குர்­ஆனின் பெயரில், தீவிரவாதம் பிரச்சாரம் கட்டுப்படுத்தப்பட வேண்டும் - சம்பிக்க

முஸ்­லிம்கள் மக்­காவை நோக்கி வழி­பட்டால் பிரச்­சி­னை­யில்லை. ஆனால் அவர்கள் எமது மண்ணில் காலூன்றி நிற்­க­வேண்டும். எமக்கு இவ்­வா­றான முஸ்லிம் சமூ­கமே தேவைப்­ப­டு­கி­றது. எந்­தவோர் சம­யத்­துக்கும் வேறு மதங்­களை நிந்­த­னைக்கு உட்­ப­டுத்த முடி­யாது.

குர்­ஆனின் பெயரில் ஏனைய மதங்­க­ளுக்கு எதி­ராக மேற்­கொள்­ளப்­படும் தீவி­ர­வாத பிர­சா­ரங்கள் கட்­டுப்­பாட்­டுக்குள் கொண்­டு­வ­ரப்­பட வேண்டும். இதற்­கென சட்­டங்கள் கொண்­டு­வ­ரப்­பட வேண்டும். இதே­போன்று பௌத்­தத்தின் பெயரால் ஏனைய சம­யங்­களை துன்­பங்­க­ளுக்­குட்­ப­டுத்தும் வகையில் எவ­ருக்கும் செயற்­பட உரி­மை­யில்லை என பாரிய நக­ரங்கள் மற்றும் மேல்­மா­காண அபி­வி­ருத்தி அமைச்சர் சம்­பிக்க ரண­வக தெரி­வித்தார்.

மாதி­வெல, கிம்­பு­லா­வெ­லயில் நிர்­மா­ணிக்­கப்­பட்ட தேசிய பௌத்த மத்­திய நிலை­யத்தின் திறப்பு விழாவில் கலந்­து­கொண்டு உரை­யாற்­று­கை­யிலே அவர் இவ்­வாறு கூறினார். நேற்று முன்­தினம் நடை­பெற்ற இந்­நி­கழ்வில் அவர் தொடர்ந்தும் உரை­யாற்­று­கையில், ‘‘எமக்குத் தேவை அரே­ாபிய கலா­சா­ரங்­களைப் பின்­பற்றும் முஸ்­லிம்­க­ளல்ல. இலங்­கைக்­கான முஸ்லிம் சமூ­க­மொன்றே தேவை. பயங்­க­ர­வா­தத்தைத் தடுப்­ப­தற்கு எமது நாட்டில் அமு­லி­லி­ருக்கும் சட்டம் போது­மா­ன­தாக இல்லை. அதனால் புதி­தாக சட்­டத்தில் திருத்­தங்கள் கொண்­டு­வ­ரப்­பட வேண்டும்.

சட்­டத்தில் திருத்­தங்­களைக் கொண்­டு­வ­ரு­வ­தற்­காக நாம் கட்­சி­பே­த­மின்றி பொறுப்­புடன் செயற்­பட வேண்டும். ஷரீஆ பல்­க­லைக்­க­ழகம் என்ற பெய­ரிலோ அல்­லது வேறு பெய­ரிலோ தனியார் பல்­க­லைக்­க­ழ­கங்கள் இயங்­கு­வதை ஒரு­போதும் அனு­ம­திக்­க­மு­டி­யாது.

அமைச்சர் ரிசாத் பதி­யு­தீ­னுக்கு எதி­ராக முன்­வைக்­கப்­பட்­டுள்ள நம்­பிக்­கை­யில்லாப் பிரே­ரணை தொடர்பில் ஆராய்­வ­தற்கு பாரா­ளு­மன்றத் தெரி­வுக்­குழு நிய­மித்து அவ­ருக்கு எதி­ரான குற்­றச்­சாட்­டுகள் நிரூ­பிக்­கப்­பட்டால் அவர் பதவி விலக்­கப்­ப­டு­வ­துடன் நாட்டின் சட்­டத்­துக்கு அமைய தண்டிக்கப்பட வேண்டும். எதிர்வரும் ஜனாதிபதித் தேர்தலில் குடும்ப செல்வாக்குக்கு இடமளிக்காமல் நாட்டின் எதிர்காலம் கருதி ஜனநாயகத்தை உறுதிசெய்யும் தரப்புக்கு ஆதரவுவழங்க வேண்டும்’’ என்றார்.
இந்த செய்தியை நண்பர்களுடன் பகிர்ந்து கொள்ள...