இலங்கையில் நேற்றையதினம் கொரோனா பாதிப்புக்குள்ளானவர்களில் 10 பேர் ஒரே குடும்பத்தை சேர்ந்தவர்கள் என இராணுவத்தளபதி சவேந்திர சில்வா தெரிவித்துள்ளார்.
கொட்டஹேன, கெசல்வத்த பகுதியில் அடையாளம் காணப்பட்ட பெண் கொரோனா தொற்றாளரின் அயல் வீட்டுக்காரர்களே இவ்வாறு பாதிக்கப்பட்டுள்ளனர்.
அத்துடன் இன்னொரு அயல் வீட்டுக்காரர்கள் 5 பேரும் கொரோனா தொற்றிற்கு இலக்காகியுள்ளதாகவும் அவர் குறிப்பிட்டார்.
குறித்த பெண் இந்தியாவிலிருந்து அண்மையில் நாடு திரும்பியிருந்த நிலையில் 33 நாளின் பின்னர் அவர் தொற்றுடன் அடையாளம் காணப்பட்டதுடன் அவரது கணவர் மற்றும் 2 மகன்களும் தொற்றிற்கு இலக்காகியுள்ளனர்.
இதேவேளை நேற்றையதினம் இலங்கையில் ஒரே நாளில் 17 கொரோனா தொற்றாளர்கள் அடையாளம் காணப்பட்டிருந்தனர்.
நாட்டில் கொரோனா தாக்கம் குறைந்து கொண்டு சென்றபோது, சடுதியாக ஏற்பட்ட இந்த அதிகரிப்பு பலத்த அதிர்ச்சியை ஏற்படுத்தியிருந்தது.
0 கருத்துகள்