பிரதான செய்திகள்

சர்வதேச அணிகள் பாகிஸ்­தானுக்கு செல்வதை தாம் விரும்புவதாக குமார் சங்­கக்கார கூறுகிறார்


பாகிஸ்தானுக்கு கிரிக்கெட் விஜயம் செய்வதை சர்வதேச கிரிக்கெட் அணிகள் சீர்தூக்கிப் பார்ப்பதை நாங்கள் பெரிதும் விரும்புகின்றோம் என மார்­லிபோர்ன் கிரிக்கெட் கழகத் தலை­வரும் எம்.சி.சி. அணித் தலைவரு­மான குமார் சங்கக்கார தெரிவித்­துள்ளார்.

பாகிஸ்தானுக்கு கிரிக்கெட் விஜயம் செய்து ஓர் ஓருநாள் கிரிக்கெட் போட்டியிலும் 3 இரு­பது 20 போட்டியிலும் விளையா­டிய பின்னர் பாகிஸ்தான் கிரிக்கெட் சபையினால் வெளியி­டப்பட்டுள்ள ஊடக அறிக்கையில் சங்­கக்கார மேற்கண்டவாறு கூறிய­தாக குறிப்பிடப்பட்டுள்ளது. ‘விசேட கிரிக்கெட் விஜயம் செய்த வீரர்கள் அனைவரும் பாகிஸ்தானில் பல்வேறு விடயங்கள் தொடர்பில் ஈர்க்­கப்பட்டுள்ளனர்.

அங்கு சர்வதேச கிரிக்கெட் வாசனை அரிதாகக் காணப்படுகின்­றபோதிலும் பாகிஸ்தானுக்கு அது பெரிய விடயமாக அமைய­வில்லை’ என்று குமார் சங்கக்கார கூறியதாக அந்த அறிக்கையில் மேலும் தெரிவிக்கப்பட்டுள்ளது.

பாகிஸ்தானில் விளையாடப்பட்ட கிரிக்கெட் போட்டிகளை எப்­போதும் நினைவில் வைத்தி­ருக்கும் முன்னாள் இலங்கை அணித் தலைவர் குமார் சங்கக்காரவின் தலைமையிலான எம்.சி.சி. அணி­யினருக்கு வழங்கப்பட்ட மிக உயரிய வரவேற்பினால் அவர்கள் பிரமித்துப்­போனார்கள் என பாகிஸ்தான் கிரிக்கெட் சபை தெரிவித்துள்­ளது.

‘லாகூரில் குவாலண்டர்ஸ் அணி­யுடன் முதலாவதாக நடைபெற்ற போட்டியில் நாங்கள் பெரிய அளவு இரசிகர்களை எதிர்பார்க்கவில்லை. நாங்கள் மைதானத்தை அடைத்த­போது அங்கு ஏற்கனவே 19,000 இரசி­கர்கள் குழுமியிருந்தனர். அவர்கள் கிரிக்கெட் விளையாட்டை கண்டுக­ளிக்க வேண்டும் என்பதில் மிகவும் ஆர்வமாக இருந்தனர்.

இங்கு வருகை தருவது குறித்து அணிகள் சீர்தூக்கிப் பார்க்க வேண்டும் என நாங்கள் விரும்பு­கின்றோம். அதன் மூலம் சர்வதேச கிரிக்கெட் பாகிஸ்தானுக்கு முழு அளவில் திரும்பக்கூடிய­தாக இருக்கும்’ என குமார் சங்கக்­கார தெரிவித்ததாக அந்த அறிக்­கையில் மேலும் கூறப்பட்டுள்ளது.

ஒரு வாரம் பாகிஸ்தானில் தங்கியி­ருந்த எம்.சி.சி. அணியினர் திறந்த முச்சக்கர வண்டிகளில் பவனியாக அழைத்துச் செல்லப்பட்டதுடன் லாகூர் ஜிம்கானா கோல்வ் கழகம், லாகூர் கோட்டை ஆகியவற்றுக்கும் சென்றிருந்தனர். லாகூரில் உள்ள பிரித்தானிய உயர்ஸ்தானிகராலயத்தில் அவர்களுக்கு இரவு விருந்துபசாரமும் வழங்கப்பட்டிருந்தது.
இந்த செய்தியை நண்பர்களுடன் பகிர்ந்து கொள்ள...


முக்கிய குறிப்பு :

எமது இணையத்தளத்துக்கு அனுப்பிவைக்கப்படும் ஆக்கங்கள் , செய்திகள் என்பவற்றுக்கு அதனை அனுப்பிவைப்பவர்களே பொறுப்பாளிகள் ஆவர். தவறான அல்லது பிழையான, அவதூறு, பிறர் மனங்களை புண்படுத்தும் செய்திகள் அல்லது தகவல்களுக்கு எமது நிருவாகமோ இணையத்தளமோ பொறுப்பாளியல்ல. இதனைக்கருத்தில் கொண்டு தகவல் தொடர்புகளை மேற்கொள்ளுமாறு வேண்டுகின்றோம்.- நிருவாகம் -

Post a Comment

[blogger]

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget