கலந்துகொண்டு உரையாற்றும்போதே அந்த அமைப்பின் தேசிய ஒருங்கிணைப்பாளர் விதாரந்தெனியே நந்த தேரர் தெரிவித்தார்.

இது தொடர்பில் மேலும் கருத்து தெரிவித்த அவர், 

நாங்கள் பொதுபலசேனா அமைப்பை ஸ்தாபித்த போது சிங்கள பௌத்தர்களின் பிரச்சினைகள் தொடர்பில் மாத்திரமே குரல் எழுப்பி வந்தோம். ஆனால் முஸ்லிம் சமூகத்தைச் சேர்ந்தவர்கள் எம்மைச் சந்தித்து, தமது சமூகத்திற்குள் தீவிரவாதத்தை மையப்படுத்திய செயற்பாடுகளை சிலர் நெறிப்படுத்துவதாகவும் அவை குறித்து கவனம் செலுத்த வேண்டும் என்றும் கேட்டுக்கொண்டார்கள்.

அதனைத் தொடர்ந்து இத்தகைய முஸ்லிம் அடிப்படைவாத அமைப்புக்கள் பற்றி தகவல் சேகரித்து, அவற்றை நேரில் சென்று உறுதிப்படுத்திக் கொண்டோம்.

அவ்வாறு நாங்கள் சேகரித்த தகவல்களில் அகில இலங்கை தௌஹீத் ஜமாத், இலங்கை தொஹீத் ஜமாத் உள்ளிட்ட இன்னும் சில முஸ்லிம் அடிப்படைவாத அமைப்புக்கள், அவற்றின் தலைவர்கள், அவர்களது முகவரிகள் உள்ளிட்ட பல விபரங்கள் உள்ளடக்கப்பட்டிருந்தன. அவற்றை முன்னாள் பாதுகாப்புச் செயலாளர் கோத்தபாய ராஜபக்ஷவை நேரில் சந்தித்துக் கையளித்திருந்தோம். 

அவை குறித்து ஆராய்ந்த அவர் நாங்கள் வழங்கிய தகவல்கள் உண்மையானவை என்று ஏற்றுக்கொண்டிருந்தார்.

எனினும் அப்போது தமிழீழ விடுதலைப் புலிகளை முற்றாக இல்லாதொழிப்பது தொடர்பில் அவதானம் செலுத்தப்பட்டிருப்பதால், இன்னமும் 3 வருடகாலத்தில் இத்தகைய முஸ்லிம் அடிப்படைவாத செயற்பாடுகளை முற்றாக இல்லாதொழிப்பதாகக் கூறினார். அதனைத் தொடர்ந்து ஆட்சிமாற்றம் ஏற்பட்ட பின்னர் கடந்த 2015 ஆம் ஆண்டில் இவ்விடயம் குறித்து ஜனாதிபதி மைத்திரிபால சிறிசேனவிற்கும், பொலிஸ்மா அதிபருக்கும் கடிதம் மூலம் அறிவுறுத்தியிருந்தோம். 

ஆகவே எமது எச்சரிக்கையைக் கருத்திற்கொண்டு உரிய நடவடிக்கை மேற்கொண்டிருந்தால் அப்பாவி மக்களின் உயிர் காவுகொள்ளப்படுவதைத் தடுத்திருக்க முடியும்.

நாங்கள் வழங்கிய தகவல்களில் குறிப்பிட்டிருந்த இலங்கை தௌஹீத் ஜமாத் என்ற அமைப்பிலிருந்து பிரிந்த அமைப்பான தேசிய தௌஹீத் ஜமாத் என்ற அமைப்பின் மூலமாகவே தேவாலயங்கள், நட்சத்திர ஹோட்டல்கள் மீதான குண்டுத்தாக்குதல்கள் திட்டமிட்டு நடைமுறைப்படுத்தப்பட்டுள்ளன. மேலும் இந்த அமைப்புக்களுக்கு ஐ.எஸ்.ஐ.எஸ் போன்ற சர்வதேச தீவிரவாத அமைப்புக்களுடன் தொடர்புகள் காணப்படும் அதேவேளை, அத்தகைய அமைப்புக்களில் பயிற்சி பெற்றவர்களாகவு இருக்கின்றனர். 

அதேபோன்று குண்டுத்தாக்குதலின் பின்னர் சந்தேகத்தின்பேரில் கைது செய்யப்பட்ட மொஹமட் இப்ராஹிம் என்பவர் அமைச்சர் ரிஷாத் பதியுதீனுக்கு மிக நெருக்கமானவர் என்பதுடன் மக்கள் விடுதலை முன்னணியின் தேசிய பட்டியல் உறுப்பினராகவு பரிந்துரை செய்யப்பட்டிருந்தவராவார். 

எனவே இத்தகைய தீவிரவாத செயற்பாடுகளின் பின்னணியில் அரசியல்வாதிகளின் ஆதரவு காணப்படுகின்றதா என்ற கேள்வி எழுகின்றது.
சந்தேகத்திற்கிடமான முறையில் கொழும்பிற்குள் நுழைந்துள்ள லொறி மற்றும் வேன்

சந்தேகத்திற்கிடமான முறையில் கொழும்பிற்குள் நுழைந்துள்ள லொறி மற்றும் வேன்

சந்தேகத்திற்கிடமான முறையில் கொழும்பு நகரிற்குள் நுழைந்துள்ள லொறி ஒன்று மற்றும் வேன் ஒன்று தொடர்பில் தகவல்கள் கிடைக்கப்பெற்றுள்ளதாக தெரிவிக்கப்படுகின்றது. 

இந்த விடயம் தொடர்பில் கொழும்பு வலயத்திற்கு பொறுப்பான பிரதி பொலிஸ்மா அதிபரினால் கொழும்பு வலயத்திற்குள் உள்ள அனைத்து சிரேஷ்ட பொலிஸ் அதிகாரிகளுக்கும் அறிவிக்கப்பட்டுள்ளது.

 இரவு 9 மணி முதல் மீண்டும் ஊரடங்கு சட்டம் - பொலிஸ்

இரவு 9 மணி முதல் மீண்டும் ஊரடங்கு சட்டம் - பொலிஸ்

இன்று (23) இரவு 9 மணி முதல் நாளை (24) அதிகாலை 4 மணி வரை நாடளாவிய ரீதியில் பொலிஸ் ஊரடங்கு சட்டம் அமுல்படுத்தப்படும் பொலிஸ் ஊடக பேச்சாளர் தெரிவித்துள்ளார். 

இலங்கையில் நிலவும் அசாதாரணமான சூழ்நிலையை அடுத்து பாதுகாப்பு வழங்குவதற்காக பொலிஸ் ஊரடங்கு சட்டம் அமுல்படுத்தப்பட்டு வருகின்றமை குறிப்பிடத்தக்கது.

இலங்கை தாக்குதலுக்கு iSIS பொறுப்பேற்பு

இலங்கை தாக்குதலுக்கு iSIS பொறுப்பேற்பு

இலங்கையில் நடத்தப்பட்ட தாக்குதல்களுக்கான பொறுப்பை தாம் ஏற்றுக்கொள்வதாக ஐ.எஸ் பயங்கரவாத அமைப்பு அறிவித்துள்ளது.

அந்த அமைப்பின் செய்தி முகவர் நிறுவனத்தை மேற்கோள் காட்டி ரொய்ட்ர்ஸ் செய்தி வெளியிட்டுள்ளது.

எனினும், இந்த தாக்குதல்களுக்கான பொறுப்பை ஏற்றமைக்கான காரணங்களை அவர்கள் வௌிப்படுத்தவில்லை எனவும் ரொய்ட்ர்ஸ் குறிப்பிட்டுள்ளது.

தேசிய தவ்ஹீத் ஜமாஅத் அமைப்பை தடை செய்ய பிரேரணை

தேசிய தவ்ஹீத் ஜமாஅத் அமைப்பை தடை செய்ய பிரேரணை

இஸ்லாமிய அடிப்படைவாத இயக்கமான தேசிய தவ்ஹீத் ஜமாஅத் என்ற அமைப்பு இந்த தாக்குதலை மேற்கொண்டுள்ளதாகவும், அவர்கள் JMI என்ற அமைப்புடன் தொடர்புபட்டவர்கள் எனவும்,  இராஜாங்க அமைச்சர் ருவன் விஜயவர்தன மேலும் தெரிவித்தார்.  இன்றைய தினம் பாராளுமன்றில் ஆற்றிய விசேட உரையின் போதே அவர் இதனை தெரிவித்தார்.

தேசிய தவ்ஹீத் ஜமாஅத் அமைப்பை தடை செய்ய பாராளுமன்றில் பிரேரணையும் சமர்பிக்கப்பட்டது 
நொச்சியாகம வர்த்தகர் வீட்டில் வெடிபொருட்கள் கண்டுபிடிப்பு

நொச்சியாகம வர்த்தகர் வீட்டில் வெடிபொருட்கள் கண்டுபிடிப்பு

நொச்சியாகம பிரதேசத்தில் ( அனுராதபுர மாவட்டம்) பிரபல வியாபாரியொருவரின் வீடொன்றிலிருந்து வெடிப்பொருள்கள் தொகையொன்று நொச்சியாகம பொலிஸாரால் கண்டுபிடிக்கப்பட்டுள்ளது.

இன்று (23) காலை 9.30 நொச்சியாகம பொலிஸாருக்கு கிடைக்கப்பெற்ற தகவலுக்கு அமைய நொச்சியாகம எரிபொருள் நிலையத்தின் முன்னால் அமைந்துள்ள இரு மாடி வீட்டுக்குச் சென்று சோதனை நடவடிக்கைகளில் ஈடுபட்ட போதே, வெடிப்பொருள்கள் பெருமளவிலான தொகையுடன் சந்தேகநபர்கள் எட்டு பேர் கைது செய்யப்பட்டுள்ளனர்.

அங்கு ஜெலான்ட்டின் குச்சிகள் 1000அமோனியா 500 கிலோ மற்றும் வெடிகுண்டுக்கு பயன்படுத்தப்படும் வயர்கள் கண்டுபிடிக்கபட்டுள்ளன.

வீட்டில் இருந்த ஆறு பேருடன் அங்கு வேனில் வந்த 2 பேரும் சேர்த்து கைதாகி உள்ளனர். குறிப்பிட்ட வீட்டு உரிமையாளர் முன்னரும் வெடிபொருட்கள் வைத்திருந்த விவாகரத்தில் கைதாகி விடுவிக்கப்பட்டவர் ஆவார்.

Source: MadaNews
நியுசிலாந்து பள்ளிவாசல் தாக்குதலுக்காகவே, இலங்கை தற்கொலை தாக்குதல்

நியுசிலாந்து பள்ளிவாசல் தாக்குதலுக்காகவே, இலங்கை தற்கொலை தாக்குதல்

நியுசிலாந்து முஸ்லிம் பள்ளிவாசலுக்கு மேற்கொள்ளப்பட்ட தீவிரவாத தாக்குதலுக்கு பழிதீர்க்கும் வகையிலேயே இலங்கையிலும் தாக்குதல் மேற்கொள்ளப்பட்டுள்ளதாக பாதுகாப்பு இராஜாங்க அமைச்சர் ருவன் விஜயவர்தன தெரிவித்துள்ளார்.

