![அரசாங்கத்திற்கு எதிராக நாமும் வீதிக்கிறங்க நேரிடும் – முருந்தெட்டுவே ஆனந்த தேரர்](https://blogger.googleusercontent.com/img/b/R29vZ2xl/AVvXsEgjOoswMYmhvoFPa82JZ6MsT7jBoVr4z5SaKEwoQZ5z5PJ3N4bakiJHw9rZoP-pxV_PTq38VNpPRMWQQBH-qlwrvVDwcXLqLYFhJOakYFi56gtZJk7xVEutZ91vGDpxb_SK52eDBmv8Xua8zNmruXiDFAT5DLfEHbLHgK04epPJeSRV-s6NW075Wg/w700/IMG-20220327-WA0026.jpg)
அரசாங்கத்திற்கு எதிராக நாமும் வீதிக்கிறங்க நேரிடும் – முருந்தெட்டுவே ஆனந்த தேரர்
ஒட்டுமொத்த நாட்டு மக்களும் அரசாங்கத்தை கடுமையாக விமர்சிக்கிறார்கள். நாட்டின் தற்போதைய நிலைமை குறித்து பிரதமர் மஹிந்த ராஜபக்ஷ அதிக கவனம் செலுத்த வேண்டும்.
அரசாங்கம் முறையாக செயற்படாவிடின் அரசாங்கத்திற்கு எதிராக நாமும் வீதிக்கிறங்க நேரிடும். எதிர்வரும் 31 ஆம் திகதி மகாசங்கத்தினரை ஒன்றிணைந்து உறுதியான தீர்மானத்தை அறிவிப்போம் என அபயராம விகாரையின் விகாராதிபதி முருந்தெட்டுவே ஆனந்த தேரர் தெரிவித்தார்.
அவர் மேலும் குறிப்பிடுகையில்,
நிதியமைச்சர் பஷில் ராஜபக்ஷ மீது மக்கள் மத்தியில் நல்ல நிலைப்பாடு கிடையாது. அவரை 6 மாத காலத்திற்கு அமைச்சு பதவியில் இருந்து விலக்கி வைக்குமாறு ஏற்கெனவே வலியுறுத்தினோம். ஒன்று அவரை பதவி நீக்க வேண்டும் அல்லது அவருக்கு பிறிதொரு அமைச்சு பதவியினை வழங்க வேண்டும்.
மகாசங்கத்தினரும் அரசாங்கத்தின் செயற்பாடு குறித்து அதிருப்தியடைந்துள்ளார்கள். 31ஆம் திகதி எமது அடுத்தக்கட்ட நடவடிக்கைகள் குறித்து பல விடயங்களை பகிரங்கப்படுத்துவோம்.நாட்டின் எதிர்காலத்தை கருத்திற்கொண்டு சிறந்த தீர்மானங்களை முன்னெடுப்போம் என்றார்.
0 Comments: