Mar 30, 2018

මෛත්‍රී ජනපති අපේක්ෂකත්වයට දැම්මේ එජාපයට දිනන්න බැරි නිසයි.. එජාපය අද මල් කඩන්නේ මෛත්‍රී නිසයි


එදා එක්‌සත් ජාතික පක්‌ෂය මෛත්‍රිපාල සිරිසේන මහතාව ජනපති අපේක්‌ෂක ලෙස නම් කළේ එම පක්‌ෂයට දිනීමට හැකි අපේක්‌ෂකයකු නොවූ නිසා මිස ඒ මහතාට ඇති ආදරය නිසා නොවන බව පළාත් පාලන හා පළාත් සභා ඇමැති ෆයිසර් මුස්‌තාපා මහතා පැවසීය.
අද එක්‌සත් ජාතික පක්‌ෂයට මල් නෙළන්න හැකි වූයේ මෛත්‍රිපාල සිරිසේන මහතා ජනාධිපති ලෙස එදා ජයග්‍රහණය කළ නිසා යෑයි ද ඊයේ (29දා) ශ්‍රීලනිප මූලස්‌ථානයේ පැවැති මාධ්‍ය හමුවේදී පැවසීය.
ජනාධිපතිවරණය අවසන් වී කෙටි කාලයකින් මහ මැතිවරණය පැවැත්වූ අවස්‌ථාවේදී එජාපයට බහුතරය ලබා ගැනීමට නොහැකි වූ බවද ඒ නිසා සම්මුති ආණ්‌ඩුව ගොඩනැඟූ බවද හෙතෙම කීය. යම්හෙයිකින් 113 ක්‌ ගත්තේ නම් තනි ආණ්‌ඩුවක්‌ බිහි වන බවද සත්‍ය එය බවද හෙතෙම කීය.
එජාපයට අපේක්‌ෂකයකු ජනාධිපතිවරණයට ඉදිරිපත් කළ නොහැකි යෑයිද වරක්‌ සරත් ෆොන්සේකා මහතා ඉදිරිපත් කර කෙළවා ගත්තා යෑයිද ඇමැතිවරයා කියා සිටියේය.

SHARE THIS

Author:

If you have any problems or have comments or suggestions for improving our web, please contact ceylonmuslim24@gmail.com we will do our best to assist you | Chief Edito, CeylonMuslim Media Network