வடக்கு, கிழக்கு விவசாயிகள் போராட்டங்களை நிறுத்தி தாங்களே உரம் தயாரித்து நெற்செய்கையை ஆரம்பித்துள்ளனர்! மஹிந்தானந்த

வடக்கு, கிழக்கில் விவசாயிகள் போராட்டங்களை கைவிட்டு, தாங்களே உரம் தயாரித்து பயிரிடுகின்றனர். இரசாயன உரங்களைக் கோரி தென்னிலங்கையில் எமது விவசாயிகள் வீதியில் இறங்கிப் போராடுகின்றனர். இந்தப் போராட்டங்கள் உண்மையான விவசாயிகளால் நடத்தப்படவில்லை என விவசாய அமைச்சர் மஹிந்தானந்த அளுத்கமகே தெரிவித்துள்ளார்.

பேராதனை, கன்னொருவ தாவர மரபணு வள மையத்தில் நடைபெற்ற சௌபாக்கிய வீட்டுத்தோட்ட வேலைத்திட்டத்தின் அங்குரார்ப்பண நிகழ்வில் பிரதம அதிதியாக கலந்துகொண்டு கருத்து தெரிவிக்கும் போதே அமைச்சர் மேற்கண்டவாறு தெரிவித்தார்.

மேலும், பெரும்போகத்தில் பயிரிடப்படவுள்ள 800,000 ஹெக்டேயர் வயல் நிலங்களில் 500,000 ஹெக்டேயர் நெற்செய்கை மேற்கொள்ளப்பட்டுள்ளது.

நவம்பர் மாத இறுதிக்குள் விவசாயிகள் தமது நெற்செய்கைகள் அனைத்திலும் விவசாயம் செய்ய விருப்பப்படுவார்கள்.

நெல் விதைப்பில் அரசு இயற்கை உரங்களை வழங்குகிறது. களைக்கொல்லிகள் மற்றும் பூஞ்சைக் கொல்லிகளை இறக்குமதி செய்வதற்கு அரசாங்கம் தற்போது நடவடிக்கை எடுத்துள்ளது. எனவே, விவசாயிகள் நெற்செய்கையை தொடங்;கியுள்ளனர்.

வடக்கு, கிழக்கில் போராட்டங்கள் இல்லை. தாங்களே உரம் தயாரித்து பயிரிடுகின்றனர். இரசாயன உரங்களைக் கோரி தென்னிலங்கையில் எமது விவசாயிகள் வீதியில் இறங்கிப் போராடுகின்றனர்.

இந்தப் போராட்டங்கள் உண்மையான விவசாயிகளால் நடத்தப்படவில்லை. அரசியல் கட்சி உறுப்பினர்கள். அவர்கள் போராட்டம், உண்ணாவிரதம் மற்றும் சாப்பிட எல்லாவற்றையும் பெறுகிறார்கள்.

பொலன்னறுவையில் உண்ணாவிரதம் இருக்கும் விவசாயிகளில் எத்தனை உண்மையான விவசாயிகள் இருக்கிறார்கள் என்று பாருங்கள். முன்னாள் ஜனாதிபதி மைத்திரிபால சிறிசேனவும் போராட்டக்காரர்கள் மத்தியில் சென்று பல விடயங்களை கூறியுள்ளார்.

அதற்கு நான் பதில் சொல்ல மாட்டேன். ஏனெனில், எல்லாவற்றிற்கும் மேலாக, அவர் ஒரு முன்னாள் ஜனாதிபதி. நான் பதிலளித்தால், அவர் தெருவில் நடக்க முடியாது.

சௌபாக்ய வீட்டுத்தோட்ட வேலைத்திட்டத்தின் மூலம் நாடளாவிய ரீதியில் 1.2 மில்லியன் குடும்பங்கள் நன்மையடைவதோடு, நச்சுத்தன்மையற்ற உணவுப் பாதுகாப்பை மேம்படுத்தும்.

இந்த வீட்டுத்தோட்டத்தில் ஈடுபட்டுள்ள குடும்பங்களுக்கு மத்தியில் சிறந்த வீட்டுத்தோட்டத்தை தெரிவு செய்யும் போட்டி பிரதேச செயலக மட்டம், மாவட்ட மட்டம், மாகாண மட்டம் மற்றும் தேசிய மட்டத்தில் நடத்தப்பட்டு தலா 50,000 ரூபா நன்கொடையாக வழங்கப்படும் எனவும் அவர் தெரிவித்துள்ளார்.