இன்றைய தினம் பாராளுமன்றில் ஆற்றிய விசேட உரையின் போதே அவர் இதனை தெரிவித்தார்.

இஸ்லாமிய அடிப்படைவாத இயக்கமான தேசிய தவ்ஹீத் ஜமாஅத் என்ற அமைப்பு இந்த தாக்குதலை மேற்கொண்டுள்ளதாகவும், அவர்கள் JMI என்ற அமைப்புடன் தொடர்புபட்டவர்கள் எனவும் இராஜாங்க அமைச்சர் ருவன் விஜயவர்தன மேலும் தெரிவித்தார். (
தாக்குதலை ஒரு இனத்தின் மீது திணிக்க வேண்டாம்- சபையில் மஹிந்த உரை #SriLankaAttacks

தாக்குதலை ஒரு இனத்தின் மீது திணிக்க வேண்டாம்- சபையில் மஹிந்த உரை #SriLankaAttacks

ஜனாதிபதி ஒரு பக்கத்திலும் பிரதமர் இன்னுமொரு பக்கத்திலும் இருந்து செயற்படும் இந்த அரசாங்கத்தில் தேசிய பாதுகாப்புப் பிரச்சியைனைத் தீர்க்க முடியாது என முன்னாள் ஜனாதிபதியும் எதிர்க் கட்சித் தலைவருமான மஹிந்த ராஜபக்ஸ தெரிவித்தார்.

தொடர் குண்டு வெடிப்புச் சம்பவங்களையடுத்து நாட்டில் ஏற்பட்டுள்ள பாதுகாப்பு நிலைமை தொடர்பில் தீர்மானங்களை எடுப்பதற்கு இன்று (23) பிற்பகல் 1.00 மணிக்கு பாராளுமன்றம் கூடியது. இதில் பிரதமர் ரணில் விக்ரமசிங்க, பாதுகாப்பு இராஜாங்க அமைச்சர் ருவன் விஜேவர்தன ஆகியோர் உரையாற்றியதன் பின்னர் எதிர்க் கட்சித் தலைவருக்கு உரையாற்றும் சந்தர்ப்பம் கிடைத்தது. இதன்போது விசேட உரையாற்றுகையிலேயே மஹிந்த ராஜபக்ஸ இதனைக் கூறினார்.

நாட்டின் அண்மையில் இடம்பெற்ற தற்கொலைத் தாக்குதலை விளையாட்டாகக் கொள்ளக் கூடாது. கடந்த அரசாங்க காலத்தில் நாட்டிலுள்ள யுத்தத்துக்கு முகம்கொடுக்க பாரிய பாதுகாப்பு நடவடிக்கைகள் முன்னெடுக்கப்பட்டன. புலனாய்வுத் துறை அதிகாரிகள் ஒவ்வொரு வாரமும் கூடி ஆராய்ந்ததன் பின்னர், அது பாதுகாப்பு உயர் சபையில் தீர்மானம் எடுக்கப்பட்டது.

இது எமது நாட்டு மக்களின் பிரச்சினை. இந்தப் பிரச்சினை பயங்கரவாதப் பிரச்சினை. இபோன்ற சம்பவமொன்று இதன்பின்னர் இடம்பெறக் கூடாது எனப் பிரார்த்திக்கின்றேன்.

பயங்கரவாதத்துக்கு இனம், மதம் என்பது தெரியாது. இதனால், இந்த பயங்கரவாதப் பிரச்சினைக்காக ஒரு மதத்துக்கோ, இனத்துக்கோ விரல் நீட்ட வேண்டாம் எனவும் அவர் வேண்டுகோள் விடுத்தார்.

பயங்கரவாதத்துக்கு எதிராக முன்னெடுக்கப்படும் நடவடிக்கைகளுக்கு எதிர்க் கட்சி தனது முழுமையான ஒத்துழைப்பை வழங்கும் எனவும் எதிர்க் கட்சித் தலைவர் மேலும் கூறினார். 
நீர்கொழும்பில் சற்றுமுன் பாகிஸ்தான் பிரஜைகள் ஆறு பேர் கைது

நீர்கொழும்பில் சற்றுமுன் பாகிஸ்தான் பிரஜைகள் ஆறு பேர் கைது

நீர்கொழும்பு பொலிஸ் பிரிவிற்குட்பட்ட அட்நிவுஸ் வீதியில் மற்றும் பெரியமுல்லை பகுதியில் சட்டவிரோதமான முறையில் இந்நாட்டில் தங்கியிருந்த பாகிஸ்தான் நாட்டு பிரஜைகள் ஆறு பேர் கைது செய்யப்பட்டுள்ளனர். 

நீர்கொழும்பு பொலிஸாரிற்கு கிடைத்த தகவலின் அடிப்படையிலேயே குறித்த நபர்கள் நேற்று ()22 கைது செய்யப்பட்டுள்ளனர். 

18, 23, 24 மற்றும் 25 வயதுடைய பாகிஸ்தான் நாட்டவர்களே இவ்வாறு கைது செய்யப்பட்டுள்ளனர். 

சம்பவம் தொடர்பில் நீர்கொழும்பு பொலிஸார் மேலதிக விசாரணைகளை மேற்கொண்டு வருகின்றனர்.

தற்கொலை தாக்குதலால் பலியானோர் 321 , வைத்தியசாலையில்  375 பேர்

தற்கொலை தாக்குதலால் பலியானோர் 321 , வைத்தியசாலையில் 375 பேர்

நாட்டின் பல்வேறு பகுதிகளில் இடம்பெற்ற வெடிப்புச் சம்பவங்களில் உயிரிழந்தவர்களின் எண்ணிக்கை 321 ஆக அதிகரித்துள்ளதாக பாதுகாப்பு அமைச்சர் ருவன் விஜேவர்தன தெரிவித்துள்ளார். 

பாராளுமன்றத்தில் தற்போது இடம்பெற்றுவரும் விஷேட அமர்வின் போதே அவர் இவ்வாறு தெரிவித்துள்ளார். 

உயிரிழந்தவர்களில் 38 வெளிநாட்டு பிரஜைகளும் உள்ளடங்குவதாக தெரிவித்த அவர், 500 மேற்பட்டோர் காயமடைந்துள்ளதாகவும் தெரிவித்துள்ளார். 

இதுவரையில் 375 பேர் வைத்தியசாலைகளில் சிகிச்சை பெற்று வருவதாகவும் அவர் மேலும் தெரிவித்துள்ளார்.
ISIS : பாராளுமன்றில் முஸ்லிம்களை வெளுத்து கட்டிய விஜேதாச

ISIS : பாராளுமன்றில் முஸ்லிம்களை வெளுத்து கட்டிய விஜேதாச

நாட்டில் தவ்பீக் ஜமாத்தின் நான்கு குடும்பங்களைச் சேர்ந்த 32 பேர் ஐ.எஸ்.ஐ.எஸ். பயங்கரவாதிகளிடம் சென்று பயிற்சி எடுத்துவிட்டு வந்ததாக அன்று பாராளுமன்றத்தில் நான் கூறிய போது ஐக்கிய தேசியக் கட்சியின் முஸ்லிம் எம்.பிக்களும், அமைச்சர்களும் தனக்கு எதிராக ஊடகவியலாளர் சந்திப்புக்களை நடத்தியதாக முன்னாள் அமைச்சர் விஜேதாச ராஜபக்ஸ தெரிவித்தார்.

பாராளுமன்றத்தில் கடந்த 2016 ஆம் ஆண்டு நவம்பர் மாதம் 18 ஆம் திகதி இந்த செய்தியை வெளியிட்டோம். இந்த செய்தியை வெளியிட்ட என்னை சில முஸ்லிம் எம்.பி.க்கள் சபித்தனர்.

பலருடைய மனித உயிர்களைப் பறித்த இந்த பயங்கரவாத சம்பவத்துக்குரிய பொறுப்பை இந்த முஸ்லிம் எம்.பி.க்களும், அமைச்சர்களும் பொறுப்பேற்க வேண்டும் எனவும் பாராளுமன்ற உறுப்பினர் விஜேதாச ராஜபக்ஸ சற்று முன்னர் பாராளுமன்றத்தில் குறிப்பிட்டார். 

Apr 22, 2019

ஷாங்கரிலா தாக்குதலை நடத்தியவர் இன்ஸான் சீலவன் என அடையாளம்

ஷாங்கரிலா தாக்குதலை நடத்தியவர் இன்ஸான் சீலவன் என அடையாளம்

ஷாங்கரி-லா ஹோட்டலில் தற்கொலைக் குண்டு தாக்குதலை நடத்தியவர் இன்ஸான் சீலவன் என அடையாளம் காணப்பட்டுள்ளார் என நீதிமன்றில் பொலிஸார் தெரிவித்துள்ளனர்.

குறித்த நபர் தொழிற்சாலை உரிமையாளர் எனவும் பொலிஸார் நீதிமன்றில் தெரியப்படுத்தியுள்ளனர்.

கொழும்பில் மேற்கொள்ளப்பட்ட குண்டு வெடிப்பு தொடர்பாக சந்தேகத்தின் பேரில் கைது செய்யப்பட்ட 9 பேரும் இன்று (திங்கட்கிழமை) நீதிமன்றில் முன்னிலைப்படுத்தப்பட்டனர்.

இதன்போது விசாரணைகளை மேற்கொண்ட நீதவான் பொலிஸார் வழங்கிய அறிக்கையின் பிரகாரம் அவர்களை மே மாதம் 6 ஆம் திகதி வரை விளக்கமறியலில் வைக்குமாறும் உத்தரவிட்டுள்ளார்.
கொழும்பில் சற்றுமுன் பாரிய வெடிப்பு ; வேன் ஒன்றில் குண்டு வெடிப்பு

கொழும்பில் சற்றுமுன் பாரிய வெடிப்பு ; வேன் ஒன்றில் குண்டு வெடிப்பு

கொட்டஞ்சேனை கிருஸ்தவ தேவாலயத்திற்கு அருகில் சற்று முன்னர் மற்றுமொரு குண்டு வெடிப்பு சம்பவம் பதிவாகியுள்ளதாக தெரிவிக்கப்படுகின்றது. 

குண்டு செயலிழப்பு செய்யும் அணியினர் மற்றும் விசேட அதிரடிப் படையினர், தேவாலயத்திற்கு அருகில் இருந்த வேன் ஒன்றை சோதனையிடும் போது, குறித்த வெடிப்பு சம்பவம் இடம்பெற்றுள்ளது.

இந்த சம்பவத்தில் எவருக்கும் பாதிப்பு ஏற்படவில்லை என பொலிஸ் ஊடகப் பேச்சாளர் அலுவலகம் தெரிவித்துள்ளது. 
வெடிப்பு சம்பவம் :9 பேர், 6 ஆம் திகதி வரை விளக்கமறியலில்

வெடிப்பு சம்பவம் :9 பேர், 6 ஆம் திகதி வரை விளக்கமறியலில்

நேற்றைய தினம் நாட்டின் 8 இடங்களில் இடம்பெற்ற வெடிப்புச் சம்பவங்கள் தொடர்பில் சந்தேகத்தின் பேரில் கைது செய்யப்பட்டுள்ளவர்களில் 9 பேரை மே மாதம் 6 ஆம் திகதி வரை விளக்கமறியலில் வைக்க உத்தரவிடப்பட்டுள்ளது.

குறித்த நபர்களை இன்று கொழும்பு நீதவான் நீதிமன்றத்தில் ஆஜர் செய்தபோதே இந்த உத்தரவு பிறப்பித்துள்ளது.

இதுவரை 24 பேர் கைது செய்யப்பட்டுள்ளதாக தெரிவிக்கப்படுகின்றது.

நள்ளிரவு 12.00 மணி முதல் அவசரகால சட்டத்தின் கீழ் அமுல்- ஜனாதிபதி

நள்ளிரவு 12.00 மணி முதல் அவசரகால சட்டத்தின் கீழ் அமுல்- ஜனாதிபதி

பயங்கரவாத தடைச்சட்டத்துடன் சம்பந்தப்பட்ட சட்ட விதிமுறைளை மாத்திரம் இன்று நள்ளிரவு 12.00 மணி முதல் அவசரகால சட்டத்தின் கீழ் அமுல்படுத்துவது தொடர்பாக வர்த்தமாணி அறிவித்​தலை வெளியிட அரசாங்கம் தீர்மானித்துள்ளது.

தேசிய பாதுகாப்புச் சபை ஜனாதிபதி மைத்ரிபால சிறிசேன தலைமையில் இன்று (22) முற்பகல் ஒன்று கூடியபோதே இந்த தீர்மானம் மேற்கொள்ளப்பட்டது.

நாட்டினதும் மக்களினதும் பாதுகாப்பை உறுதிப்படுத்துவதற்கு பொலிஸாருக்கும் முப்படையினருக்கும்தேவையான அதிகாரத்தை வழங்குவதற்காக இந்த நடவடிக்கை மேற்கொள்ளப்பட்டுள்ளது.அதேவேளை நேற்று இடம்பெற்ற பயங்கரவாத நடவடிக்கையுடன் தொடர்புடைய அமைப்புக்கள், அதுதொடர்பில் கைதுசெய்யப்பட்டுள்ள பயங்கரவாதிகள் மற்றும் அதற்கு அனுசரணை வழங்கிய அனைத்து நாசகார சக்திகளையும் முழுமையாக அழிப்பது தொடர்பிலும் இதன்போது கலந்துரையாடப்பட்டதுடன், அது தொடர்பாக அடுத்த கட்ட நடவடிக்கைகளை மேற்கொள்ளுமாறு ஜனாதிபதி பொலிஸாருக்கும் முப்படையினருக்கும் பணிப்புரை வழங்கியுள்ளார்.
புறகோட்டை தனியார் பஸ் தரிப்பிடத்திலிருந்து வெடிப்பொருள்கள் மீட்பு

புறகோட்டை தனியார் பஸ் தரிப்பிடத்திலிருந்து வெடிப்பொருள்கள் மீட்பு

புறகோட்டை – பெஸ்டியன் மாவத்தையிலுள்ள தனியார் பஸ் தரிப்பிடத்திலிருந்து வெடிப்பொருள்கள் மீட்கப்பட்டுள்ளதாக பொலிஸார் தெரிவித்துள்ளனர்

குப்பைகள் இடப்படும் பையொன்றும் மற்றும் அதற்கருகிலிருந்து 87 டெடனேடர்களும் இதன்போது கண்டுபிடிக்கப்பட்டுள்ளதாக பொலிஸ் ஊடகப் பிரிவின் பேச்சாளர், ருவன் குணசேகர தெரிவித்தார். 
மிலேச்சத்தனமான தாக்குதல்களை மேற்கொண்டவர் பாரபட்சமின்றி தண்டிக்கப்பட வேண்டும் - அமைச்சர் ரிஷாட்

மிலேச்சத்தனமான தாக்குதல்களை மேற்கொண்டவர் பாரபட்சமின்றி தண்டிக்கப்பட வேண்டும் - அமைச்சர் ரிஷாட்

மிலேச்சத்தனமான தாக்குதல்களை மேற்கொண்டவர் பாரபட்சமின்றி தண்டிக்கப்பட வேண்டும்
- அமைச்சர் ரிஷாட்

மிலேச்சத்தனமான தாக்குதல்கள் மூலம் நாட்டில்  வன்முறையை தோற்றுவித்து இனங்களுக்கிடையிலான ஒற்றுமையை குலைக்கும் சக்திகள் எந்தவிதமான பாரபட்சமுமின்றி தண்டிக்கப்பட வேண்டுமென அகில இலங்கை மக்கள் காங்கிரஸ் தலைவரும் அமைச்சருமான ரிஷாட் பதியுதீன் கோரிக்கை விடுத்துள்ளார்.

அவர் மேலும் தெரிவித்துள்ளதாவது,


கொழும்பு உட்பட பல பிரதேசங்களில் ஞாயிற்றுக் கிழமைமேற்கொள்ளப்பட்ட வெடிகுண்டு தாக்குதல் சம்பவத்தைநாங்கள் வன்மையாக கண்டிக்கின்றோம்.இதே வேளை இந்தகுண்டுத்தாக்குதலில் பலியானவர்களின் உறவினர்களுக்கும்மற்றும் காயமடைந்தவர்களுக்கும் எனது ஆழ்ந்த துயரத்தைதெரிவிக்கின்றேன்.

இந்த சம்பவத்தை யார் செய்தாலும் அவர்களுக்கு எதிரானஅனைத்து கடுமையான நடவடிக்கைகளையும் அரசாங்கம்எடுக்க வேண்டியதுடன்,இவ்வாறான மிலேச்சத்தனமானசம்பவங்களின் பின்னணி தொடர்பில் கண்டறிந்து இந்தநாட்டில் குழப்பத்தை ஏற்படுத்தும் சக்திகளை இனம் கண்டுஅவற்றை துடைத்தெறிந்து மக்களின் பாதுகாப்பினைஉறுதிப்படுத்துவது அரசாங்கத்தின் பொறுப்பாகும்.
கத்தோலிக்க மக்களின் உயிர்த்த ஞாயிறு தினமான நேற்றையதினத்தில் தேவாலயங்களில் தமது மத அனுஷ்டானங்களில்ஈடுபட்டுக் கொண்டிருந்த அப்பாவி மக்களை இலக்குவைத்தும்,அதே போன்று தலை நகரில் பிரசித்தம் கொண்டநட்சத்திர ஹோட்டல்களில் மேற்கொள்ளப்பட்ட இந்ததொடர் தாக்குதலினால் ஆண்கள்,பெண்கள்,சிறுவர்கள்மற்றும் வெளிநாட்டவர்கள் கொல்லப்பட்ட சம்பவத்தை   கேள்வியுற்றதும் பெரும் அதிர்ச்சிக்குள்ளானேன்.

இவ்வாறான பயங்கரவாத செயற்பாடுகளால் இதனைமேற்கொண்டவர்கள் எத்தகைய இலாபத்தை அடையப்போகின்றார்கள் என்பது தெரியவில்லை.இது போன்ற மனிதநேயமற்ற தாக்குதல்களை ஒரு போதும் எம்மால் ஏற்றுக் கொள்ளமுடியாது.குறிப்பாக இஸ்லாமியர்கள் ஒரு போதும்வன்முறைகளை நாடியதில்லை என்பதற்கு எமது நாட்டில் பலஉதாரணங்களை கூறலாம். இஸ்லாமிய மதம் எந்தசந்தர்ப்பத்திலும் ஏனைய சகோதரர்களின் உயிரினை பறிக்கும்அதிகாரத்தினை எவருக்கும் வழங்கவில்லை என்பதைதெளிவாக எடுத்துக் கூறுகின்றது.

சமாதானம்,சாந்தி அகிம்சை என்பனவற்றை மக்கள் மத்தியில்எடுத்துச் செல்லும் மதமாக இஸ்லாம் இருக்கின்றது.குறிப்பாகபல்லின சமூகங்கள் வாழும் எமது தாய் திருநாட்டில்இவ்வாறானதொரு குரூரச் சம்பவம் மனித மனங்களால்நினைத்தும் பார்க்க முடியாததொன்று.இத்தகைய கொடியதாக்குதல் சம்பவங்களினால் மீண்டும் இனக்கலவரத்தைஏற்படுத்தி அதன் மூலம் இந்த தீய சக்திகள் எதிர்பார்க்கும்இலக்கை அடைய ஒரு போதும் இந்த நாட்டுமக்கள் இடம் கொடுக்க மாட்டார்கள் என்பதை  உறுதியாக கூறிக் கொள்ளவிரும்புகின்றேன்.

இதே போல் இந்த தாக்குதலின் பின்னணி கண்டறியப்படல்வேண்டும்,அதற்கான துரித செயற்பாடுகளைஜனாதிபதி,பிரதமர் மற்றும் பாதுகாப்பு தரப்பினர் மேற்கொள்ளவேண்டும்.இதன் மூலம் எமது நாட்டில் மக்களின் பாதுகாப்புஉறுதிப்படுத்தப்படல் வேண்டும்.என்பதுடன்.இந்தஅநாகரிகமானசெயலைமேற்கொண்டஎவராயினும்,தகுதி,தராதரம்,சாதி,இனம்,
மதம் பாராது உரிய தண்டனை வழங்கப்படல் வேண்டும்.

குறிப்பாக இந்த நாட்டின் இன ஒற்றுமைக்கு பங்கம்விளைவிக்கும எந்த சக்திகளுக்கும் எமது மக்கள் விலைபோகக் கூடாது . என்று இந்த தருணத்தில் நான்வேண்டுகோள்விடுப்பதுடன், பாதிக்கப்பட்ட மக்களுக்குஉதவும் வகையில் எமது செயற்பாடுகளை முன்னெடுத்துச்செல்வது காலத்தின் தேவையாகும் எனவும் தெரிவித்தார்.
இலங்கை தாக்குதல் பின்னணியில் சர்வதேச பயங்கரவாத அமைப்புகள் – CID தகவல்

இலங்கை தாக்குதல் பின்னணியில் சர்வதேச பயங்கரவாத அமைப்புகள் – CID தகவல்

நேற்றைய தாக்குதலின் பின்னணியில் சர்வதேச பயங்கரவாத அமைப்புகள் இருப்பது குறித்து புலனாய்வுப் பிரிவு தேசியப் பாதுகாப்புச் சபை அறிவித்துள்ளதாகத் தெரிவிக்கப்பட்டுள்ளது.

இதன் காரணமாக குறித்த பயங்கரவாத அமைப்புக்களை ஒழிக்க, சர்வதேச ஒத்துழைப்புக்களைப் பெற்றுக்கொள்ளத் தீர்மானிக்கப்பட்டுள்ளது.

தேசியப் பாதுகாப்புச் சபை ஜனாதிபதி மைத்ரிபால சிறிசேன தலைமையில் இன்று (22) முற்பகல் ஒன்று கூடியபோதே இந்த தீர்மானம் மேற்கொள்ளப்பட்டது.

இதற்கமைய இலங்கையில் உள்ள சகல வெளிநாட்டுத் தூதுவர்களையும், உயர் ஸ்தானிகர்களையும் அழைத்து நாட்டின் தற்போதைய நிலைமை தொடர்பில் விளக்கமளிப்பதற்கும் ஜனாதிபதி எதிர்பார்த்துள்ளதுடன், இச்சந்தர்ப்பத்தில் இலங்கைக்கு அவர்கள் அனைவருடைய சர்வதேச ஒத்துழைப்பையும் கோரவுள்ளதாகவும் ஜனாதிபதியின் ஊடகப் பிரிவு வெளியிட்டுள்ள அறிக்கையில் தெரிவிக்கப்பட்டுள்ளது.

இதே நேரம் கத்தோலிக்க தேவாலயங்கள் உள்ளிட்ட பாதுகாப்பு தேவையான அனைத்து இடங்களுக்கும் முறையான பாதுகாப்பு திட்டமொன்றைத் தயாரிக்குமாறும் ஜனாதிபதி பாதுகாப்புத் துறையினருக்கு அறிவுறுத்தியுள்ளார்.

நாட்டில் ஏற்பட்டிருக்கும் நிலைமையைக் கருத்திற்கொண்டு இந்த நடவடிக்கைகளை உடனடியாக மேற்கொள்ளுமாறு பொலிஸாருக்கும் முப்படையினருக்கும் பாதுகாப்பு அமைச்சுக்கும் ஜனாதிபதி பணிப்புரை வழங்கியுள்ளார். (ஸ)

Apr 21, 2019

இதுவரை 7 பேர் கைது, தற்கொலை தாக்குதலும் கண்டுபிடிப்பு

இதுவரை 7 பேர் கைது, தற்கொலை தாக்குதலும் கண்டுபிடிப்பு

இன்றைய வெடிப்பு சம்பவங்கள் தொடர்பில் இதுவரை 7 பேர் கைதாகி உள்ளதாக தெரிவிக்கப்படு கிறது. நீர் கொழும்பு, கொழும்பு, மட்டக்களப்பு ஆகிய பிரதேசங்களில் இடம்பெற்ற குண்டு வெடிப்புகளில் தொடர்பு என சந்தேகத்தி லேயே 7 பேர் இதுவரை கைதாகி உள்ளனர்.

அதிகமான தாக்குதல்கள் தற்கொலை தாக்குதலாக இருக்கும் எனவும் ஒரு குழுவினரால் இது அனைத்தும் மேற்கொள்ளப் பட்டுள்ளதாக அரசாங்கம் தெரிவித்துள்ளது.

இன்று (21) இடம்பெற்ற ஊடகவியலாளர் சந்திப்பின்போதே இராஜாங்க அமைச்சர் ருவன் வி​​ஜேவர்தன தெரிவித்தார்.
நாடு முழுவதிலும் உள்ள பல்கலைக்கழகங்கள் அனைத்தும் மூடப்பட்டுள்ளன

நாடு முழுவதிலும் உள்ள பல்கலைக்கழகங்கள் அனைத்தும் மூடப்பட்டுள்ளன

மீள அறிவிக்கும் வரை, நாடு முழுவதிலும் உள்ள பல்கலைக்கழகங்கள் அனைத்தும் மூடப்பட்டுள்ளன.

நாட்டின் பல்வேறு பகுதிகளிலும் இடம்பெற்றுள்ள குண்டு வெடிப்பு சம்பவங்கள் காரணமாக தற்போது ஏற்பட்டுள்ள பாதுகாப்பு நிலையை கருத்திற்கொண்டு, நாடு முழுவதிலுமுள்ள பல்கலைக்கழகங்களை தற்காலிகமாக மூடுவதற்கு நடவடிக்கை எடுத்துள்ளதாக பல்கலைக்கழக மானியங்கள் ஆணைக்குழு அறிவித்துள்ளது.
ஒன்பது குண்டுவெடிப்பு; 192 பேர் பலி; 500 இற்கும் மேற்பட்டோர் காயம் #SRILANKA

ஒன்பது குண்டுவெடிப்பு; 192 பேர் பலி; 500 இற்கும் மேற்பட்டோர் காயம் #SRILANKA



நாட்டில் காலை முதல் இதுவரையில் 8 இடங்களில் இடம்பெற்ற வெடிப்புச் சம்பவங்களில் 192 பேர் பலியாகியுள்ள தாக வைத்தியசாலை மற்றும் பொலிஸ் வட்டாரங்கள் தெரிவித்துள்ளன.

எட்டு இடங்களில் 9 வெடிப்புச் சம்பவங்கள் இடம்பெற்றுள்ளதாக குறிப்பிடப்படுகின்றது.

இச்சம்பவங்களில் சுமார் 500 இற்கும் மேற்பட்டோர் காயமடைந்துள்ளதாகவும் அவ்வட்டாரங்கள் கூறியுள்ளன.

மூன்று தேவாலயங்கள், 3 ஹோட்டல்கள், தெஹிவளை மற்றும் தெமட்டகொட ஆகிய இடங்களிலேயே வெடிப்புச் சம்பவங்கள் இடம்பெற்றுள்ளமை குறிப்பிடத்தக்கது
உடனடியாக பொலிஸ் ஊரடங்குச் சட்டம் அமுல்

உடனடியாக பொலிஸ் ஊரடங்குச் சட்டம் அமுல்

உடனடியாக அமுலுக்கு வரும் வகையில் பொலிஸ் ஊரடங்குச் சட்டம் நடைமுறைப்படுத்தப்பட்டுள்ளதாக பொலிஸ் ஊடகப் பிரிவு அறிவித்துள்ளது.

பொது மக்கள் வீடுகளில் தங்கியிருக்குமாறும், பாதைகளில் ஒன்று கூடி கூட்டமாக இருப்பதை தவிர்ந்து கொள்ளுமாறும் பொலிஸார் கேட்டுள்ளனர். 
தாக்குதல்தாரிகளை அடையாளம் கண்டு கொண்டுள்ளளோம் - அமைச்சர் ருவன்

தாக்குதல்தாரிகளை அடையாளம் கண்டு கொண்டுள்ளளோம் - அமைச்சர் ருவன்

நாட்டை உலுக்கும் வகையில் இன்றைய தினம் எட்டு குண்டுகள் வெடித்து உயிர் சேதங்களை ஏற்படுத்தியுள்ள நிலையில், தாக்குதல்தாரிகளை அடையாளம் கண்டு கொண்டுள்ளதாக தெரிவித்துள்ளார் பாதுகாப்பு அமைச்சர் ருவன் விஜேவர்தன.

முப்படையினரும் மேலதிக விசாரணைகளில் ஈடுபட்டு வருவதோடு சந்தேக நபர்களை விரைவில் கைது செய்வார்கள் எனவும் அவர் நம்பிக்கை வெளியிட்டுள்ளார்.


ஏலவே சில சந்தேகநபர்கள் கைது செய்யப்பட்டுள்ள அதேவேளை இனவாத பிரச்சாரங்களும் மேற்கொள்ளப்பட்டு வருகின்றன. இந்நிலையில், எந்த மதத்தைச் சேர்ந்தவர்களாக இருந்தாலும் கடும் நடவடிக்கை எடுக்கப்படும் என ருவன் தெரிவிக்கின்றமை குறிப்பிடத்தக்கது.

SONKAR
தெமட்டகொட வெடிப்பு ஒரு பொலிசார் பலி:  மூவர் கைது

தெமட்டகொட வெடிப்பு ஒரு பொலிசார் பலி: மூவர் கைது

8வது குண்டுவெடிப்பான, தெமட்டகொட வெடிப்பு சம்பவத்தில் ஒரு பொலிசார் மரணித்ததுடன் பலருக்கு காயம் என அங்கிருந்து வரும் தகவல் கிடைத்துள்ளதுடன். அங்கிருந்து மூவரை பொலிசார் கைது செய்துள்ளனர். 


இதுவரை 185 பேர் பலி 

இரவு 6 மணி முதல் முழு இலங்கையிலும் ஊரடங்கு சட்டம் அமுலில்

இரவு 6 மணி முதல் முழு இலங்கையிலும் ஊரடங்கு சட்டம் அமுலில்

இன்று மாலை முதல் நாடளாவிய ரீதியில் ஊரடங்கு சட்டம் அமுல் படுத்தப்பட உள்ளதாக ஜனாதிபதி செயலகம் தெரிவித்துள்ளது.

அதனடிப்படையில் இன்று மாலை 6 மணி முதல் நாளை காலை 6 மணி வரையில் இவ்வாறு ஊரடங்கு சட்டம் அமுல்படுத்தப்பட உள்ளதாக தெரிவிக்கப்படுகின்றது.

இலங்கையில் நிலவிவரும் பதற்றமான சூழ்நிலையை அடுத்து பாதுகாப்பு வழங்குவதற்காக இந்த நடவடிக்கை மேற்கொள்ளப்பட வுள்ளது. 
இலங்கையில் பேஸ்புக், வட்ஸ்அப் தடை

இலங்கையில் பேஸ்புக், வட்ஸ்அப் தடை



தொடரும் பதற்ற நிலையை தவிரப்பதற்காக சமூக வலைத்தளங்கள் முடக்கப்பட்டுள்ளது.

இதேவேளை, பதற்றத்தை மேலும் கூட்டும் நோக்கில் சமூகவலைத்தளங்களில் போலியான புகைப்படங்கள் மற்றும் காணொளிகளை பகிர வேண்டாம் என்றும் அறிவிக்கப்பட்டுள்ளது.

அத்துடன் சமூக வலைத்தளங்களினூடாக மத , இன வாதங்களைத் தூண்டும் செய்திகளும் பதிவுகளும் பகிரப்படுவதனால் சமூக வலைத்தளங்கள் முற்றாக முடக்கப்பட்டுள்ளது.

இலங்கையில் தொடரும் தொடர்குண்டு வெடிப்புச் சம்பவங்கள் தொடர்பான புகைப்படங்கள், காணொளிகள் ஆகியவை அதிகமாக பகிரப்படுவதால் முற்றாக முடக்கப்பட்டிருக்கின்றது.
இறைவிசுவாசிகளை இலக்கு வைத்த கொடூரத்தை ஏற்க முடியாது: அமைச்சர் ரிஷாட் பதியுதீன்!

இறைவிசுவாசிகளை இலக்கு வைத்த கொடூரத்தை ஏற்க முடியாது: அமைச்சர் ரிஷாட் பதியுதீன்!


-ஊடகப்பிரிவு-

நாட்டின் அமைதி.இன ஐக்கியத்தை பதற்றத்திற்குள்ளாக்கும் வகையில் கொழும்பில்  நடாத்தப்பட்ட குண்டுத் தாக்குதல்களை வன்மையாகக் கண்டித்துள்ள அமைச்சர் ரிஷாத்பதியுதீன்அமைதிக்கு எதிரான சதிகாரர்களை அரசாங்கம் உடனடியாக அடையாளம் காண வேண்டுமெனத் தெரிவித்துள்ளார். இன்று  (21) கொழும்பில் நடாத்தப்பட்ட சம காலத்தாக்குதல்கள் மற்றும் மட்டக்களப்பு தேவாலயத் தாக்குதல்கள் தொடர்பில் அமைச்சர் வெளியிட்டுள்ள கண்டனச் செய்தியில் தெரிவித்துள்ளதாவதுமுப்பது வருட யுத்தம் மிகப்பெறுமதியான விலைகொடுத்து முடித்து வைக்கப்பட்டது.இதற்குப் பின்னரான ஒரு தசாப்த கால நிசப்தத்தை தகர்க்கும் வகையில் இத்தாக்குதல்கள் உள்ளன. மத உணர்வுகளையும். சிவிலியன்களின் சாதாரண வாழ்க்கையையும் இத்திட்டமிட்ட தாக்குதல்கள்  அச்சுறுத்தியுள்ளன.

குறிப்பாக  கிறிஸ்தவ சகோதரர்கள் புனித ஈஸ்டர் திருநாளைக் கொண்டாடுகையில் தேவாலயங்கள் வன்முறைக்குள்ளானமை பெரும் அதிர்ச்சியளிக்கிறது.மதச் சுதந்திரங்களைப் பறித்து,மத உணர்வுகளைக் காயப்படுத்தியுள்ள இந்தக் கயவர்களை எவ்விதக் கருணைகாட்டாது தண்டிக்க வேண்டும்.எந்த நோக்கங்களையும் அடைந்து கொள்ள வன்முறைகள் வழிமுறையாகப் பின்பற்றப்படக் கூடாது.இலங்கை போன்ற ஜனநாயக நாடுகளில் இவ்வாறான மிலேச்சத்தனமான தாக்குதல்களுக்கு இனி இடமிருக்கக் கூடாது.
இந்நெருக்கடியான நிலையில் சில விஷமிகள் சமூக முறுகல்களைத் தூண்டிவிட முனைவது வேதனையளிக்கிறது.ஏப்ரல் 11 ஆம் திகதி இணையங்களில் வெளியான கடிதத்தை வைத்து முஸ்லிம் அமைப்புக்களில் முடிச்சுப்போடும் முயற்சிகளும் நிறுத்தப்பட வேண்டும்.புலனாய்வுத்துறை  விசாரணைகளை நடத்தி சூத்திரதாரிகளைக் கண்டறியும் வரை சட்டத்தை எவரும் கையிலெடுக்கக் கூடாது.இந்த வன்முறையில் உயிரிழந்த இறைவிசுவாசுகளின் சகல குடும்பத்தினர்,உறவினருக்கு ஆழ்ந்த அனுதாபங்களைத் தெரிவிப்பதாகவும் அவர் தனது கண்டன அறிக்கையில் தெரிவித்துள்ளார்.
Braking News : தெஹிவளையில் வெடிப்பு சம்பவம்

Braking News : தெஹிவளையில் வெடிப்பு சம்பவம்

தெஹிவளை மிருகக் காட்சி சாலைக்கு அண்மையில் காணப்படும் தனியார் ஹோட்டல் ஒன்றிலும் சற்று முன்னர் வெடிப்புச் சம்பவம் ஒன்று இடம்பெற்றுள்ளதாக பொலிஸ் ஊடகப் பேச்சாளர் தெரிவித்துள்ளார்.

சம்பவம் தொடர்பான மேலதிக விபரங்களை எதிர்பாருங்கள்.
இவ்வாறு நடக்குமென 4 நாட்களுக்கு முன்பே தெரிவித்தோம் - இந்தியா

இவ்வாறு நடக்குமென 4 நாட்களுக்கு முன்பே தெரிவித்தோம் - இந்தியா


இலங்கையில் தொடர் குண்டுவெடிப்பு நடத்தப்படலாம் என 4 நாட்களுக்கு முன்பே இந்திய உளவுத்துறை எச்சரிக்கை செய்துள்ளதாக இந்திய ஊடகம் தினத்தந்தி செய்திவெளியிட்டுள்ளது. 

அந்நாட்டில் 4 நாட்களுக்கு முன், லேசான குண்டுவெடிப்பு நிகழ்ந்தபோதே இந்திய உளவுப்பிரிவு இலங்கையை எச்சரித்ததாக இந்திய ஊடகம் கூறியுள்ளது.
சமயற்கலை நிபுணர் சாந்தா மாயாதுன்னே உயிரிழப்பு

சமயற்கலை நிபுணர் சாந்தா மாயாதுன்னே உயிரிழப்பு




இலங்கையின் பிரபல சமயற்கலை நிபுணர்களில் ஒருவரான சாந்தா மாயாதுன்னே இன்று காலை இடம்பெற்ற குண்டு வெடிப்பில் உயிரிழந்துள்ளார்

கொழும்பு சங்கிரிலா ஹோட்டலில் காலை உணவை உண்ணும்போது, அவரும் அவருடைய மகளும் உயிரிழந்துள்ளதாகவும் அறிய முடிகிறது
பாரிய குண்டு வெடிப்பு சம்பவம்- ACJU கண்டிப்பு

பாரிய குண்டு வெடிப்பு சம்பவம்- ACJU கண்டிப்பு

இன்று நாட்டில் இடம் பெற்ற மனிதாபிமானமற்ற தாக்குதல்களை அகில இலங்கை ஜம்இய்யத்துல் உலமா வன்மையாகக் கண்டிக்கின்றது

இன்றைய தினம் 21.04.2019 நாட்டில் பல இடங்களிலும் அப்பாவி மக்கள் மீது நடாத்தப்பட்ட மனிதாபிமானமற்ற தாக்குதல்களை அகில இலங்கை ஜம்இய்யத்துல் உலமா வன்மையாகக் கண்டிக்கின்றது. கிறிஸ்தவ சகோதரர்களின் முக்கிய தினங்களில் ஒன்றான இன்று அவர்களது மதஸ்தலங்களை இலக்கு வைத்து தாக்கப்பட்டிருப்பதானது எந்தவிதத்திலும் ஏற்க முடியாத ஒன்றாகும்.

இதனால் பாதிக்கப்பட்டவர்களுக்கும் அவர்களின் உறவினர்களுக்கும் எமது ஆழ்ந்த அனுதாபத்தை தெரிவிப்பதுடன் இந்த தாக்குதல்கள் தொடர்பான உரிய நடவடிக்கைகளை அரசாங்கம் மேற்கொண்டு பல்லின மக்கள் வாழும் இந்நாட்டில் இனங்களுக்கிடையிலான ஒற்றுமையையும், புரிந்துணர்வையும் பாதுகாக்க முன்வர வேண்டுமென அகில இலங்கை ஜம்இய்யத்துல் உலமா வலியுறுத்திக் கேட்டுக் கொள்கின்றது.

இத்தருணத்தில் நாட்டு மக்கள் அனைவரும் பாதிக்கப்பட்டவர்களுக்கு தேவையான உதவிகளை வழங்க முன்வருமாறும், குறிப்பாக வைத்திய சாலைகளில் இரத்தப் பற்றாக்குறை நிலவுவதால் தேவையான இடங்களுக்கு இரத்தத்தை தானமாக வழங்க முன்வருமாறும் அனைவரையும் ஜம்இய்யா கேட்டுக் கொள்கின்றது.

அனைத்து மத, சிவில் தலைவர்களும் ஒன்றிணைந்து தத்தம் பிரதேச மக்களை சரியாக வழிநடாத்துவதினூடாக சமூகங்களுக்கிடையிலான இன வாதப் பிரச்சினைகளில் இருந்து எமது நாட்டு மக்களை பாதுகாக்க முன்வருமாறும், சமூக ஊடகங்களில் வலம் வருகின்ற வதந்திகளை பரப்புவதிலிருந்து சகலரும் தவிர்ந்து நடக்குமாறும் அன்பாக வேண்டிக் கொள்கின்றது.

அதே நேரம் அரசாங்கமும் பாதுகாப்புத்துறையும் நாட்டில் உள்ள அனைத்து மதஸ்தலங்களுக்கும் உரிய பாதுகாப்பினை வழங்குமாறும் வேண்டிக் கொள்கின்றது.

முப்தி எம்.ஐ.எம் ரிஸ்வி
கௌரவத் தலைவர்,
அகில இலங்கை ஜம்இய்யத்துல் உலமா
தேவாலயங்கைச் சுற்றி  பாதுகாப்பு பலப்படுத்தப்பட்டுள்ளது

தேவாலயங்கைச் சுற்றி பாதுகாப்பு பலப்படுத்தப்பட்டுள்ளது



நாட்டில் இன்று இடம்பெற்ற தொடர் குண்டு வெடிப்புக்களில் 3 கிறிஸ்தவ தேவாலயங்கள் குறிவைக்கப்பட்டு தாக்குதலுக்குள்ளானது. இதையடுத்து சுமார் 140க்கும் மேற்பட்டவர்கள் உயிரிழந்துள்ளதுடன் பலர் படுகாயமடைந்து வைத்தியசாலையில் சிகிச்சைபெற்று வருகின்றனர்.

இந்நிலையில் நாட்டிலுள்ள பல தேவாலயங்கைச்சுற்றி  பொலிஸார் மற்றும் விசேட அதிரடிப் படையினர் பாதுகாப்புக் கடமையிலீடுபட்டுள்ளனர்.

இதேவேளை கொழும்பு மற்றும் ஏனைய பிரதேசங்களில் இன்று காலை இடம் பெற்ற குண்டு வெடிப்பினை தொடர்ந்து சம்பவம் இடம் பெற்றுள்ள பகுதியில் பாதுகாப்பு பலப்படுத்தப்பட்டுள்ளது.

அத்துடன் பாதுகாப்பு மேலும் வலுப்படுத்தப்பட்டுள்ளதாகவும் அரசாங்க தகவல் திணைக்களம் அறிக்கை வெளியிட்டுள்ளது.குறித்த குண்டு வெடிப்புக்கள் தொடர்பில் பொலிஸார் முன்னெடுக்கின்ற ஆரம்பக்கட்ட விசாரணைகளுக்கு பொதுமக்கள் ஒத்துழைப்பு வழங்குவது அவசியமாகும்.

மேலும் பாதிக்கப்பட்ட மக்கள் போக்குவரத்து நடவடிக்ககைகளில் ஈடுப்படுவதையும் முடிந்த வரையில் குறைத்துக் கொண்டு நிலைமையினை கட்டுப்பாட்டுக்குள் கொண்டு வர முழுயையான ஒத்துழைப்பு வழங்குமாறும் கோரிக்கை விடுக்கப்பட்டுள்ளது.
மட்டக்களப்பு போதனா வைத்தியசாலை விடுத்துள்ள அவசர கோரிக்கை; உடன் விரையுங்கள் மக்களே!

மட்டக்களப்பு போதனா வைத்தியசாலை விடுத்துள்ள அவசர கோரிக்கை; உடன் விரையுங்கள் மக்களே!

மட்டக்களப்பு போதனா வைத்தியசாலை விடுத்துள்ள அவசர கோரிக்கை; உடன் விரையுங்கள் மக்களே!
மட்டக்களப்பு போதனாவைத்தியசாலைக்கு அதிகளவான குருதி தேவையாக உள்ளதால் குருதி கொடையாளர்கள் தயவுசெய்து கவனத்தில் கொள்ளுமாறு கேட்டுக்கொள்ளப்படுகிறது.

இன்றைய குண்டுவெடிப்புச் சம்பவத்தால் பாதிக்கப்பட்ட மக்கள் வைத்தியசாலைகளில் அனுமதிக்கப்பட்டுள்ளதால் மட்டக்களப்பு போதனா வைத்தியசாலையில் குருதிக்கு தட்டுப்பாடு ஏற்பட்டுள்ளது.


இதனால் உடனடியாக மக்கள் அனைவரும் முன்வந்து தேவையான குருதி வகைகளினை வழங்குமாறு கேட்டுக்கொள்ளப்பட்டுள்ளனர்..
மட்டக்களப்பில், வெடிக்காத நிலையில் குண்டு மீட்பு

மட்டக்களப்பில், வெடிக்காத நிலையில் குண்டு மீட்பு

தற்போது மட்டக்களப்பு மரியாள் பேராலயத்தில் வெடிக்காத நிலையில் குண்டொன்று கண்டெடுக்கப்பட்டுள்ளது.

இந்தச் சம்பவம் மட்டக்களப்பில் பெரும் பரபரப்பை ஏற்படுத்தியுள்ளது.

மட்டக்களப்பில் சியோன் தேவாலயத்தில் குண்டு வெடிப்பு நிகழ்ந்துள்ள அதேவேளை மட்டக்களப்பு மரியாள் பேராலயத்தில் வெடிக்காத நிலையில் குண்டொன்று கண்டெடுக்கப்பட்டுள்ளதான தகவல் வெளியிடப்பட்டுள்ளது. இதனால் மேலும் குண்டுவெடிப்புக்கள் நிகழக்கூடும் என மக்கள் மத்தியில் அச்ச நிலை தோன்றியுள்ளது.

இலங்கையில் இன்று உதிர்த்த ஞாயிறு எனப்படும் ஈஸ்ரர் பெருநாள் கொண்டாடப்பட்டுவருகின்றது. இதற்கென இன்று அதிகாலையே தேவாலயங்களில் சிறப்பு வழிபாடுகள் ஆரம்பமாகியிருந்தன. ஒவ்வொரு தேவாயலத்திலும் ஆயிரக்கணக்கான மக்கள் ஒன்றுகூடியிருந்தனர்.இந்நிலையிலேயே இக் குண்டுவெடிப்புச் சம்பவங்கள் நிகழ்ந்துள்ளன.

ஐபிசி
புகையிரத மற்றும் பேரூந்துகளில் பொதிகளை கொண்டு செல்வதற்கு தடை #EasterSundayAttacksLK

புகையிரத மற்றும் பேரூந்துகளில் பொதிகளை கொண்டு செல்வதற்கு தடை #EasterSundayAttacksLK

நாட்டில் இடம்பெற்ற குண்டு வெடிப்பு சம்பவத்தைத் தொடர்ந்து, பொதுச் சேவைகளான புகையிரத மற்றும் பேரூந்துகளில் பொதிகளை கொண்டு செல்வதற்கு தடை விதிக்கப்பட்டுள்ளதாக பாதுகாப்பு பிரிவு தெரிவித்துள்ளது.

விமான நிலையத்திற்கு  செல்ல அனுமதி இல்லை

விமான நிலையத்திற்கு செல்ல அனுமதி இல்லை

வெளிநாடு செல்ல கட்டுநாயக்க விமான நிலையத்திற்கு வருகை தரும் பயணிகள் 4 மணி நேரத்திற்கு முன்னர் விமான நிலையத்திற்கு வருமாறு அறிவுறுத்தப்பட்டுள்ளது. 

அத்துடன் பயணிகள் தவிர்ந்த பார்வையாளர்களுக்கு விமான நிலையத்திற்குள் செல்ல அனுமதி வழங்கப்பட மாட்டாது என தெரிவிக்கப்படுகின்றது.

வீட்டை விட்டு வெளியேறுவதையும் தவிர்த்துகொள்க -பொலிஸ் #EasterSundayAttacksLK

வீட்டை விட்டு வெளியேறுவதையும் தவிர்த்துகொள்க -பொலிஸ் #EasterSundayAttacksLK



சிறிலங்கா தலைநகர் கொழும்பிலும் வெளிஇடங்களிலும் இன்றைய தினம் இடம்பெற்ற குண்டுத் தாக்குதல்களை அடுத்து குண்டு வெடிப்புக்கள் இடம்பெற்ற இடங்கள் மற்றும் அந்த சம்பவங்களில் காயமடைந்தவர்கள் அனுமதிக்கப்பட்டுள்ள வைத்தியசாலைகள் அமைந்துள்ள பகுதிகளிலல் ஒன்று திரள்வதை பொது மக்கள் தவிர்த்துக்கொள்ளுமாறு பொலிசார் வேண்டுகோள் விடுத்துள்ளனர்.

இன்றைய தினம் ஒரே நேரத்தில் கத்தோலிக்க தேவாலயங்கள் மற்றும் சட்சத்திர விடுதிகளை இலக்கு வைத்து நடத்தப்பட்ட தாக்குதல்களின் பின்னணி தொடர்பில் இன்னும்  தௌpவில்லாத நிலையில் மக்கள் ஒன்று திரளும் இடங்கள் மீதும் தாக்குதல்கள் நடத்தப்படலாம் என்ற அச்சம் காரணமாவே மக்கள் அந்த இடங்களில் திரள வேண்டாம் எனபொலிசார் அறிவூறுத்தியூள்ளனர்.

அத்துடன் முடிந்தவரையில் மிக மிக அத்தியவசிய தேவைகள் இன்றி வீட்டை விட்டு வெளியேறுவதையும் தவிர்த்துக்கொள்ளுமாறும் பொலிசார் மக்களிடம் கேட்க்கொண்டுள்ளனர்.

இன்றைய தினம் இடம்பெற்ற தாக்குதல்களில் 100 மேற்பட்டோர் உயிரிழந்திருப்பதுடன் 250 க்கும் அதிகமானோர் வைத்தியசாலைகளில் அனுமதிக்கப்பட்டுள்ளமை குறிப்பிடத்தக்கது.
இலங்கையில் அனைத்து பாடசாலைக்கும் அவசர விடுமுறை

இலங்கையில் அனைத்து பாடசாலைக்கும் அவசர விடுமுறை

இலங்கையில் ஏற்பட்ட குண்டு வெடிப்பு காரணமாக நாளை மற்றும் நாளை மறுதினம் அனைத்து பாடசாலைகளுக்கும் விடுமுறை வழங்கப்பட்டுள்ளதாக கல்வி அமைச்சர் அகில விராஜ் காரியவசம் தெரிவித்துள்ளார்.


இலங்கை குண்டு வெடிப்பு : பலி 138 , 402 பேர் வைத்தியசாலையில்

இலங்கை குண்டு வெடிப்பு : பலி 138 , 402 பேர் வைத்தியசாலையில்

நாட்டின் பல்வேறு பகுதிகளில் இடம்பெற்ற குண்டு வெடிப்புக்களில் உயிரிழந்தவர்களின் எண்ணிக்கை 138 ஆக அதிகரித்துள்ளது. 

அத்துடன் 402 இற்கும் மேற்பட்டோர் வைத்தியசாலைகளில் அனுமதிக்கப்பட்டுள்ளதாக தெரிவிக்கப்படுகின்றது.

Apr 17, 2019

வருட இறுதியில் ஜனாதிபதி தேர்தல்!

வருட இறுதியில் ஜனாதிபதி தேர்தல்!

ஜனாதிபதி தேர்தல் இந்த வருடத்தின் இறுதியில் நிச்சயமாக நடைபெறும். ஆனால் அதற்கு முன்னர் மாகாண சபைகளுக்கான தேர்தலை நடத்தவேண்டியுள்ளதை அனைவரும் நினைவில் கொள்ள வேண்டும். மாகாண சபைகளுக்கான எல்லை நிர்ணயத்துக்கும் தேர்தல் முறைமை குறித்தும் சகல கட்சிகளும் பொதுவான தீர்வினை பெற்றுக் கொடுக்குமாக இருந்தால் ஜனாதிபதி தேர்தலுக்கு முன்னர் மாகாண சபைகளுக்கான தேர்தல் குறித்து அரசாங்கம் கவனம் செலுத்துமென மகாவலி அபிவிருத்தி மற்றும் சுற்றாடல் இராஜாங்க அமைச்சர் அஜித் மன்னப்பெரும தெரிவித்தார்.


மாகாண சபைத்தேர்தல் மற்றும் தேர்தல்களை உரிய காலத்தில் நடத்துவது தொடர்பில் எழுந்துள்ள சிக்கல் நிலைமைகள் குறித்தும், இந்த தேர்தல்களை நடத்துவது தொடர்பில் அரசாங்கத்தின் நிலைப்பாடு தொடர்பிலும் வினவிய போதே அவர் இதனை குறிப்பிட்டார்.

இது குறித்து அவர் மேலும் குறிப்பிடுகையில், இந்த ஆண்டின் இறுதியில் நிச்சயமாக ஜனாதிபதி தேர்தல் நடத்தப்படும். அதற்கான உரிய காலமும் உறுதிப்படுத்தப்பட்டுள்ளது. எனவே ஜனாதிபதித் தேர்தலில் இருந்து தப்பிக்கவோ அல்லது தேர்தலை உரிய காலத்தில் நடத்துவதை தடுத்து நிறுத்தவோ எவராலும் முடியாது.

இதேவேளை, ஜனாதிபதித் தேர்தலுக்கு முன்னர் மாகாண சபைத் தேர்தலை நடத்த வேண்டியுள்ளதை மறந்துவிடக் கூடாது. ஜனாதிபதி தேர்தலுக்கு முன்னர் மாகாண சபைகளுக்கான தேர்தலை உரிய காலத்தில் நடத்துவதே அரசாங்கத்தின் எதிர்பார்பார்ப்பாக காணப்படுகின்றது. ஐக்கிய தேசிய கட்சியும் இந்த நிலைப்பாட்டிலேயே உள்ளது.

