பால்மா விவகாரம் : விஞ்­ஞான ரீதி­யி­லான எந்த உண்­மையும் இல்லை

இறக்­கு­மதி செய்­யப்­படும் பால்மா தொடர்­பாக மேற்­கொள்­ளப்­படும் பிர­சா­ரத்தில் விஞ்­ஞான ரீதி­யி­லான எந்த உண்­மையும் இல்லை. அது­தொ­டர்பில் பொறுப்­புடன் செயற்­ப­டு­கின்றோம் என இறக்­கு­மதி செய்­யப்­படும் உண­வு­க­ளை­ பரி­சீ­லனை செய்யும் நிறு­வ­னங்­களின் பிர­தா­னிகள் தெரி­வித்­தனர்.

இறக்­கு­மதி செய்­யப்­படும் பால்மா தொடர்பில் நாட்டில் எழுந்­தி­ருக்கும் சந்­தே­கங்­களை தெளி­வு­ப­டுத்தும் செய்­தி­யாளர் சந்­திப்பு நேற்று அர­சாங்க ஊடக திணைக்­க­ளத்தில் இடம்­பெற்­றது. இதில் கலந்­து­கொண்டு கருத்து தெரி­விக்­கை­யி­லேயே அவர்கள் இவ்­வாறு குறிப்­பிட்­டனர். இங்கு சுகா­தார அமைச்சின் பணிப்­பாளர் அனில் ஜய­சிங்க கருத்து தெரி­விக்­கையில், திர­வப்பால் பாவிப்­பதே உடல் சுகா­தா­ரத்­துக்கு மிகவும் ஏற்­றது. ஆரம்ப காலப்­ப­கு­தியில் மக்கள் திர­வப்­பா­லையே பாவித்து வந்­தார்கள். என்­றாலும் தற்­போது அந்த நிலை மாறி­யுள்­ளது. திர­வப்­பாலின் உற்­பத்தி போது­மா­ன­தாக இல்லை. அதனை நிவர்த்தி செய்யும் பொருட்டே இறக்­கு­மதி செய்யும் பால்மா பயன்­ப­டுத்­தப்­ப­டு­கின்­றது. என்­றாலும் தற்­போது இறக்­கு­மதி செய்­யப்­படும் பால்மா தொடர்­பாக மக்கள் மத்­தியில் சந்­தேகம் எழுந்­துள்­ளது. அதனை நிவர்த்தி செய்­ய­வேண்­டிய பொறுப்பு சுகா­தார அமைச்­சுக்கு இருக்­கின்­றது. அதனால் இறக்­கு­மதி செய்­யப்­படும் பால்மா தொடர்பில் நாங்கள் விஞ்­ஞான ரீதியில் ஆய்­வு­களை மேற்­கொண்டே அதனை விநி­யோ­கிக்க நட­வ­டிக்கை எடுக்­கின்றோம்.

உணவு பாது­காப்பு பிரிவின் பிரதி பணிப்­பாளர் நாயகம் வைத்­தியர் லக் ஷ்மன் கம்லத் தெரி­விக்­கையில், பால்மா என்­பது உலகம் பூரா­கவும் விநி­யோ­கிக்­கப்­படும் ஒன்­றாகும். அதனால் அதற்கு சர்­வ­தேச தரச்­சான்று ஒன்று இருக்­கின்­றது. அதன் பிர­காரம் இறக்­கு­மதி செய்­யப்­படும் பால்­மா­வுக்கு இலங்­கையில் எஸ்.எல்.எஸ்.ஐ. 731 என்ற இலக்க தர­நிர்­ண­யத்­துக்கு உள்­வாங்­கப்­பட்­டி­ருக்­கின்­றது. அத­ன­டிப்­ப­டையில் இலங்­கைக்கு இறக்­கு­மதி செய்­யப்­படும் பால்­மா இந்த தர நிர்­ண­யத்­துக்கு உள்­ள­டக்­க­ப்ப­டு­கின்­றதா என்­பதை பரி­சீ­லித்த பின்­னரே நாங்கள் அதனை துறை­மு­கத்தில் இருந்து விடு­விக்­கின்றோம்.

அத்­துடன் எந்­த­வொரு பால்­மா­வையும் எமது நாட்­டுக்கு இறக்­கு­மதி செய்­யும்­போது அதன் உற்­பத்­தி­நாடு அது­தொ­டர்­பாக எங்­க­ளுக்கு சுகா­தார சான்­றிதழ் ஒன்றை வழங்­கு­வார்கள். அதில் குறித்த பால்­மாவில் பால், கொழுப்பு தவிர்ந்த வேறு எந்த வகை­யான கொழுப்போ எண்­ணெயோ அடங்­க­வில்லை என்றும் உறு­திப்­ப­டுத்­தி­யி­ருக்க வேண்டும். அத்­துடன் நாங்­களும் அந்த பால்­மாவின் மாதி­ரி­களை பெற்­றுக்­கொண்டு அதனை உறு­திப்­ப­டுத்த எமது இர­சா­யன ஆய்­வு­க­ளுக்கு அனுப்­பு­கின்றோம்.

அத்­துடன் நியூ­சி­லாந்து பால்மா வேறு நாடு­க­ளுக்கும் விநி­யோ­கிக்­கப்­ப­டு­கின்­றன. ஆனால் அந்த நாடு­களில் இவ்­வா­றான பிரச்­சினை ஏற்­பட்­டுள்­ள­தாக எங்­க­ளுக்கு இது­வரை எந்த தக­வலும் கிடைத்­த­தில்லை. அதனால் இறக்­கு­மதி செய்­யப்­படும் பால்மா தொடர்­பாக மேற்­கொள்­ளப்­படும் பிர­சா­ரத்தில் விஞ்­ஞான ரீதி­யிலான எந்த உண்­மையும் இல்லை.

இலங்கை இர­சா­யன பகுப்­பாய்வுப் பிரிவு பிர­திப்­ப­ணிப்­பாளர் குறிப்­பி­டு­கையில், இறக்­கு­மதி செய்­யப்­படும் பால்­மாவில் இருக்கும் பால்­கொ­ழுப்பு தொடர்­பாக ஆராய முறை­மை­யொன்று இருக்­கின்­றது. தர­நிர்­ணய நிறு­வ­னத்தின் அறிக்­கையின் பிர­காரம் எஸ்.எல்.எஸ்.ஐ. 731 இல் அடங்­க­வேண்­டிய விட­யங்கள் தொடர்பில் நாங்கள் ஆராய்ந்து பார்ப்போம். அவ்­வாறு ஆராய்ந்து பார்க்­கும்­போது பால் கொழுப்பில் வேறு கொழுப்­புகள் அடங்கி இருக்­கின்­றதா என்­பது தொடர்­பாக அவ­தா­னிப்போம். ஆனால் எமது ஆய்வில் இது­வரை மேற்­கொண்ட ஆய்­வு­களின் மூலம் இறக்­கு­மதி செய்­யப்­படும் பால்­மாவில் பால்­கொ­ழும்பு அல்­லாமல் வேறு கொழுப்பு கலப்­படம் செய்­யப்­பட்­டி­ருப்­பது கண்­ட­றி­யப்­ப­ட­வில்லை.

இலங்கை தர­நிர்­ணய நிறு­வ­னத்தின் பிரதி பணிப்­பாளர் தயானி யாப்பா தெரி­விக்­கையில், இறக்­கு­மதி செய்­யப்­படும் அனைத்­து­வ­கை­யான உண­வுப்­பொ­ருட்­களின் மாதி­ரியை பெற்­றுக்­கொண்டு எமது தர­நிர்­ண­யத்­துக்கு உட்­ட­பட்­டதா என்­பதை நாங்கள் ஆராய்ந்து பார்ப்போம். அந்­த­வ­கையில் 2007ஆம் ஆண்டு இறக்­கு­மதி செய்­யப்­படும் பால்மா தொடர்பில் பாரிய போலிப் பிர­சாரம் மேற்கொள்ளப்பட்டு வந்தது. அதனைத் தொடர்ந்து நாங்கள் எமது தரநிர்ணயத்தை மேலும் புதுப்பித்துக்கொண்டு செயற்படத் தீர்மானித்தோம்.

என்றாலும் தற்போது இறக்குமதி செய்யப்படும் பால்மா தொடர்பில் வதந்தியே பிரசாரம் செய்யப்படுகின்றது என்பதை உறுதியாகத் தெரிவிக்க முடியும். ஏனெனில் இலங்கை தரநிர்ணய நிறுவனத்தின் தரத்துக்கு உட்பட்டதா என்பதை நாங்கள் பரிசீலித்த பின்னரே அதற்கு அனுமதி வழங்குகின்றோம் என்றார்.
பால்மா விவகாரம் : விஞ்­ஞான ரீதி­யி­லான எந்த உண்­மையும் இல்லை பால்மா விவகாரம் : விஞ்­ஞான ரீதி­யி­லான எந்த உண்­மையும் இல்லை Reviewed by Ceylon Muslim on February 21, 2019 Rating: 5