மாகாண சபைத் தேர்தல் முறை முஸ்லிம்களுக்கு அநீதி எனின் சுட்டிக்காட்டலாம்

மாகாண சபைத் தேர்தல் தொகுதி எல்லை நிர்­ணயம் எந்­த­வொரு சமூ­கத்­துக்கும் அநீ­தி­யாக செய்­யப்­ப­ட­வில்லை. சட்­ட­வ­ரம்­பு­க­ளுக்கு உட்­பட்டே எல்லை நிர்­ணயம் செய்­யப்­பட்­டுள்­ளது.

முஸ்லிம் மற்றும் மலை­யக சமூ­கங்கள் தமக்கு அநீதி இழைக்­கப்­பட்­டுள்­ள­தெனக் கரு­தினால் தவ­று­களை மீளாய்வு குழு­வுக்கு சுட்­டிக்­காட்டி திருத்திக் கொள்­ளலாம் என மாகாண சபைத் தேர்தல் தொகுதி எல்லை நிர்­ணய ஆணைக்­கு­ழுவின் தலைவர் கலா­நிதி கே.தவ­லிங்கம் ‘விடி­வெள்ளி’ க்குத் தெரிவித்தார். மாகாண சபைத் தேர்தல் தொகுதி எல்லை நிர்­ண­யத்தில் முஸ்லிம் சமூ­கத்­துக்கு அநீதி இழைக்­கப்­பட்­டுள்­ள­தென முஸ்லிம் அர­சியல் தலை­வர்கள் குற்றம் சுமத்­து­வது தொடர்பில் வின­வி­ய­போதே அவர் இவ்­வாறு கூறினார்.  அவர் தொடர்ந்தும் கருத்து தெரி­விக்­கையில்;

 “எந்­த­வொரு சமூகம் தமக்கு அநீதி இழைக்­கப்­பட்­டுள்­ள­தென சுட்டிக் காட்­டினால் எல்லை நிர்­ணயம் தொடர்­பான மீளாய்­வுக்­குழு அது தொடர்பில்  ஆராய்ந்து விரை­வான தீர்­வு­களைப் பெற்­றுக்­கொ­டுக்கும் மாகாண சபைத் தேர்தல் தொகுதி எல்லை நிர்­ண­யத்தின் போது சட்­ட­வ­ரம்­புகள் பேணப்­பட்­டுள்­ளன.

சில பிர­தே­சங்­களில் பாரிய நிலப்­ப­ரப்பில் முஸ்லிம்கள் இடைக்­கிடை பரந்து வாழ்­வதால் சன­ப­ரம்பல் அடிப்­ப­டையில் எல்லை நிர்­ணயம் செய்­வதில் சிக்­கல்கள் உரு­வா­கின.

மாகாண சபைத் தேர்­தலை நடத்­துதல் மற்றும் உரிய எல்லை நிர்­ணய அறிக்கை தொடர்­பாக மீளாய்வு செய்­வ­தற்கு மீளாய்வுக் குழு­வொன்று நிய­மிக்­கப்­பட்­டுள்­ளது. இக்­கு­ழுவில் என்­னையும் தேர்­தல்கள் ஆணைக்­கு­ழுவின் தலைவர் மஹிந்த தேசப்­பி­ரி­ய­வையும் நிய­மித்­தி­ருக்­கி­றார்கள்.

ஆனால், இக்­கு­ழுவில் எங்­களின் கட­மைகள் என்ன? நாங்கள் என்ன பணி­களைச் செய்ய வேண்டும் என்­பது பற்றி தெரி­விக்­கப்­ப­ட­வில்லை. நிய­மனம் மாத்­தி­ரமே வழங்­கப்­பட்­டுள்­ளது. இந்­நி­லையில் இக்­கு­ழுவில் எமது பொறுப்­புக்கள் என்ன என்­பது பற்றி பேச்­சு­வார்த்தை நடத்­து­வ­தற்கு சபா­நா­ய­க­ரிடம் சந்­திப்­பொன்­றினைக் கோரி­யுள்ளோம். இது தொடர்பில் சபா­நா­ய­க­ருக்கு நானும், தேர்­தல்கள் ஆணைக்­கு­ழுவின் தலை­வரும் கடி­த­மொன்­றினை அனுப்பி வைத்­துள்ளோம். மீளாய்­வுக்­கு­ழுவில் எமது கட­மைகள் என்­ன­வென்று அறிந்து கொண்­டாலே அது தொடர்­பாக செயற்­ப­ட­மு­டியும் என்றார்.

மீளாய்­வுக்­கு­ழுவின் தலை­வ­ராக பிர­தமர் ரணில் விக்­ர­ம­சிங்க நிய­மிக்­கப்­பட்­டுள்­ள­துடன் அங்­கத்­த­வர்­க­ளாக சபா­நா­யகர் கரு ஜய­சூ­ரிய, எதிர்க்­கட்சித் தலைவர் இரா.சம்­பந்தன், அமைச்சர்களான ரவூப் ஹக்கீம், நிமல் சிரிபால டி சில்வா, தேர்தல்கள் ஆணைக்குழுவின் தலைவர் மஹிந்த தேசப்பிரிய மாகாண சபை தேர்தல் தொகுதி எல்லை நிர்ணய ஆணைக்குழுவின் தலைவர்  கலாநிதி கே.தவலிங்கம் ஆகியோர் அங்கம் பெற்றுள்ளனர்.

Thanks - Vidivelli