ஸ்ரீ லங்கா சுதந்திரக் கட்சியுடனான தேசிய அரசாங்கத்தின் போதும் மாகாண சபை தேர்தலை நடத்துவதற்கான சகல கட்சிகளுடன் பேச்சுவார்த்தைகள் நடத்தப்பட்ட போதிலும் ஒவ்வொரு தரப்பினரும் வெவ்வேறான கருத்துக்களை வெளியிட்டு வந்த நிலையில் எல்லை நிர்ணய அறிக்கை மற்றும் தேர்தல்முறை தொடர்பிலும் எவரும் பொது உடன்பாட்டுக்கு வரவில்லை.
இவ்வாறான நிலையிலேயே அரசியல் நெருக்கடி உருவாகியது. அரசியல் நெருக்கடி நிலைமையின் பின்னர் மாகாண சபைத் தேர்தல் தொடர்பான பேச்சுவார்த்தைகள் தடைப்பட்டு போயிருந்தன. இருப்பினும் தற்போது ஜனாதிபதித் தேர்தலையும் உடனடியாக நடத்த வேண்டியது அவசியமாகும்.
ஜனாதிபதித் தேர்தலுக்கு முன்னரோ அல்லது தேர்தலின் பின்னரோ மாகாண சபைகளுக்கான தேர்தல் இடம்பெறுமாக இருந்தால் அது நிச்சயமாக புதிய முறையில் நடத்தப்பட வேண்டும்.

காரணம் கடந்த உள்ளூராட்சி மன்றங்களுக்கான தேர்தல் புதிய தேர்தல் முறைமைக்கு அமைவாக நடத்தப்பட்டமையினால் உள்ளூராட்சிமன்றங்களின் உறுப்பினர்களின் அதிகரிப்புடன் செலவுகளும் பிரச்சினைகளும் அதிகரித்திருந்தன. இந்த நிலைக்கு எதிர்வரும் மாகாண சபைகளுக்கான தேர்தலின் போது இடமளிக்க முடியாது. ஆகவே தற்போது நடைமுறையில் உள்ள புதிய கலப்பு முறைக்கு மாறாக பழைய விகிதாசார தேர்தல் முறையிலோ அல்லது மாற்று தேர்தல் முறையினூடாகவோ மாகாண சபைகளுக்கான தேர்தலை நடத்த வேண்டும்.

தேர்தலை முறைமையை போன்ற எல்லை நிர்ணய அறிக்கைக்கும் சகல தரப்பினரும் தமது ஒத்துழைப்பினை வழங்கவேண்டும். மாகாண சபைத் தேர்தல் தொடர்பான பேச்சுவார்த்தைகள் சகல கட்சிகளுடனும் இடம்பெற்றே வருகின்றன. அதேபோன்று கடந்த அரசாங்கம் மாகாண சபைகளுக்கான தேர்தலை பகுதியளவில் நடத்தியதால் அரசாங்கத்தின் செலவுகளும் அதிகரித்திருந்தன. தற்போதைய நிலைமைகளுக்கு தேர்தலுக்களுக்கான செலவினை கட்டுபடுத்தி பிரச்சினைகளுக்கு தீர்வினை காணக்கூடிய தேர்தலை முதலில் நடத்த வேண்டி அவசியமும் அரசாங்கத்துக்கு உள்ளது.
அதேபோன்று கடந்த காலங்களில் ஒன்பது மாகாணங்களுக்குமான தேர்தலை ஒரே தினத்தில் நடத்தும் நிலைப்பாடும் காணப்பட்டது. அவ்வாறு ஒரே சந்தர்ப்பத்தில் ஒன்பது மாகாண சபைகளுக்குமான தேர்தல் இடம்பெற வேண்டுமாயின் தேர்தல் முறைமை குறித்து இறுதித் தீர்மானம் கிடைக்க வேண்டும். அதன் பின்னரே ஒன்பது மாகாணங்களுக்குமான தேர்தல் எவ்வாறு நடத்துவது தொடர்பிலும் நடத்தும் தினம் தொடர்பிலும் இறுதி தீர்மானத்தை வழங்க முடியும் என்றார்.
மகளின் தாக்குதலில் தாய் பலி; தந்தை காயம்!

மகளின் தாக்குதலில் தாய் பலி; தந்தை காயம்!


மகளின் தாக்குதலில் தாய் பலி; தந்தை காயம்

கஹவத்தை, மடலகம பிரதேசத்தில் யுவதி ஒருவர் மேற்கொண்ட தாக்குதலில் தாய் ஒருவர் உயிரிழந்துள்ளதுடன், தந்தை காயமடைந்துள்ளார். 

தாய் மற்றும் தந்தை மீது இவ்வாறு தாக்குதல் நடத்தியுள்ளதுடன், இருவரும் படுகாயமடைந்த நிலையில் கஹவத்தை வைத்தியசாலையில் அனுமதிக்கப்பட்ட பின்னர் தாய் உயிரிழந்துள்ளதாக தெரிவிக்கப்படுகிறது. 

கஹவத்தை பிரதேசத்தைச் சேர்ந்த 52 வயதுடைய பெண் ஒருவரே இவ்வாறு உயிரிழந்துள்ளார். 

சம்பவத்துடன் தொடர்புடைய யுவதி கைது செய்யப்பட்டுள்ளதுடன், யுவதிக்கு மனநிலை பாதிக்கப்பட்டிருப்பதாக பொலிஸார் தெரிவித்துள்ளனர்.
நண்பர்களுக்கிடையில் எமனாக வந்த காதல் - தோற்றுப்போன மனிதாபிமானம்!

நண்பர்களுக்கிடையில் எமனாக வந்த காதல் - தோற்றுப்போன மனிதாபிமானம்!

ஒரு பெண்ணை நண்பர்கள் இருவர் காதலித்ததன் விளைவாக ஒரு இளைஞன் மற்றுமொறு இளைஞனின் கழுத்தை அறுத்து கொலை செய்துள்ளார். 

திருகோணமலை நீதிமன்ற வீதியைச் சேர்ந்த தனுஷ்ஷன் என்ற 20 வயதுடைய இளைஞனே இவ்வாறு கொலை செய்யப்பட்டுள்ளான். 

இந்த சம்பவம் இன்று காலை 9.40 மணியளவில் திருகோணமலை டொக்யார்ட் வீதியில் இடம்பெற்றுள்ளதாக தெரிவிக்கப்படுகின்றது. 

கொல்லப்பட்ட தனுஷ்ஷன் என்ற இளைஞன் இன்று காலை தமது வீட்டில் இருந்த சந்தர்ப்பத்தில் அவரது நண்பரான நெவில் வீதியில் வசிக்கும் பானுதீன் டேனியல் என்ற சந்தேக நபர் வீட்டுக்கு தேடித் சென்று வெளியில் சென்று வருவோம் என அழைத்துள்ளார். 

தனுஷ்ஷன் தனது மோட்டார் சைக்கிளில் காற்று இல்லை என கூற டேனியல் தனது மோட்டார் சைக்கிளில் வருமாறு அழைத்து சென்றுள்ளார். 

கொலை செய்யப்பட்ட தனுஷ்ஷனே மோட்டார் சைக்கிளை செலுத்தியுள்ளதாக தெரிவிக்கப்படுகின்றது. 

இலங்கை கடற்படை தளத்திற்கு முன்னாள் உள்ள டொக்யார்ட் வீதியால் சென்று அவ்விடத்தில் உள்ள முச்சக்கர வண்டி நிறுத்தும் இடத்தில் மோட்டார் சைக்கிளை நிறுத்தக் தணுஷ்க்ஷனிடம் கோரி அவரின் கழுத்தினை அறுத்துள்ளார். 

கழுத்து வெட்டப்பட்ட நிலையில் முச்சக்கர வண்டி நிறுத்திடுமிடத்தில் உள்ளவர்களிடம் உதவி கோரிய போதும் அங்கு உள்ளவர்கள் யாரும் உதவிட முன்வராத நிலையில் கடற்படை தளத்திற்குள் சென்று உதவி கோரிய நிலையில் அவர்களால் வைத்தியசாலையில் அனுமதிக்கப்பட்ட பின்னர் தனுஷ்ஷன் உயிரிழந்துள்ளார். 

சந்தேகநபர் இக்கொலையை புரிந்த பின்னர் கத்தியுடன் தமது வீட்டிற்கு சென்று தான் செய்ததை தனத பெற்றோரிடம் கூறியுள்ளார். 

பின்னர் குறித்த நபர் தனது பெற்றோருடன் கொலைக்கு பயன்படுத்திய கத்தியையும் எடுத்துச் சென்று துறைமுக பொலிஸில் சரணடைந்துள்ளார். 

தன்னுடைய காதலியை தனுஷ்ஷன் என்பரும் காதல் செய்ததாகவும் அதற்காகவே அவரை கொலை செய்ததாக டேனியல் பொலிஸாரிடம் வாக்குமூலம் வழங்கியுள்ளார். 

சம்பவம் தொடர்பில் துறைமுக பொலிஸார் மேலதிக விசாரணைகளை மேற்கொண்டு வருகின்றனர்.

Apr 16, 2019

கொலை விவகாரம் : கோத்தபாவுக்கு பதிலளிக்க 29 ஆம் திகதி வரை கால அவகாசம்

கொலை விவகாரம் : கோத்தபாவுக்கு பதிலளிக்க 29 ஆம் திகதி வரை கால அவகாசம்

ஊடகவியலாளர் லசந்த விக்ரமதுங்க கொலை செய்யப்பட்ட சம்பவம் தொடர்பாக முன்னாள் பாதுகாப்புச் செயலாளர் கோத்தபாய ராஜபக்சவிடம் இழப்பீடு கோரி அமெரிக்க நீதிமன்றத்தில் வழக்கு தொடரப்பட்டுள்ளதை நீதி மற்றும் பொறுப்புக் கூறலுக்கான நிலையம் உறுதிப்படுத்தியுள்ளது.

கடந்த 7 ஆம் திகதி கலிபோர்னியா மாநிலத்தில் லொஸ் ஏஞ்சலிஸ் மாவட்ட நீதிமன்றத்தில் இந்த வழக்கு தொடரப்பட்டதாகவும் குற்றம் சுமத்தப்பட்டுள்ளவரிடம் அதனை உரிய முறையில் அறிவித்துள்ளதாகவும் நீதி மற்றும் பொறுப்புக் கூறலுக்கான நிலையம் வெளியிட்டுள்ள அறிக்கையில் தெரிவித்துள்ளது.

இந்த குற்றச்சாட்டு சம்பந்தமான பிரதிவாதியான கோத்தபா ராஜபக்ச பதிலளிக்க எதிர்வரும் 29 ஆம் திகதி காலஅவகாசம் வழங்கப்பட்டுள்ளது. அமெரிக்காவில் இரண்டு சமஸ்டி சட்டங்கள் இருக்கின்றன. வெளிநாட்டில் சேதத்தை ஏற்படுத்திய குற்றம் மற்றும் சித்திரவதைகளுக்கு உள்ளானவர்களை பாதுகாக்கும் சட்டத்தின் கீழ் இந்த வழக்கு தொடரப்பட்டுள்ளது.

வழக்கில் சுமத்தப்பட்டுள்ள குற்றச்சாட்டை ஏற்றுக்கொள்ளவோ, மறுக்கவோ அல்லது வழக்கை தள்ளுபடி செய்யுமாறு மனுவொன்றை தாக்கல் செய்ய பிரதிவாதி தரப்புக்கு சந்தர்ப்பம் இருக்கின்றது.

ஒரு விதத்தில் அவர் பதிலளிக்கவில்லை என்றால், பிரதிவாதியின்றியே வழக்கை விசாரிக்க முடியும்.குற்றவியல் வழக்கு போன்று இந்த வழக்கில் எவருக்கும் சிறைத்தண்டனை வழங்கப்படாது,

எனினும் நிதி இழப்பீட்டை பெற்றுக்கொள்ள முடியும் என நீதி மற்றும் பொறுப்புக் கூறலுக்கான நிலையம் குறிப்பிட்டுள்ளார்.
பிரதமர் பதவி “ஐயோ கடவுளே எனக்கு வேண்டாம்”  : மகிந்த

பிரதமர் பதவி “ஐயோ கடவுளே எனக்கு வேண்டாம்” : மகிந்த



பொதுத் தேர்தலின்றி மீண்டும் பிரதமர் பதவியை ஒருபோதும் பெற்றுக்கொள்ளப் போவதில்லை என எதிர்க்கட்சித் தலைவர் மஹிந்த ராஜபக்ச தெரிவித்துளளார்.

தங்காலை கால்டன் வீட்டிற்கு வந்த விருந்தினர்களுடன் இடம்பெற்ற கலந்துரையாடலின் போதே அவர் இதனை குறிப்பிட்டுள்ளார்.இந்த நாட்களில் ஆட்சி மாற்றம் தொடர்பில் இடம்பெறும் கலந்துரையாடல்கள் குறித்து ஊடகங்களில் பல்வேறு செய்திகள் வெளியாகின்றது.

பிரதமர் பதவிகள் ஏற்றுக் கொள்வீர்களா என அங்கிருந்தவர்கள் மஹிந்தவிடம் வினவிய போது “ஐயோ கடவுளே எனக்கு வேண்டாம்” என மஹிந்த குறிப்பிட்டுள்ளார்.

எனினும் கடந்த ஒக்டோபர் மாதம் 26ஆம் திகதி பிரதமர் பதவியை ஏற்றுக்கொண்டமையினால் தனக்கு பாரிய மக்கள் கூட்டம் கிடைத்துள்ளதாகவும், பொதுத் தேர்தல் மீண்டும் பிரதமராகுவதாகவும் அவர் மேலும் தெரிவித்துள்ளார்.
ஜெருஸலேம் அல் அக்ஸா பள்ளிவாசலில் தீ

ஜெருஸலேம் அல் அக்ஸா பள்ளிவாசலில் தீ

ஜெருஸலேம் நகரிலுள்ள வரலாற்று முக்கியத்தும் வாய்ந்த அல் அக்ஸா பள்ளிவாசலில் நேற்று தீ பரவியது.

இஸ்லாமியர்களின் புனிதத் தலங்களில் ஒன்றாக அல் அக்ஸா பள்ளிவாசல் விளங்குகின்றமை குறிப்பிடத்தக்கது.

இப்பள்ளிவாசலின் தொழுகை அறையொன்றின் கூரையில் இத் தீ பரவ ஆரம்பித்தது. எனினும், ஜெருஸலேம் இஸ்லாமிய வக்ப் தீயணைப்புப் படையினர் இத்தீயை வெற்றிகரமாக அணைத்தனர் என அறிவிக்கப்பட்டுள்ளது.
வில்பத்துவை வைத்து சிங்களவர்கள் இனவாதம் செய்யாதீர்கள் - வடக்கு தேரர்கள்

வில்பத்துவை வைத்து சிங்களவர்கள் இனவாதம் செய்யாதீர்கள் - வடக்கு தேரர்கள்

வில்பத்து வனப்பாதுகாப்பு மற்றும் அதனை அண்டிய பகுதிகளில் அரச அபிவிருத்தி நடவடிக்கைகள் தொடர்பில் தெற்கில் சில தரப்பினரால் முன்னெடுக்கப்படும் பிரச்சாரங்களால் மீளவும் இனவாதம் தலைதூக்கும் அவதானம் நிலவுவதாகவும், அவற்றினை உடனடியாக நிறுத்துமாறும் வடக்கின் தேரர்கள் கோரிக்கை விடுத்துள்ளனர்.

வவுனியா, ஸ்ரீ போதிதக்ஷினாராம இல் வடக்கு மற்றும் கிழக்கு மாகாணங்களின் பிரதான தலைமைத் தேரர் வண. சியம்பலகஸ்வெவ விமலசர தேரர் தலைமையில் இடம்பெற்ற ஊடக சந்திப்பிலேயே மேற்கண்டவாறு தேரர்கள் கோரிக்கை விடுத்துள்ளனர்.

இதன்போது கருத்துத் தெரிவித்த வண. சியம்பலகஸ்வெவ விமலசர தேரர்;

“..குறுகிய கால அரசியல் மற்றும் தனிப்பட்ட தேவைகள் ஆகியவற்றுக்காக தெற்கில் உள்ள சில தரப்பினரால் வில்பத்து காடு தொடர்பில் கடந்த காலம் பற்றிய அறியாமையினால் நிபந்தனையற்ற குற்றச்சாட்டுக்கள் முன்வைக்கப்பட்டு நாட்டில் தேவையற்ற குழப்ப நிலையினை ஏற்படுத்த முயல்கின்றனர்.

வில்பத்து வனப்பகுதி அருகில் குடியிருந்த மக்கள் சுமார் 30 வருடங்களுக்கு முன்னர் தமது குடியிருப்புக்களை விட்டும் விலகி சென்றது யுத்தம் காரணமாகவே.. யுத்தம் நிறைவுக்கு வந்ததும் தமது குடியிருப்புக்களுக்கு திரும்பும் போது காட்டினை சுத்தம் செய்ய வேண்டியது அவசியமே.. மற்றைய காரணம் தான், அன்று சென்ற மக்களை விட தற்போது இருக்கும் மக்கள் எண்ணிக்கையில் அதிகரிப்புதான்.. அது வழக்கத்திற்கு மாறானது அல்ல..

அவர்களது குழந்தைகள், பேரப்பிள்ளைகள் என பரம்பரை உள்ளது.. அவர்களை குடியமர்த்த வேண்டும். அதுவே அரசாங்கத்தின் உதவியின் கீழ் இடம்பெற்ற இந்த மீள்குடியேற்றமாகும்..

இவ்வாறு குடியேறிய மக்களது பொருளாதார நடவடிக்கைகளை கருத்திற் கொண்டுதான் அரசாங்கம் குறித்த பிரதேசங்களில் அபிவிருத்தி நடவடிக்கைகளை முன்னெடுத்திருந்தது.

இந்நடவடிக்கைகளை அனைவரும் மனிதாபிமானத்துடன் நோக்க வேண்டும். இப்பிரதேச மக்கள் படும் துன்பங்களை ஆராய்ந்த பின்னர் குற்றச்சாட்டுக்களை முன்வைக்க வேண்டும். அவ்வாறு இல்லாது, வேறு அணுகுமுறைகளில் நோக்கினால் அது இனவாதத்தில் தான் பயணிக்கும்.. இது தொடர்பில் நாட்டின் தலைமைகள் தங்களது அவதானத்தினை செலுத்த வேண்டும்..” என தெரிவித்திருந்தார்.

மேலும், குறித்த சந்திப்பில் வெலிஓய கிரிஇப்பன்வெவ விகாராதிபதி வண.பொலன்னறுவே விஜிதாலங்கார தேரர் உள்ளிட்ட தேரர்கள் குழுவும், வட.மாகாண சபையின் முன்னாள் மாகாண சபை உறுப்பினர் வி.ஜயதிலக உள்ளிட்டோர் கலந்து கொண்டு கருத்துத் தெரிவிக்கையில், வில்பத்து வனப்பாதுகாப்பு எனும் பெயரில் முன்னெடுக்கப்படும் இனவாத பிரச்சாரங்களை முழுமையாக நிறுத்த அனைவரும் ஒன்றிணைய வேண்டும் என கோரிக்கை விடுத்திருந்தமையும் குறிப்பிடத்தக்கது.

– வன்னி. ரொமேஷ் மதுஷங்க
தமிழில் – R.Rishma
ஜனாதிபதி இன்று திருப்பதிக்கு பயணம்!

ஜனாதிபதி இன்று திருப்பதிக்கு பயணம்!

ஜனாதிபதி மைத்திரிபால சிறிசேன உட்பட குழுவினர் இன்று (16) காலை 7.40 மணியளவில் இந்தியாவின் ஹைதராபாத் நகரிற்கு சென்றுள்ளனர். 

ஶ்ரீலங்கன் விமான சேவைக்கு சொந்தமான UL 177 என்ற விமானத்தில் அவர்கள் இந்தியாவிற்கு சென்றுள்ளனர். 

திருப்பதி தரிசன்ததிற்காகவே அவர் இந்தியா சென்றுள்ளதாக விமான நிலைய வட்டாரங்கள் தெரிவிக்கின்றன.

கோட்டா இல்லாட்டி குமார வெல்கம...!

கோட்டா இல்லாட்டி குமார வெல்கம...!



தேர்தலில் கோத்தாபய ராஜபக்ச போட்டியிட முடியாத நிலை ஏற்பட்டால், குமார வெல்கமவை சிறிலங்கா பொதுஜன பெரமுனவின் சார்பில் போட்டியில் நிறுத்துவது குறித்து பேச்சுக்கள் நடத்தப்பட்டு வருவதாக ஆங்கில ஊடகம் ஒன்று செய்தி வெளியிட்டுள்ளது. மைத்திரிபால சிறிசேன மீண்டும் அதிபர் தேர்தலில் போட்டியிட்டால், சிறிலங்கா பொதுஜன பெரமுன தனித்துப் போட்டியிட வேண்டும் என்று அந்தக் கட்சியின் ஒரு பகுதியினர் கருதுகின்றனர்.

பொதுவேட்பாளராக குமார வெல்கமவை நிறுத்த வேண்டும் என்றுபொதுஜன பெரமுன தலைவர்கள் கருத்து வெளியிட்டுள்ளனர்.விரைவில் கூட்டு எதிரணி தலைவர்கள் இதுபற்றி சிறிலங்கா அதிபருடன் கலந்துரையாடவுள்ளனர் என்றும் கூறப்படுகிறது. 

அதேவேளை, குமார வெல்கமவும், ராஜபக்ச குடும்பத்தின் உறவினர் தான் எனவும் அந்தச் செய்தியில் கூறப்பட்டுள்ளது.