மாடறுத்தல் தடை தொடர்பிலான யோசனைக்கு முடிவு ஒரு மாதத்திற்கு பிற்போடப் பட்டது.

அமைச்சரவை செய்தித் தொடர்பாளர் அமைச்சர் கெஹெலியா ரம்புக்வெல்ல இது தொடர்பில் தெரிவித்த போது, முடிவை எட்டுவதற்கு முன்னர் அந்தந்த குழுக்களுடன் கலந்துரையாடப்படும் என தெரிவித்தார்.

மேலும் பிரதமர் மஹிந்த ராஜபக்ஷ இந்த வாரம் ஒரு ஆரம்ப கருத்தை மட்டுமே முன்வைத்துள்ளார் என்றார்.

செவ்வாயன்று (08), இலங்கையில் மாடறுப்புக்கு தடை விதிக்கும் திட்டத்திற்கு ஆளும் கட்சியின் நாடாளுமன்ற குழு ஒப்புதல் அளித்தது.

எந்தவொரு உத்தியோகபூர்வ திட்டமும் பிரதமரால் சமர்ப்பிக்கப்படவில்லை என்று அமைச்சர் ரம்புக்வல்ல மேலும் கூறினார், ஆனால் விரைவில் இந்த முன்மொழிவை முன்வைப்பார் என்று எதிர் பார்ப்பதாக தெரிவித்தார்.

மாடறுப்பு தொடர்பான திட்டத்தை எப்போது, ​​எப்படி சமர்ப்பிக்க வேண்டும் என்பதை பிரதமர் தீர்மானிப்பார்.

இதற்கிடையில், மாட்டிறைச்சி இறக்குமதிக்கு தடை விதிக்கப்படாது என்று அமைச்சர் பந்துல குணவர்தன தெரிவித்தார்.

மாட்டிறைச்சி இறைச்சி பிரியர்களுக்கு நிவாரணமாக இந்த முடிவு எடுக்கப்பட்டுள்ளது என்றார்.